Мәрҗәннәрдән ободок ясау буенча мастер-класс.

13 июль көнне, эш программасы кысаларында,Татарстан Республикасы Рәисе Миннеханов Рөстәм Нургали улы, «Газпром межрегионгаз» ҖЧҖ генераль директоры Сергей Густов, ҖЧҖ «Газпром межрегионгаз Казани» җәмгыяте генераль директор  Рөстәм Усманов, мәдәният министры Әюпова Ирада Хафияз кызы ., Олы Нырты авыл җирлегенә килеп, Саба районы башлыгы Миннеханов Рөстәм Нургали улы, һәм башка җитәкчеләр белән Олы Нырты авылында күп функцияле мәдәният йортын тантаналы рәвештә ачтылар . Югары мәртәбәле кунаклар өчен бина буйлап оештырылган экскурсияны Саба районы башлыгы Миңнеханов Рәис Нургали улы озата йөрде. Олыяз мәдәният йорты һәм Пукал авыл клубы мөдирләре балалар түгәрәкләре бүлмәсендә декоратив-гамәли сәнгатьнең өч төреннән әзер эшләр күргәзмәсе оештырдылар, шулай ук гипс эшләнмәләренә рәсем ясау һәм традицион булмаган техника буенча рәсем ясау буенча мастер-класс күрсәттеләр. 

"Балык  эләксә,йөзләр елмая.!» Җәй-елның искиткеч вакыты. Бу эссе чор көннәре, елга аны чумарга, йөзәргә һәм табигать кочагында ял итәргә яки балык тотарга чакыра. Балыкчы көне ел саен бөтен дөньяда июль аенда билгеләп үтелә, чөнки Балык тоту гадәттәгечә кешенең иң массакүләм мавыгуларының берсе санала. 12 июль көнне Кече Шыңар авылы мәдәният йорты хезмәткәрләре Балыкчылар көненә иң яхшы балык тоту буенча ярыш үткәрделәр. Балалар, үзләренә уңайлы урын сайлап, бергәләп кармакларын салдылар да, сабырсызланып, чирткәнне көтә башладылар. Катнашучылар Балык тоту буенча ярыштылар, викторинада катнаштылар, табышмакларга җаваплар таптылар, Балык тоту турындагы мәкальләрне дәвам иттеләр. Чара азагында иң уңышлы балыкчылар ачыкланды. Балык тотканнары өчен алар призлар белән бүләкләнделәр, ә чарада катнашучыларның барысы да татлы ризыклар алдылар. Күл буенда теләге булган һәркем балык тотуда осталык күрсәтә алды

Безнең көннәрдә балаларны Ватан мәдәнияте һәм тарихы хәзинәләренә тарту, туган һәм үскән җиргә мәхәббәт тәрбияләү, үз халкы һәм Ватаныбыз өчен горурлык хисе тәрбияләү бик мөһим. Фольклор – халыкыбыз хәзинәсе, бу безгә башка чорлардан килгән мөрәҗәгать, күңелләребез һәм намусыбыз өчен борчылу һәм чаң кагу. Россиядә халыклар бердәмлеге елы кысаларында 9 июль көнне Иштуган мәдәният йортында балалар өчен «Халык уеннары» дигән фольклор программа булып узды, анда без үсеп килүче буынны халык гореф-гадәтләре, халык уеннары һәм әйлән-бәйлән уеннары белән таныштырдык. Без балаларны урамда каршы алдык һәм  "әйлән-бәйлән" уйнарга чакырдык. Музыка астында катнашучылар  түгәрәк буенча  әйлән-бәйлән оештырдылар. Аннан соң табышмаклар чиштеләр, тизәйткеч, мәкальләр һәм әйтемнәрне белүләрен күрсәттеләр. Барлык материал балаларга уен формасында бирелде. «Как у дяди Трифона», «Заря заряница », «Яшерәм яулык», «Горелки», «Урындыклы », “Түбәтәйле”кебек халык уеннарын балалар бик теләп уйнадылар. Балалар халык уеннарының бик күп төрлелегенә һәм аларның бары тик яхшылыкка гына өйрәтүләренә инандылар.

Чишмә-безгә табигать биргән кыйммәтле байлык, ул-җирдә тормыш символы.Чишмәләр ярдәмгә һәм кайгыртуга мохтаҗ. Борынгы заманнарда җир асты чишмәсеннән су эчеп кеше җирнең үзеннән көч ала дигән ышаныч бар иде. 10 июль көнне Иштуган мәдәният йорты белгечләре "Чишмә-яшәү чыганагы! “дип аталган экскурсия оештырдылар.Чишмәгә барганда, ат җигелгән, арбага утырып бардык , җырладык, җиләк ашадык, табигатькә сокландык.Балаларга чишмә суының кайдан алынуын, ни өчен ул файдалы һәм ни өчен чишмәләрне сакларга кирәклеген белү кызык булды. Сәяхәт вакытында балалар чишмәдәге суның чисталыгы һәм үтә күренмәлелеге белән таныштылар, тәмен татып карадылар, юындылар.Балалар табигатьне ничек сакларга кирәклеге турында тагын бер кат уйландылар. Мондый максатчан сәфәрләр һәм экскурсияләр оештыру туган як табигатенә һәм су чыганакларына сак караш тәрбияли, ә ел фасылларында табигатьнең матурлыгын һәм күптөрлелеген күзәтү ,балаларда күзәтергә, сорашырга, фикер алышырга, сөйләргә теләк тудыра.Балалар бик теләп бу могҗизалы һәм әкияти урында вакыт үткәрделәр.