"Бар җырымны илгә багышладым" - М.Җәлилнең туган көне уңаенан йолдызлы сәгать
18 февраль көнне Лесхз мәдәният йорты хезмәткәрләре "Ләйсән" балар бакчасында бөек шагыйрь Муса Җәлилнең 120 еллыгына багышланган Йолдызлы сәгать үткәрделәр. Муса Җәлил Татарстанда һәм Россиядә генә түгел, бөтен дөньяда билгеле һәм хөрмәт ителә.
Чара "Карак песи"шигырен сәхнәләштерүдән башланды. Балалар зур соклану белән әкиятне карадылар һәм үз хаталарыңны танырга һәм алар өчен гафу үтенергә кирәклеген аңладылар.
Аннары балалар Муса Җәлилнең биографиясе һәм иҗаты белән таныштылар. Шагыйрь турында сөйләгәндә, оештыручылар билгеләп үткәнчә, Җәлил кечкенә чагында ук бик җаваплы, тырыш һәм батыр малай булган, шигырьләр яза башлаган. Аның балалар шигырьләре гадилеге һәм юмор хисе белән аерылып тора.
Чараның йомгаклау өлешендә балалар бакчасында тәрбияләнүчеләр "Кызыл ромашка", "Сәгать", "Әтәч", "Беренче дәрес", "Җилләр" шигырьләрен яттан укыдылар. Җәлилнең шигырьләре әле дә күңелләрне нечкәртә, кешеләрне игелекле эшләргә, Ватанга мәхәббәткә рухландыра.
Шулай итеп, без мондый нәтиҗә ясадык: Җәлилнең тормышы һәм иҗаты безгә тынычлыкның кыйммәтен, патриотизмның мөһимлеген һәм кешелек рухының көчен искә төшерә.