ЯҢАЛЫКЛАР

Бөтен Россия буенча ел саен февраль аенда «Россия чаңгы юллары-2025» дип исемләнгән чаңгы ярышлары уза, анда өлкәннәр дә, балалар да катнаша. Халык сәламәтлеген кайгыртып, Мишә авыл җирлеге төрле спорт чараларын югары дәрәҗәдә оештыра. Бүгенге чара да шундыйларның берсе. Лесхоз мәдәният йорты хезмәткәрләре дә мондый чараларда актив катнашалар. Хәрәкәт-ул тормыш, сәламәтлек турында кайгырту хәрәкәттән башлана бит. Салкын кояшлы көн, яхшы әзерләнгән чаңгы юлы, чаңгының шәп шуу һәм кайнар чәй белән коймак әлеге искиткеч чарада катнашучыларның барысына да күтәренке кәеф бүләк итте. Бу көн сәламәт яшәү рәвешенә тагын бер адым булсын һәм барыбызны да яңа шәхси спорт казанышларына рухландырсын! Шулай ук Лесхоз мәдәният йорты хезмәткәрләре музыкаль бизәлеш белән дә катнаштылар.

7 февраль көнне Лесхоз мәдәният йортында «А.С. Пушкин әкиятләрен яхшы беләмме?» дигән уен программасы үтте. Һәр кешенең балачагы әкиятләр белән ассоциацияләнә. Әкиятләр безнең тормышта зур роль уйный. Алар безне яхшылыкка, гаделлеккә, намуслылыкка, тапкырлыкка өйрәтәләр, фантазиябезне һәм хыялларыбызны үстерәләр, әхлакый һәм эстетик кыйммәтләргә тарталар. Шуңа күрә бүген балалар бөек рус шагыйре әкиятләре буенча сәяхәт кылдылар, анда аларны маҗаралар һәм биремнәр көтте. Балалар аның әсәрләрендәге геройларны искә төшерделәр, төрле өзекләр буенча әкиятләрнең исемнәрен атадылар, кроссвордлар чиштеләр, викторина сорауларына җавап бирделәр.

Балалар биремнәрне бик яхшы үтәделәр, зирәклек күрсәттеләр һәм Пушкин иҗатына яхшы белүләре белән сөендерделәр. Ахырда «Алтын әтәч турындагы әкият»не кычкырып укыдылар. Балалар бик күп уңай хисләр һәм яхшы кәеф алды. Ахырда катнашучы эрудицияле һәм укымышлы балаларыбызга татлы призлар бирелде.

6 февраль көнне Лесхоз мәдәният йортында "Солдатка аш" акциясе кысаларында Лесхоз бистәсе халкы  белән токмач кисү оештырылды. Һәр катнашучы үз көчен, вакытын җәлләмичә, кирәк-яракларны өеннән алып килеп, изге теләкләрен тели-тели, җан җылысын салып башкарды бу эшне.  Алар арасында солдат аналары да бар иде.  Һәркем үз хис-кичерешләрен, яңалыкларын сөйләп, вакытның үткәне дә сизелмәде. Үз күңелен биреп, туган җир җылысын салып әзерләнгән ризыгыбыз солдатларыбызга аш булсын. Һәрберебез ил афәтенә битараф булмыйча, бердәм булып, җиңүне якынайтыйк! Барлык катнашучыларга зур рәхмәтебезне белдерәбез. Изге эшебез дәвамлы булсын.

Бүген, 4 февральдә, Лесхоз мәдәният йортында мәдәният хезмәткәрләренең чираттагы семинары узды. 2025 ел безнең илдә Ватанны саклаучылар елы буларак билгеләп үтелә. Бу уңайдан Лесхоз мәдәният йорты хезмәткәрләре тарафыннан Ватанны саклаучыларның хәрби киемнәре күргәзмәсе һәм Җиңүнең 80 еллыгына багышланган театральләштерелгән тамаша әзерләнде. Сәхнә сугыш темасына җырлар һәм биюләр белән үрелеп барды. Ярты сәгатьлек бу картинада без, мәдәният хезмәткәрләре, сугыш елларының бөтен авырлыгын, сагышын һәм патриотлык хисләрен чагылдырырга тырыштык.

