ЯҢАЛЫКЛАР
11 март көнне Кече Шыңар мәдәният йортында китапханәче белән берлектә "Ак калфак "клубы әгъзалары өчен тәсбих ясау буенча мастер-класс үткәрелде. Хезмәткәрләр мөселман тәсбихләре турында сөйләделәр, аларны кайчан һәм кайда кулланалар һәм алар нәрсәдән ясалган. Тәсбихләр ясау өчен түбәндәге инструментлар кирәк булган: нык капрон җеп, чук өчен мулине җеп, бусинкалар, арадаш бусинкалар һәм кул эшләре өчен башка материаллар. Барысы да бик теләп мастер-класста катнашты, Әзерләнгән тәсбихләрне хатын-кызлар Ураза бәйрәменә туганнарына һәм якыннарына бүләк итү өчен үзләре белән алып киттеләр. Мастер-класстан соң чарада катнашучыларның барысы да тәм-томнар белән чәй эчтеләр.
Мишәбаш авылы мәдәният йортында Евлаштау китапханәсе, балалар бакчасы белән берлектә , халыкара хатын-кызлар көненә һәм изге Рамазан аена багышланган бик матур, тэрбияви чара үткәрелде.
Бәйрәм кичәсе рамазанның рухи әһәмиятен – шәфкатьлелеген искэ төшерүче Коръән сүрәләрен укудан башланды. Чара барышында хатын – кызларны якынлашып килүче бәйрәм-Халыкара хатын-кызлар көне белән котладылар, чакырылган авылдашлар, Туган жиребездэ тизрәк тынычлык урнаштыру һәм якташларының исән-сау кайтуын сорап дога кылдылар.
Әлеге чараны югары дәрәҗәдә оештырырга материаль ярдэм иткэннэре өчен иганәчеләргә зур рәхмәтебезне белдерәбез.
7 мартта Халыкара хатын-кызлар көненә Югары Шытсу мәдәният йорты хезмәткәрләре китапханәче белән берлектә “Чын күңелдән” дигән бәйрәм кичәсе үткәрделәр. Башта бәйрәм белән авыл җирлеге башлыгы Мәүлетов Б.М., “Шытсу” җәмгыяте вәкиле Салихов И.Х. котладылар һәм җыр бүләк иттеләр. Программа патриотик, заманча һәм халык җырлары, биюләре, шигырьләре белән үрелеп барды, халык музыка уен коралларында көйләр башкарылды. Тематик китап күргәзмәсе тәкъдим ителде. Бәйрәмгә уллары махсус хәрби операциядә булган әниләр дә чакырылган иде. Аларга Бөтенроссия “Батырларның әниләренә чәчәкләр” акциясе кысаларында авыл җирлеге башлыгы һәм мәдәният хезмәткәрләре чәчәкләр, Рәхмәт хатлары, истәлекле бүләкләр тапшырдылар. Шулай ук яшь әниләр белән “Үзебезнең уен” оештырылып, 4 тур үтелеп, тормышчан сорауларга җаваплар бирелде, кызыклы биемнәр чишелде. “Чын күңелдән” дигән бәйрәм кичәсеннән һәркем шәфкатьлелек хисләре, яхшы кәеф белән таралышты. Чара Ватанны саклаучылар елы кысаларында үтте.
Бүген 9 март, әмма бәйрәм кәефе дәвам итә. Олы Нырты мәдәният йорты һәм авыл китапханәсе хезмәткәрләре мәктәп укучылары өчен гадәти булмаган спорт бәйрәме үткәрделәр. Барлык конкурслар да кызлар өчен уйланылган иде, ә алар бездә аз булганлыктан, малайларга барлык "Хатын-кыз биремнәрен" үтәргә туры килде. Шунысын да әйтергә кирәк: алар бу эшне бик яхшы башкарганнар! Бәйрәмдә катнашучылар тизлек, зирәклек һәм тапкырлык таләп иткән күңелле һәм спорт бәйгеләрендә көч сынаштылар. Кызыклы һәм оригиналь биремнәрне үтү барышында барлык катнашучылар да үзләренең нинди спорт, җитез һәм оста, акыллы, иҗади һәм дус булуларын күрсәттеләр.
