Бүген 7 июнь көнне Саба сабантуе гөрләп узып китте. Мәдәният хезмәткәрләре Саба халкын күңелле ял белән тәэмин итү өчен зур тырышлык куйды. Лесхоз мәдәният йорты хезмәткәрләре дә читтә калмады. Мастер-класслар мәйданчыгында "Саба бизәкләре" исеме астында кашык һәм куналарга рәсем төшерү буенча мастер-класс үткәрде. Әлеге мастер-класста балалар бик теләп һәм яратып катнашты. Әлеге чара балаларга ял вакытларын файдалы үткәрү өчен менә дигән мөмкинлек булды.