ЯҢАЛЫКЛАР

9 декабрьдә бөтен дөньяда Халыкара коррупциягә каршы көрәш көне билгеләп үтелә. Иштуган мәдәният йорты  һәм китапханә белгечләре коррупциягә каршы карашны формалаштыру һәм коррупциягә тискәре караш тәрбияләү максатыннан яшьләр белән «Коррупция:без нәрсә белергә тиеш?!” дип аталган чара уздырдылар . Катнашучылар коррупция формаларын, төрләрен , коррупция фактлары турында сөйләделәр, көнүзәк ситуацияләрне һәм җаваплылык төрләрен тикшерделәр. Чараны алып баручы катнашучылар белән ришвәтнең нәрсә икәнлеге һәм ришвәт алу өчен җинаять җаваплылыгына кем тартылырга мөмкин булуы турында сөйләште.Катнашучыларның барысына да коррупция турында нәрсә белергә кирәклеге турында мәгълүмат тупланган «Стоп коррупция» буклетлары таратылды. Очрашу ахырында чарада катнашучыларга коррупциягә каршы видеороликлар карау тәкъдим ителде.

Инвалидлар декадасы-мөмкинлекләре чикле кешеләргә даими игътибар кирәклеге турында җәмгыятькә чираттагы искәртү. Һәрбер кешегә игътибар һәм кайгыртучанлык күрсәтергә мөмкин. Инвалидларның бер проблемасы-аралашу җитмәү. Безнең авылда әхлакый ярдәмгә ,игътибар һәм җылы сүзгә мохтаҗ инвалидлар яши. 7 декабрьдә Иштуган мәдәният йорты һәм китапханә белгечләре «Җылылык нурлары бүләк итәбез» дигән чара  оештырдылар . Бу көнне мәдәният хезмәткәрләре мөмкинлекләре чикле кешеләр өчен Игелек визиты ясадылар.Кыш бабай һәм Кар кызы  булып  бүләкләр өләшеп  йөрделәр.Мондый кайгырту җәмгыять тормышының аерылгысыз өлеше булып тора һәм кешеләргә, алар инде беркемгә дә кирәк түгел дип уйламыйча, тормышка иман бирә.

Инвалидлар декадасы кысаларында, 7 декабрьдә Иштуган мәдәният йорты һәм китапханәсе белгечләре «Йөрәктән йөрәккә»дигән чара үткәрделәр.Катнашучылар чәй өстәле артына концерт карарга җыелдылар. Аларның ял итү генә түгел, ә бер-берсе белән аралашу мөмкинлеге дә бар иде. Чара дәвамында катнашучылар үз адресларына ныклы сәламәтлек һәм яхшы кәеф теләкләрен ишеттеләр.Чарада катнашучылар үзләре өчен әзерләнгән музыкаль номерларны карадылар, сәламләү сүзе һәм изгелек теләкләре белән Кыш бабай һәм Кар кызы чыгыш ясадылар һәм бүләкләр тапшырдылар.Кайвакыт яхшы елмаю һәм дусларча катнашу кешене бәхетле итә ала, чөнки сер түгел, инвалидларның бер проблемасы-аралашу җитмәү.

9 декабрь-Ватан Геройлары көне. Ватан Геройлары-Советлар Союзы Геройлары, Россия Федерациясе Геройлары, Социалистик хезмәт Геройлары исеменә лаек кешеләр. Бу истәлекле дата хөрмәтенә Килдебәк мәдәният йорты хезмәткәрләре, китапханәче белән берлектә патриотик сәгать үткәрделәр.». Балалар бәйрәмнең барлыкка килү тарихы, 1812 елгы геройлар һәм безнең көннәрдәге геройлар турында белделәр. Чарада Советлар Союзы Геройлары, Россия Геройлары, кайвакыт үз тормышлары бәрабәренә безнең бәхетле киләчәгебез өчен көрәшүчеләр турында сүз барды. Һәм теләсә нинди шартларда яшьләр яңадан илне якларга әзер булсын өчен, батырлык үрнәкләре кирәк. Бу мисалларны безнең данлы тарихыбызда табып була.

Якташыбыз Тимергалиев Курбангали Тимергалиевның биографиясенә һәм батырлыгына җентекләбрәк тукталдык. Шулай ук чарада катнашучылар стелага чәчәкләр салдылар һәм Бөек Ватан сугышында катнашучыларның истәлеген бер минут тынлык белән хөрмәтләделәр.

Ахырда геройлар хәзер дә безнең арада дип әйтелде.

