укыту-консультация пункты

28 май көнне Шәмәрдән мәдәният йорты хезмәткәрләре, Шәмәрдән модель һәм балалар китапханәләре хезмәткәрләре белән берлектә, Сабантуй алдыннан «Бөрнә» җыеннары оештырдылар. Җыеннар Фрунзе, 8-Март урамнары буйлап узды. Бөртек җыюда катнашу авыл халкын берләштерә һәм Сабантуйны һәркем өчен истәлекле вакыйга итәргә мөмкинлек бирә торган күркәм традиция булып тора. Бәйрәм дәртле гармун җырлары, әйтемнәр, милли биюләр һәм котлаулар белән үрелеп барды. Татар традицияләре һәм гореф-гадәтләре үтәлде. Йортларда яшәүчеләр яхшылык теләп бүләкләр тапшырдылар, балаларга конфетлар тараттылар. Чын күңелле бәйрәм килеп чыкты.

24 май көнне Кече Шыңар мәдәният йортында Равил Сабыр пьесасы буенча «Нур» халык театры, «Сигезле бию» спектакле күрсәтелде. Шәһәр читендәге фатирларның берсенә очраклы рәвештә җыелган хатын-кызлар мәхәббәт, яшьлек хаталары, ялгызлык, күңел ярасы турында сүз кузгаталар. Бу төшенчәләргә төрле карашлы, төрле характердагы барлык хатын-кызлар омтыла, шул ук вакытта барысы да бәхетле булырга хыяллана. Һәвәскәр үзешчәннәр һәр рольне бирелеп уйнадылар, тамашачыларга күңелләренең бер өлешен бүләк иттеләр

24 май көнне Олыяз мәдәният йорты мөдире «Тылсым» клубында катнашучылар өчен елның матур фасылына –җәйгә багышланган «Гуашь:гадидән гүзәллеккә» исемле иҗат сәгате үткәрде.  Чараның максаты балаларны рәсем ясауның традицион булмаган техникасы белән таныштыруны дәвам итү; табигатьне эстетик яктан кабул итүне үстерү; эшне этаплап башкарырга өйрәтү; - хезмәт сөючәнлек һәм максатчанлык формалаштыру; - үстерү: төрле басым белән пумала белән рәсем ясый белү; композицион күнекмәләр; табигать күренешләрен образлы кабул итү иде.… Балалар күңелле вакыт кына уздырып калмадылар, үзара ярышып, уңай энергия дә алдылар. Катнашучыларның эшләре Бөтенроссия иҗади конкурсларына юнәлдереләчәк. Чара Бөтенроссия онлайн конкурсында 1 урынны алган «Солнечный свет» порталында «Ел фасыллары» номенациясында  «Шомырт чәчәге» ( 17.05.26 чарада ясалган ) эшләре белән  катнашып җиңү яулаган 3 катнашучыны котлау белән тәмамланды.