Татарстан Республикасы ветераннарының төбәк иҗтимагый оешмасы советының республика күчмә семинар-киңәшмәсе
15 апрель көнне Саба районында Татарстан Республикасы ветераннарының төбәк иҗтимагый оешмасы советының республика күчмә семинар-киңәшмәсе узды. Күчмә семинар Байлар Сабасы, Шәмәрдән авылы, Лесхоз бистәсеннән башланды. Семинарда ветераннар Советы кураторлары булып Саба муниципаль районы башкарма комитеты җитәкчесе урынбасары - Башкарма комитет Аппараты җитәкчесе Кәримов М.Р., Башкарма комитет җитәкчесенең инвестицион үсеш һәм эшкуарлыкка ярдәм буенча урынбасары бүлеге җитәкчесе Котдусов И.И., Татарстан Республикасы Хезмәт, халыкны эш белән тәэмин итү һәм социаль яклау министрлыгының Саба муниципаль районындагы җитәкчесе Гайнетдинова Л.Н., Саба муниципаль районының ветераннар Советы рәисе Габдрахманов А.М., Шәмәрдән авыл җирлеге башлыгы Вәлиев А.К. Мәдәният йорты территориясендә кунакларны «Игенче» оешмасы оештырган чәй, коймак һәм төрле камыр ризыклары белән каршы алдылар. Аннары мәдәният йортында кунакларны Шәмәрдән мәдәният йорты, Шәмәрдән «Үсеш» лицее, Шәмәрдән авылы волонтерлары оештырган тематик күргәзмә көтә иде. Соңыннан аларга СВО белән бәйле күренеш, Шәмәрдән мәдәният йорты, Шәмәрдән авыл китапханәләре хезмәткәрләре әзерләгән зур булмаган концерт номерлары күрсәтелде. Авылның тарихы һәм СВО катнашучыларына ярдәм итүгә керткән өлешләре турында сөйләүче экспозиция килүчеләрнең йөрәкләрен тетрәндерде. Реаль вакыйгаларга нигезләнгән тематик куелыш аерым тәэсир калдырды. Чараның барлык кунаклары да программаның югары дәрәҗәдә оештырылуын һәм аның эчтәлеген билгеләп үттеләр.