Балалар, башкалардан аермалы буларак, Яңа ел килүен көтәләр. Бу бит һәрвакыт бүләкләр, шатлык һәм күңел ачулар диңгезе. 4 январь көнне Эзмә мәдәният йортында «Чыршы янында кунакта» исемле балалар өчен яңа ел Чыршысы үткәрелде. Кыш Бабай, Кар Кызы белән бергә матур чыршы тирәли әйлән-бәйлән уйнадылар, җырлар җырладылар, шигырьләр сөйләделәр, уеннарда һәм конкурсларда актив катнаштылар. Кыш бабай белән Кар Кызы балаларга татлы бүләкләр тапшырдылар. Бәйрәмгә килгән һәркем ахырдан бүләкләр алды.