8 мартта билгеләп үтелә торган Халыкара хатын-кызлар көне күптән инде яз, нәфислек һәм кешелекнең гүзәл яртысына игътибар символына әверелде. Хәзерге Россиядә 8 Март иң яраткан бәйрәмнәрнең берсе булып кала. Традиция буенча ирләр якыннарын — әниләрен, хатыннарын, кызларын, хезмәттәшләрен — чәчәкләр, бүләкләр һәм җылы сүзләр белән котлыйлар. Бу көнне махсус хәрби операциядә булган сугышчыларның әниләрен котлау аеруча мөһим. Олы Нырты мәдәният йорты һәм авыл китапханәсе хезмәткәрләре улы операциянең беренче көннәреннән үк хәрби хәрәкәтләр зонасында булган нурзия апа Газизәнованы котладылар һәм тизрәк кайтуын теләделәр
9 март көнне Корсабаш мәдәният йортында 8 Март бәйрәме уңаеннан Сула, Корсабаш мәдәният йортлары һәм Корсабаш китапханәсе белгечләре, үзешчән сәнгать артистлары белән берлектә "Кайнана" спектаклен куйдылар (комедия).
Комедиянең вакыйгалары гади гади гаиләдә бара, нигезендә көнкүреш темасына гаилә конфликты ята. Ул Безнең заман өчен бик актуаль. Әнисе улының яшь хатынын һич тә кабул итми. Кәләш эшләгән һәм сөйләгән бөтен нәрсә аңа ошамый.Әмма бер көнне яңа килен килә һәм каенанасының тормышын 180 градуска үзгәртә.Артистларның якты һәм шатлыклы уйнавы, шулай ук геройлар образларында мавыктыргыч матур табышлары булган Спектакль алкышлар һәм залның соклануын уятты.
9 март көнне Курсабаш мәдәният йортында 8 Март бәйрәме уңаеннан Сулэ авыл клубы, Курсабаш мәдәният йорты һәм Курсабаш китапханәсе белгечләре, үзешчән сәнгать артистлары белән берлектә "Кайнана" спектаклен куйдылар (комедия).
Комедиянең вакыйгалары гади гаиләдә бара, нигезендә көнкүреш темасына гаилә конфликты ята. Ул безнең заман өчен бик актуаль. Әнисе улының яшь хатынын һич тә кабул итми. Кәләш эшләгән һәм сөйләгән бөтен нәрсә аңа ошамый.Әмма бер көнне яңа килен килә һәм каенанасының тормышын 180 градуска үзгәртә.Артистларның якты һәм шатлыклы, шулай ук геройларнын образларында мавыктыргыч уйнавы залны алкышларга кумде.
9 март көнне Кече Шыңар мәдәният йорты һәм китапханә хезмәткәрләре, "Ак калфак" клубы әгъзалары белән берлектә, ифтар мәҗлесендә катнаштылар. Башта кунаклар һәм ифтарда катнашучылар имам вәгазен, Рамазан ае турындагы лекцияне игътибар белән тыңладылар. Бу хәл җыелган кешеләрнең күңелләрен рухи сафлык һәм мәрхәмәт белән тутырды.Аннары, традиция буенча, коллектив намаз укылды, аннан соң җыелганнарның барысы да ашап-эчеп утырдылар. Мәдәният йорты хезмәткәрләре, башкалар белән беррәттән, уртак әңгәмәдә катнаштылар..
9 март көнне Сулэ авыл клубында «электрон тәмәке-файдамы әллә зыянмы?»дигән профилактик әңгәмә булды. Электрон сигарет җитештерүчеләрнең максаты ләззәт иллюзиясен булдыру, ә моның өчен гади сигаретларга да ясалма рәвештә өстәлә торган шул ук химик кушылмалар кулланыла. Барыннан да элек, никотин көчле ияләшү уята һәм, барысына да өстәп, көчле нейротоксин, ягъни агу булып тора. Һәм бу һич тә арттыру түгел!
Чара барышында мөдир авыл клубына килүчеләргә электрон сигаретларның начар тәэсире һәм тискәре нәтиҗәләре турында сөйләде. Балалар вейп Нәрсә ул?дигән сораулар буенча фикер алышуда актив катнаштылар. Вейп гади тәмәкедән нәрсә белән аерыла? Вейп тартуга бәйле булырга мөмкинме?
Балалар бу темага зур игътибар бирделәр, сораулар бирделәр, ә соңыннан кызыклы әңгәмә өчен рәхмәт белдерделәр.