Семинар мәдәни-ял итү учреждениеләренең кышкы каникулдагы эшенә йомгак ясау, агымдагы проблемаларны тикшерү һәм киләчәк планнарны билгеләү белән дәвам итте. Семинар юбилярларны котлау белән тәмамланды. Гомумән алганда, семинар-киңәшмә эш атмосферасында нәтиҗәле һәм мәдәният учреждениеләре хезмәткәрләре өчен файдалы узды.

2025 ел Россиядә, шул исәптән Татарстанда да, Бөек Ватан сугышында Җиңүнең 80 еллыгы уңаеннан Ватанны саклаучылар елы дип игълан ителде. Шуңа бәйле рәвештә, Лесхоз мәдәният йортында әлеге датага багышланган чаралар үткәрелә башлады. 2 февральдә «Онытылмас еллар» дигән тематик сәгать узды. Чарада сугыш еллары җырлары турында сүз барды. Ватан җыры белән бергә сугышның беренче көннәреннән үк солдат сафына басты һәм сугышның тузанлы һәм төтенле юллары буйлап җиңү китергәнчегә кадәр барды. Чарада катнашучылар, Лесхоз урта мәктәбе укучылары, сугышка багышланган җырларны искә төшерделәр, аларның тарихы белән таныштылар. «Священная война», «В землянке», «Журавли», «Катюша», «Смуглянка» кебек атаклы җырларны тыңладык һәм гитарада башкардык. Сугыш елларында туган җырлар тыныч күк астында күп еллар узса да, бүгенге көндә дә бик якын һәм кадерле. Чөнки аларда туган илебезнең,  халкыбызның матурлыгы һәм бөеклеге, ул дәһшәтле елларның ачы сагышы чагыла. Шуңа күрә алар бүген дә күңелләрнең иң түренә үтеп кереп, иң нечкә кылларын тибрәтә.

Бильярд буенча Турнир-гади ярыш түгел, бу уенны яратучылар өчен дә, яңа уенчылар өчен дә күңелле вакыт үткәрү. Бильярд башка күп кенә спорт уеннарыннан үзенең чагыштырмача тынычлыгы белән аерыла - әлеге уен төре интеллектуаль сәләтләрне үстерә һәм фикерләүне гармонияләштерә.

2 февраль көнне Лесхоз мәдәният йорты хезмәткәрләре тарафыннан парлы рус бильярды буенча ярыш үткәрелде. Турнир әлеге спорт төрен чын күңелдән яратучыларны җыйды. Адреналин, азарт, яхшы нәтиҗә күрсәтү теләге уенчыларга бер генә минутка да тынычланырга ирек бирмәде һәм иң яхшы рәвештә катнашучыларны җиңүгә этәрде.

Барлык катнашучылар да яхшы һәм шактый тигез уен күрсәттеләр. Йомгак ясаганда призлы урыннар түбәндәгечә бүленде::

Турнирның җиңүчеләре-Фәйзерлар Галинур һәм Әхтәмҗанов Илшат

2 урын - Имамиев Фиргать һәм Сафин Дамир

3 урын-Шәрифуллин Шәйхулла һәм Мәннанов Газинур

Кыш - кышкы уеннар өчен менә дигән вакыт, ә алар куркынычсыз булсын өчен елның бу вакытында үз-үзеңне тоту кагыйдәләрен истә тотарга һәм үтәргә кирәк.

