ЯҢАЛЫКЛАР
29 март көнне район мәдәният йортында Мәдәният хезмәткәрләре көне уңаеннан зур чара булып узды. Иштуган мәдәният йорты” 2023 нче ел эш нәтиҗәләре буенча иң яхшы эшләүче клуб”номинациясендә-3 урын,"Пушкин картасы" программасы белән иң яхшы эшләүче клуб”номинациясендә 1 урын алды.Мәдәният йорты мөдире Гайнетдинова Гөлнара Хәйдәр кызы мәдәниятне үстерүдә зур өлеш керткәне өчен ГБУ "Таткультресурсцентр"ның Рәхмәт хаты белән бүләкләнде”.
28 март көнне Иштуган авыл мәдәният йорты белгечләре "Иман нуры иңсен күңелләргә" дип аталган Рамазан аена багышланган ифтар ашы үткәрделәр. Абыстай мөселман гаиләсендә үзара аңлашуның мөһимлеге, Аллаһы алдындагы бурычларыбыз турында сөйләде. Шулай ук ул әхлак, рухи чистарту, мөселман тәгълиматларын дөрес аңлау мәсьәләләренә кагылды һәм традицион кыйммәтләр турында сөйләде, залда җыелган барлык мөселманнарны тормышта күбрәк игелек һәм матурлык күрергә, булганнары белән канәгать булырга өйрәнергә чакырды.Катнашучылар әңгәмәдән соң,бергә намазга бастылар. Аннан соң мул табын артында аралаштылар. Кичә, ислам канунының барлык чараларын үтәп, дустанә атмосферада үтте.
Терроризм-кеше тормышына иң куркыныч һәм масштаблы проблемаларның берсе. 27 мартта Иштуган мәдәният йорты белгечләре балалар өчен «Терроризм –хәзерге заман проблемасы»дигән хокукый сәгать үткәрделәр.Алып баручылар террорчылыкның нәрсә икәнен, террорчыларның кем булуы турында сөйләделәр. Чара барышында терроризм кешелекнең глобаль проблемасына әверелде, аның чагылышлары массакүләм кеше корбаннарына авыр физик һәм психологик җәрәхәтләр китерә дип сөйләштеләр.Балалар алып баручылар белән бергә соңгы елларда дөньяда кылынган террор гамәлләрен искә төшерделәр. «Шикле предмет», «Паникасыз»кебек хәлләрне конкрет мисаллар белән тикшерделәр. Террорчылык куркынычы белән бәйле төрле ситуацияләрдә үзләрен ничек тотарга икәнен балалар «Зина, Кеша һәм террорчылар»мультфильмын караганнан соң белделәр. Террорчылык үсеше шартларында балаларга булган күренешләрнең куркынычлыгын аңлату, тынычлык сөючәнлек, толерантлык тәрбияләү, әйләнә-тирә дөньяны адекват кабул итү мөмкинлеге, әйләнә-тирә мохитнең тискәре йогынтысына каршы тора белү бик мөһим. Чара ахырында террорчылыкка каршы куркынычсызлык буенча белешмәләр таратылды.
26 мартта Иштуган мәдәният йорты белгечләре «Интернеттан тыш»өстәл уеннары көнен үткәрделәр.Өстәл уеннары-эрудицияне үстерү, сүз запасын тулыландыру, логик уйлауны яхшырту, шулай ук күңелле ял итү өчен яхшы ысул. Ләкин иң мөһиме, өстәл уеннары тере аралашу. Мондый уеннарның һәрберсе кызыклы вакыт-күңел ачу, дәрт, көчле эмоцияләр бирә. Балалар зур рәхәтлек белән лото, «Диңгез сугышы», «Мемо» ,«Бум» һ.б. уеннар уйнадылар. күңел ачу һәм дуслар белән бик яхшы үткәрелгән вакыт менә «Интернеттан тыш» чараның нәтиҗәсе ,телефоннар ял итте. Бу үзара аралашу, вакытны файдалы үткәрү өчен яхшы ысул. Балаларда өстәл уеннары белән кызыксыну сакланыр дип өметләнәсем килә, һәм алар еш кына буш вакытларын шулай үткәрәчәкләр.