Кыш - елның иң салкын, әмма шул ук вакытта иң матур вакыты. Күпчелек кеше кыш килүен түземсезлек белән көтә. Чөнки Кыш үзе белән күңел ачу, шатлыклар алып килә. Нәкъ кыш көне без салкыннарны кичерәбез, Яңа елны каршылыйбыз, балалар чанада шуалар һәм кыш бабайлар ясыйлар. Бу-Кыш бабай килеп, без ел буе хыялланган бүләкләр бүләк иткән вакыт. Ә тәрәзә артында һава торышы соендермэсэ, кайвакыт вакыт җитмәгән мавыгуларыңны да искә төшереп була. Мәсәлән, альбомны, буяуларны, карандашларны һәм кисточкаларны кулыңа алып, кышкыгүзәлекне ясарга!Шуңа Күрә Сулэ авыл клубында "Көмеш белән җир бизәлгән" дип исемлэнгэн рәсемнәр конкурсы оештырылды.Рәсем ясарга яраткан һәркем конкурска үзләренең гаилә рәсемнәрен, кыш пейзажларын, Яңа елның төп кунакларын – чыршы гүзәллеген ясады. Һәр катнашучы үзенең  талантын күрсәтте. Бу чара балаларның иҗади сәләтләрен үстерүгә, эстетик зәвык тәрбияләүгә, иҗади табышка шатлану осталыгына ярдәм итә.

9 нчы декабрьдә Лесхоз мәдәният йорты хезмәткәрләре һәм китапханәче Яңа ел уенчыклары ясау буенча мастер-класс үткәрделәр. Чыршы уенчыклары-шатлык, бу һәрвакыт бәйрәм һәм күңелле хисләр. Хезмәткәрләр җитәкчелегендә балалар үз куллары белән Яңа ел чыршысы өчен уенчыклар ясадылар, шулай ук аларны борынгы заманда ничек ясаганнарын белделәр. Мондый мастер-классларда катнашу матурлыкка кагылырга мөмкинлек, әкиятле кәеф бирә һәм балада иҗади сәләтләр үстерә.

9 декабрьдә инвалидлар декадасы кысаларында Яңа Мичән мәдәният йортында авыл китапханәсе белән берлектә " Авырлыкны жинэр очен коч кирэк "исеме астында кичә оештырдылар. Китапханәче "кочле рухлылар"китап күргәзмәсе белән таныштырды. Күргәзмәдә ниндидер сәбәпләр аркасында инвалид булган кешеләр турында сөйләүче китаплар тәкъдим ителә. Аларның тормышы-авыр авыруларны җиңү, ирлек, дәвалап булмый торган авыру белән лаеклы тормыш үрнәге. Шулай ук биредә автобиографик повестьлар, аларның авторлары сәламәтлек мөмкинлекләре чикләнгән кешеләр, һәм нәфис әдәбият тәкъдим ителгән. Бу китаплар барлык авырлыкларны аңларга ярдәм итә. Түземлерәк булырга өйрәтүче китаплар аерым кешеләргә карата дусрак. Якты киләчәккә өметләрен югалтмас өчен, мөмкинлекләре чикле кешеләргә килергә кирәк. Шулай ук һәркемгә физик мөмкинлекләре чикле булган кешеләргә игътибар, мәрхәмәтлек, кайгырту һәм ярдәм итү, аларга тиң мөнәсәбәтләр булдыру кирәклеге турында искәртү.

Инвалидлар декадасы кысаларында 9 декабрьдә Килдебәк мәдәният йорты хезмәткәрләре китапханә белән берлектә Халыкара инвалидлар көненә багышланган «Тормыш матур булсын» дигән чара үткәрделәр. 2 группа  инволид   Кәримуллин Илназ сәхнәдә  үзенең яраткан җырларын,үзе гармунда уйнап башкарды. Аның күзләрендә сөенеч иде. Очрашу ахырында истәлекле бүләкләр тапшырылды. Барысы да күтәренке кәеф белән,рәхмәтләрен белдереп  өйләренә кайтып киттеләр.

9 декабрьдә Кече Шыңар  мәдәният йорты хезмәткәрләре китапханәче белән берлектә Халыкара инвалидлар көненә багышланган сәламәтлек мөмкинлекләре чикләнгән кешеләрне чакырып ял кичәсе үткәрделәр. "Шатлыкларны бергә бүлешик" Бу җәмгыятькә физик мөмкинлекләре чикләнгән кешеләр барлыгын искә төшереп тора . Без аларга үзләрен, сәләтләрен һәм мөмкинлекләрен тормышка ашырырга булышырга тиеш. Кунаклар төрле конкурсларда катнаштылар. Ахырда истәлекле бүләкләр тапшырдык  . Бәйрәм чәй эчү белән өстәл артында бәйрәм  тәмамланды.

9 нче декабрь көнне Шәмәрдән мәдәният йорты белгечләре авыл халкы өчен «Мы против коррупции» дип исемләнгән урам акциясе үткәрделәр. Бу чара барышында авыл урамнары буйлап кешеләргә коррупциянең зыяны һәм бу тискәре күренеш белән көрәшү ысуллары турында мәгълүмат булган буклетлар таратылды. Бу акция кешеләрнең игътибарын җәмгыятьтә коррупциягә каршы көрәшнең мөһимлеген аңлауга һәм аннан саклануга юнәлдерелгән иде. Чөнки һәр кеше җәмгыятьтә ачыклык һәм гаделлек өчен бергәләп көрәшсә, хәлне яхшыртуга үз өлешен кертә ала. Мондый акцияләр халыкның игътибарын мөһим темаларга җәлеп итәргә ярдәм итә һәм кешеләргә вакытында мәгълүмат бирүне хуплый.