ЯҢАЛЫКЛАР
Укучылар өчен якшәмбе көне-ял итү, уйнау, яңадан башлану һәм яңа уку атнасына әзерләнү вакыты. Олы Нырты мәдәният йорты һәм китапханә хезмәткәрләре 12 январь көнне балалар өчен ял сәгате үткәрделәр. Балалар хәрәкәтле уеннарда рәхәтләнеп катнаштылар, зур кызыксыну белән өстәл уеннары уйнадылар. Балалар яхшы кәеф алдылар!
Иске Яңа ел-13 гыйнвардан 14 гыйнварга каршы төндә иске стиль буенча билгеләп үтелә торган рәсми булмаган популяр бәйрәм. Әлеге бәйрәмне билгеләп үтү максатында Олы Нырты мәдәният йорты һәм китапханә хезмәткәрләре 11 гыйнварда “ Исәнме, Иске Яңа ел"дигән бәйрәм чарасы үткәрделәр. Тамашачылар җыр һәм бию, хәрәкәтчән уеннарда актив катнаштылар. Чара күңелле, юмор, көлү белән тулы иде. Кыш бабай белән Кар кызы котлавы күңелле сюрприз булды. Шулай итеп, шаяртулар, биюләр һәм сөйләшүләр артыннан сиздермичә генә вакыт үтеп китте. Чара бәйрәм дискотекасы белән тәмамланды
8 январь көнне Олы Нырты мәдәният йорты, китапханә , Язлы Арташ , Чабья-Чурча авыл клублары белән берлектә балалар өчен "Кышкы уеннар"дип исемләнгән искиткеч экскурсия оештырдылар. Балалар тауда шуып һәм кышкы шатлыклардан ләззәтләнеп вакытларын күңелле үткәрделәр. Актив шуганнан соң алар попкорн белән кызыклы кино карадылар, бу бәйрәм атмосферасын өстәде. Балалар шулай ук шигырьләр әзерләделәр, алар Кыш бабайга һәм Кар кызына шатланып сөйләделәр, моның өчен бүләкләр белән бүләкләнделәр. Бу онытылмаслык, шатлыклы һәм кызыклы кышкы маҗара иде!
7 январь көнне Олы Нырты мәдәният йорты хезмәткәрләре Саба район мәдәният йортына Х.Тимербаевның юбилей кичәсен карарга бардылар. Кичәдә ,аның хезмәтен хөрмәтләп килгән, зур дәрәҗәле кунаклар катнашты. Казан шәһәреннән килгән артистлар матур чыгышлары белән халыкны ял иттерделәр. Иҗат кичәсе югары дәрәҗәдә оештырылган иде,һәркем ял итеп , юбилярның иҗат юлына сокланып ,горурланып утырды.
Балалар өчен кыш, көтеп алынган һәм яраткан вакыт! Сер түгел, балаларның физик үсешен, организмын ныгыту өчен мөмкин кадәр күбрәк вакытны саф һавада үткәрергә кирәк. Балалар, өлкәннәр өчен иң гади һәм үтемле сәламәтләндерү чарасы булып саф һавада йөрү тора. 7 гыйнвар көнне Олы Нырты авыл мәдәният йорты хезмәткәрләре ,укучылар өчен, « Кышкы каникулларны күңелле үткәрәбез» дигән исем астында ,сәламәт яшәү рәвешенә һәм актив ял итүгә багышланган, тимераякта шуу оештырдылар. Без барыбыз да Лесхоз бистәсендәге -«Нарат» боз сараенда урнашкан "Боз әкияте "нә эләктек. Кемнәр шуа белэ, алар җиңел генә тимераякта шуалар, ә кайберлэре беренче тапкыр тимераякка бастылар. Тимераякта шуу, көч һәм батырлык белән бергә, тигезлекне саклап, егылмыйча хәрәкәт итүне тәлап итә. Саф салкын һава да, күңелле музыка астында, күңелле кәеф тә, өлкәннәрнең ышанычлы җилкәсе булуы да балаларга ышаныч өстәде.