Мәдәният хезмәткәрләре турында сөйләгәндә, шунда ук искә матур, күңелле һәм тантаналы чаралар ,концертлар килә. Ләкин бу һөнәр җиңел түгел: көн саен башкаларны оптимизм, игелек, мәхәббәт һәм өметләр белән кабызырга тырышасы! 25 мартта Иштуган мәдәният йорты белгечләре белән «Мәдәният хезмәткәре: кирәкле һөнәр» темасына «Сыйныф очрашуы»узды. Очрашуда СДК мөдире Г.Х.Гайнетдинова, сәнгать җитәкчесе М.Т. Гайнетдинова,балетмейстер Д.К.Хуҗина катнашты. Мондый "Сыйныф очрашуы" мәктәп укучыларына мәдәният хезмәткәре һөнәре белән якыннанрак танышырга һәм үз һөнәрләренә җаваплы, иҗади, аралашучан һәм гашыйк кешеләр генә мәдәнияттә эшли ала дигән нәтиҗә ясарга мөмкинлек бирде. 3 нче сыйныф укучылары аларга үз куллары белән ясалган төсле открыткаларын бүләк иттеләр. Очрашу ахырында укучылар рәхмәт сүзләрен җиткерделәр һәм безгә җәмгыять өчен бик кирәкле һөнәрдә уңышлар теләделәр.
21 март көнне Кукмара муниципаль районының мәдәният йортларындаӘтнә, Балтач, Саба, Теләче, Питрәч, Биектау һәм Кукмара муниципаль районнарының мәдәният хезмәткәрләренең “Мәдәни десант” күчмә семинар-практикум узды. Район мәдәният йорты делегациясе, Саба муниципаль районының үзәкләштерелгән клуб системасы, Иштуган мәдәният йортының сәнгать җитәкчесе М.Т. Гайнетдинова зональ республика семинар-практикумында катнаштылар. «Мәдәни десант» ның максаты – консультация бирү, практик һәм методик ярдәм күрсәтү, шулай ук җирле муниципаль мәдәният учреждениеләре эшчәнлегенең нәтиҗәлелеген бәяләү. Чарада катнашучыларны «Таткультресурс үзәге» директоры Алсу Мифтахова, район мәдәният идарәсе башлыгы Рамил Нуриев, район башкарма комитеты җитәкчесенең социаль мәсьәләләр буенча урынбасары Айгөл Әхмәтшина сәламләде. Шулай ук семинар барышында мәдәният алдынгылары бүләкләнде. Аннары чарада катнашучылар, төркемнәргә бүленеп, Югары Чура, Яниль, Олыз мәдәният йортларында эшләрен дәвам иттеләр.
22 мартта Иштуган мәдәният йорты белгечләре "Нәүрүз – яз бәйрәме" үткәрделәр.Бәйрәм татар халкының милли мәдәнияте һәм гореф-гадәтләренә кушылу, татар халык уеннары, татар халык биюләре элементлары белән танышу, милли бәйрәмнәргә эмоциональ-уңай мөнәсәбәт булдыру максатыннан үткәрелде. Мәдәният йорты каршында Нәүрүзбикәне каршы алырга олысы кечесе җыелды.Ләкин хуҗабикә урынына бәйрәмгә Кыш бабай килде. Ул үз хакимиятен тапшырырга теләмәде. Нәүрүзбикә үз хокукларына керсен өчен, Кыш бабай һәм Нәүрүзбикә бер-берсе белән ярыштылар. Ул көрәш белән булса да, язгы урынны Наүрүзбикәгә бирде. «Нәүрүз» нең барлык катнашучылары «Карга боткасы», кайнар чәй һәм коймак белән рәхәтләнеп авыз иттеләр. Катнашучылар шигырьләр укыдылар, язны мактадылар һәм чакырдылар, җырладылар, биеделәр һәм уеннар уйнадылар. Бәйрәм ахырында катнашучылар призлар белән бүләкләнделәр. Бәйрәм программасы тамашачыларда җылы атмосфера һәм искиткеч кәеф тудырды.
