«Әниемнең яраткан чәчәкләре» рәсем бәйгесе.

3 март көнне Югары Шытсу мәдәният йорты хезмәткәрләре китапханәче белән берлектә Хәрби батырлык һәм хезмәт фидакарьлеге елы кысаларында “Россия геройлары турында” дигән тематик әңгәмә үткәрделәр. Чара барышында сүз үзенең тормышын кызганмыйча тыныч тормыш өчен көрәшкән һәм көрәшүче егетләр турында барды. Алып баручылар махсус хәрби операциядә катнашучыларның да батырлыклары турында сөйләделәр. Алар арасында безнең якташлар, авылдашлар да бар. Әңгәмә тематик презентация карау һәм күргәзмә буенча чыгыш белән үрелеп барды. 

3 март көнне Эзмә мәдәният йортында гражданнар оборонасы көненә багышланган «Гражданнар оборонасы һәм гадәттән тыш хәлләр» дигән чара булып узды. Чарада Саба районы буенча гражданнар оборонасы буенча әйдәүче белгеч Тимергалиева Ландыш Рушановна катнашты. Укучылар белән нинди хәбәр итү сигналлары булырга мөмкин, аларны кайда ишетергә мөмкин, һәркайсында нинди гамәлләр кылырга, гадәттән тыш хәлләр булганда ничек эвакуацияләнергә һәм табибка кадәр беренче ярдәмне ничек күрсәтергә икәнлеге турында әңгәмә үткәрелде. Шулай ук пилотсыз очкычлар һөҗүме вакытында нинди гамәлләр кылырга кирәклеге темасы яктыртылды. Мондый чараларның максаты-халыкны уяу булырга, тәҗрибә бирергә һәм килеп туган шартларда паникасыз эш итәргә өйрәтү

28 февральдә Байлар Сабасында «Чанафест»креатив чаналар фестивале старт алды. «Чанафест " фестивале-иң якты һәм ординар булмаган чараларның берсе. Бүген фестивальдә катнашучылар үзләренең фантазияләрен һәм креативлыкларын күрсәттеләр. Бәйрәмнең беренче өлешендә оригиналь чаналар парады , ә икенче өлеше агитбригадалар чыгышыннан торды , анда һәр команда үз иҗатын тәкъдим итте, .Кышкы көн булуга карамастан, үзәк мәйданда катнашучылар һәм тамашачылар хис-кичерешләреннән эссе булды. Иң яхшыларын сайлау җиңел булмады. Барлык катнашучылар да фестивальгә лаеклы әзерләнделәр. Безнең коллектив-Иштуган мәдәният йорты, "Царевна Аккош" һәм "Иштуган матрешкалары" исемле чыгыш ясап, чананы Аккош һәм Матрешка рәвешендә ясады (татар, удмурт, рус халкының милли бизәкләрен кулланып).  Ә агитбригадалар номинациясендә тамашачыларга өч телдә такмаклар тәкъдим иттеләр.Хезмәтебез лаеклы бәяләнде, шуның нәтиҗәсендә без 1 урынны алдык!Оештыручыларга барлык катнашучыларның да кәефе яхшы булган искиткеч бәйрәм өчен зур рәхмәт!

Үз вакытында Экзюпери: «Дөньядагы иң зур зиннәт – кеше аралашуының зиннәте», - дип язган. Һәм әгәр сезне чәйгә, чәй эчәргә чакыралар икән, димәк-сезне аралашырга, дусларча әңгәмәгә чакыралар. Кич утыру-безгә нәселдән килгән халык традицияләренең берсе. «Актив озын гомер» проекты кысаларында 27 февральдә Иштуган мәдәният йорты белгечләре «Чәй эчәбез, әңгәмә алып барабыз»дигән кич утыру  үткәрделәр. Чараны алып баручы кунакларны чәй традициясенең барлыкка килү тарихы белән таныштырды.  Катнашучылар Россиядә чәйнең ничек барлыкка килүе, эчемлекнең файдалы үзлекләре һәм каршы күрсәтмәләре турында белделәр, аны дөрес кайнатырга өйрәнделәр. Мондый очрашулар көндәлек тормышны төрлеләндерергә ярдәм итә. Чәй эчкәндә алар балачакларын искә төшерделәр, яшь чакта хезмәт көненнән соң кич утыруларга килүләрен сөйләделәр. Чарада чәй эчеп кенә калмадылар, "чәй" бәйгеләрендә рәхәтләнеп катнаштылар: чәйнең сортларын чиштеләр, чәй турындагы мәкальләрне искә төшерделәр, табышмакларны чиштеләр, шулай ук баянга яраткан җырларын җырладылар. Чара җылы шартларда узды һәм барысына да яхшы кәеф бүләк итте.