Кышкы каникуллар-балалар өчен дә, өлкәннәр өчен дә күңел ачу өчен менә дигән вакыт . 5 январь көнне Олы Нырты мәдәният йорты һәм китапханәсе, шулай ук Урта Нырты, Язлы Арташ һәм Чабья-Чурча авыл клублары хезмәткәрләре Сабаның Үзәк чыршысы янында «Кыш көне ничек күңелле»дип исемләнгән күңелле уеннар оештырдылар. Балалар төрле уеннарда бик теләп катнаштылар, командаларда ярыштылар. Кыш Бабай, Кар Кызы һәм урман җәнлекләре бәйрәм кунаклары булды, бу уен процессын балалар өчен тагын да кызыклырак итте. Кыш бабай җиңүчеләргә бүләкләр тапшырды, ә бәйрәм җырлар һәм биюләр белән үрелеп барды. Чара ахырында балалар да, ата-аналар да бүгенге җылы очрашудан рәхмәт әйтеп аерылыштылар.
1 январь көнне Олы нырта мәдәният йортында теләге булган һәркем өчен яңа ел дискотекасы булып үтте. Яшьләр ,гаилә парлары бу кичне ял итәргә килделәр. Кичә кунакларын дәртле музыкаль композицияләр давылы, дәртле җырлары, биюләр диңгезе һәм яхшы кәеф көтә иде-Менә болар барысы да безнең Яңа ел кичәсендә булды. 2025 елга җитәрлек уңай кәеф, энергия алгач, кунаклар рәхмәт сүзләре белән өйләренә таралыштылар.
Яңа ел-якты, серле , кабатланмас , тавышлы, гаҗәеп бәйрәм. Әкияти могҗизалар һәм тылсымлылык бәйрәме, бүләкләр, сюрпризлар һәм теләкләр белән үрелеп баручы могҗизалы кичә.Әлеге тылсымлы көн алдыннан 2 нче январь көнне Олы Нырты авыл мәдәният йорты хезмәткәрләре “Зиннәт “ кибете белән берлектә традицион рәвештә яңа ел лотерея билетлары уйнаттылар . Якынлашып килүче Яңа ел белән барлык катнашучыларны да Кыш Бабай һәм Кар кызы чын күңелдән котлады. Чөнки Яңа ел - үткәнне , бүгенгесен һәм киләчәген , якты хыялларны һәм яңа максатларны искиткеч итеп берләштерә торган бәйрәм. Лотерея призлар уйнату күңелле уеннар, җырлар һәм биюләр белән чиратлашып барды.
Яңа ел алдыннан күп кенә гаиләләр хәрби операция тәмамлануын көтеп яши. Шундый гаиләләрнең берсендә 1 гыйнварда Олы Нырты мәдәният йорты һәм китапханәсе, Язлы Арташ һәм Чурча Авыл клублары хезмәткәрләреннән торган Кыш бабай командасы булып китте. Газизянов Рифнур махсус хәрби операция башланганнан бирле хәрби постта тора. Рифнурның туганнары аның тизрәк исән-сау әйләнеп кайтуын көтәләр. Кыш бабай Яңа ел күчтәнәчләре тапшырды һәм аларга сәламәтлек һәм сабырлык теләде.
2025 елның гыйнварында бөек Дания язучысы Г.Х. Андерсенның «Дюймовочка»әкиятенә 190 ел тула. 2 январь көнне Олы Нырты мәдәният йорты һәм китапханә хезмәткәрләре Әкият буенча рәсем конкурсы үткәрделәр. Конкурс алдыннан балалар белән бергә әкиятнең эчтәлеген искә төшердек. Бераз фикер алышканнан соң, балалар әкияткә һәм аның геройларына үз карашларын белдерә алдылар. Башкарылган эшләр өчен балалар призлар алды.Конкурстан соң залда хәрәкәтчән уеннар үткәрелде.