Язгы урманнан да матур, гаҗәп һәм мавыктыргыч нәрсә юк. Урманның бөтен матурлыгын урманның үзендә генә күрергә һәм аңларга мөмкин. Агачларга сокланып, саф һава сулап, туган ягыбызның матурлыгын күреп була. Язгы кояшлы көнне, 21 мартта Халыкара урман көнендә Иштуган мәдәният йорты белгечләре балалар белән экскурсиягә киттеләр. Экскурсия алдыннан балаларга урманда үз-үзләрен тоту кагыйдәләрен аңлаттылар: урман кешеләрен куркытмас өчен тавыш чыгармаска,карда тапталган юлларда йөрү, куакларга кул тидермәү- кыш көне туңган ботаклар җиңел ватыла; игътибарлы булу, матур күренешләр күрү. Безнең урманда нинди хайваннар һәм кошлар яши, нинди үсемлекләр, агачлар, куаклар, җиләкләр һәм гөмбәләр үсә.«Урман – җирнең яшел калканы»дигән әңгәмә үткәрдек. Балалар белән урман хайваннары турында сөйләштек. Алар кыш көне нәрсә белән тукланалар, кыш көне нинди төс алалар. Урман, тынлык, шау-шу тавышларын тыңладык. Кар эзләрен карадык, кемнәр икәнен белергә тырыштык. Балалар белән кайту юлында урман кырыенда тоткарландык, анда бик биек кар көртләре бар алар шунда уйнадылар, һәм, әлбәттә, фотога төштеләр. Өйгә кайтканда тәэсир алмаштык, урман турында табышмаклар, әйтемнәр, мәкальләр искә төшердек.
Монисто-удмурт хатын-кызларының традицион күкрәк муенсасы. Монисто берничә рәт җепләрдән торган муенсадан тора, аларга тәңкәләр, мәрҗәннәр тегелгән.20 март көнне Иштуган мәдәният йорты белгечләре «Удмурт халык муенсасы-монисто» монисто ясау буенча мастер-класс уздырдылар. Сәнгать җитәкчесе монистоның барлыкка килү тарихы турында сөйләде һәм аның төрләре белән таныштырды. Биҙәлеш өчен нигезне ничек ясарга кирәклеген аңлатты, тәңкәләрдән дөрес композиция урнаштырырга һәм аларны тукымага тегәргә өйрәттеләр.Үз кулларың белән тәңкәләрдән тәңкәле муенса ясау бөтенләй авыр түгел, иң мөһиме-сабырлык, игътибарлылык һәм тырышлык. Кызлар стильле, оригиналь, нәфис муенса ясадылар һәм нәтиҗәдән канәгать калдылар.
15 мартта район мәдәният йортында В.Г. Тимирясов исемендәге Казан инновацион университеты дипломнарын тапшыру тантанасы булды. Котлау сүзе белән Саба муниципаль районы мәдәният бүлеге башлыгы Р.Ф. Заһидуллин, бизнес-белем бирү һәм цифрлы технологияләр институты директоры Мөхәммәтханова Неля Илдус кызы, куратор, бизнес-белем бирү һәм цифрлы технологияләр институтының укыту-методик бүлеге җитәкчесе Луконина Фирүзә Дамировна чыгыш ясадылар. Иштуган мәдәният йорты белгече Хуҗина Диләрә Каршигаевна «Мәдәният өлкәсендә менеджмент»программасы буенча һөнәри әзерлек үтте.Котлыйбыз!