Кыш көне үз - үзеңне тотуда куркынычсызлык кагыйдәләренә игътибарны җәлеп итү максатыннан, 28 январь көнне Лесхоз мәдәният йорты хезмәткәрләре башлангыч мәктәп яшендәге балалар өчен «Кыш матур, имин булганда! " дип исемләнгән уен-викторина үткәрделәр. Алып баручы балаларга елның нинди матур вакыты - кыш булуы һәм балаларның урамда булу бәла-казага әйләнмәсен өчен, үз-үзеңне тотуның билгеле бер кагыйдәләрен үтәргә кирәклеге турында сөйләде. Мәгълүматны яхшырак кабул итү өчен чара уен формасында уздырылды. Балалар физминутта катнаштылар, ребуслар чиштеләр. «Кышкы куркынычсызлык" темасына рәсемнәр карап, алар алып баручы белән бергә куркыныч хәлләр һәм аларны булдырмау ысуллары турында фикер алыштылар.

28 гыйнвар көнне Лесхоз мәдәният йортында "Солдатка аш" акциясе кысаларында "Оста куллар" һәм "Тургай" фольклор коллективларына йөрүчеләр белән токмач кисү оештырылды. Һәр катнашучы үз көчен, вакытын җәлләмичә, кирәк-яракларны өеннән алып килеп, изге теләкләрен тели-тели, җан җылысын салып башкарды бу эшне.  Алар арасында солдат аналары да бар иде.  Һәркем үз хис-кичерешләрен, яңалыкларын сөйләп, вакытның үткәне дә сизелмәде. Үз күңелен биреп, туган җир җылысын салып әзерләнгән ризыгыбыз солдатларыбызга аш булсын. Һәрберебез ил афәтенә битараф булмыйча, бердәм булып, җиңүне якынайтыйк! Барлык катнашучыларга зур рәхмәтебезне белдерәбез. Изге эшебез дәвамлы булсын.

Чигү-кул эшләренең киң таралган төрләренең берсе. Ул иҗади кешенең иҗади сәләтен үстерергә ярдәм итә. Кул эшләренең бу уникаль төре, аны һәркем диярлек башкара ала. 23 гыйнварда Лесхоз мәдәният йортында «Оста куллар» клуб берләшмәсе осталары сөлге чигү эшләрен төгәлләделәр. Борынгы заманнарда осталар чигкән сөлгеләр һәрвакыт кызның пөхтә, тырыш һәм хезмәт сөючән булуы турында сөйләгән. Безнең осталарның эшләре дә моңа дәлил булып тора. Һәркайсының чигүе уникаль, матур килеп чыкты. Осталар үз эшләрен клубка бүләк итеп калдырдылар.

Җәмәгать урыннарында үз-үзеңне тоту культурасы проблемасы шактый актуаль. Без еш кына теге яки бу ситуация билгеле бер гамәл, хәрәкәт, фраза яки ишарә таләп итә дип уйламыйбыз. Проблема шунда ки, күп кенә яшүсмерләр һәм балалар бу кагыйдәләрне белми. Балаларны җәмәгать урыннарында үз-үзеңне тоту кагыйдәләре һәм тәртипләре белән таныштыру, тирә-юньдәгеләргә хөрмәт тәрбияләү, балаларда такт хисе үстерү максатында 19 гыйнвар көнне Лесхоз мәдәният йортында «Җәмәгать урыннарында балигъ булмаганнарның үз-үзләрен тоту кагыйдәләре» дигән танып-белү дәресе үткәрелде. Чара барышында балалар белән җәмәгать урыннарын билгеләү һәм ни өчен безнең һәрберебезгә мондый урыннарда үзеңне ничек тотарга кирәклеген белү мөһим икәнлеге турында фикер алыштылар. Аннары бергәләп урамда, җәмәгать транспортында, мәдәният учреждениеләрендә үз-үзеңне тоту кагыйдәләре турында сөйләштеләр. Шулай ук җәмәгать урыннарында таныш булмаган кешеләр белән үз-үзеңне тоту кагыйдәләре һәм шикле предметлар табылганда үзеңне ничек тотарга кирәклеге турында сөйләштеләр. Мондый характердагы чаралар бик мөһим! Алар балаларга үз-үзләренең тотышы турында уйланырга ярдәм итә.