"Иман нуры" - балалар өчен мәчеттә җәйге лагерь
8 июль көнне «Нургали» мәчетендә балалар өчен җәйге лагерьның өченче көне булып узды.аны Лесхоз мәдәният йорты, китапханә һәм мәчет хезмәткәрләре оештырды. Бүгенге көнне без гаилә кыйммәтләренә багышладык, чөнки бүген Гаилә, мәхәббәт һәм тугрылык көне билгеләп үтелә.
Ислам гаилә кыйммәтләренә зур игътибар бирә һәм үз тарафдарларын якыннарын хөрмәт итәргә һәм кадерләргә өнди. Коръәндә бу хакта болай дип әйтелә: "Аллаһы Тәгаләнең галәмәтләреннән үзегездән сезгә хатыннар яратуы, аларда тынычлык булсын өчен. Ул Сезнең Арада мәхәббәт һәм шәфкать урнаштырды. Дөреслектә бу нәрсәләрдә фикер ияләре өчен гыйбрәтләр бар» (Ар – Рум, 21). Бу аять гаиләнең җәмгыятьнең нигезе булуын, аның гармониясе һәм бәхете ир белән хатын арасындагы мәхәббәткә, тугрылыкка һәм шәфкатьлелеккә бәйле булуын күрсәтә. Исламда гаилә кыйммәтләре һәм идеаллары шулай ук «өлкәннәргә хөрмәт» һәм «кечкенәләргә шәфкать» төшенчәләрендә чагыла. Шуны истә тотарга кирәк: гаиләнең өлкән әгъзаларын хөрмәт итү, аларның зирәклеге һәм тәҗрибәсе – мөселман традициясенең аерылгысыз өлеше. Гаиләнең һәр әгъзасын, аның яше һәм хәленә карамастан, хөрмәт итәргә һәм бәяләргә кирәк. Бу көннең символы-ромашка. Катнашучылар ромашканың һәр яфрагына үзләре уйлаганча ныклы һәм бәхетле гаилә нигезендә яткан сыйфатларны: мәхәббәт, тугрылык, хөрмәт, кайгыртучанлык, аңлау, ышаныч, игелек сыйфатларын яздылар.
Бу вакыйга балаларга туганнарына һәм дусларына сакчыл мөнәсәбәтнең мөһимлеген искә төшерү, гаиләнең өлкән әгъзаларына хөрмәт һәм игътибар өйрәтү өчен менә дигән мөмкинлек булды. Аллаһы Тәгалә безнең гаиләләрне фатихаласын һәм аларны мәхәббәт, тынычлык һәм бәхет белән тутырсын.