Тематик сәгать «Энергетиклар-куркыныч эчемлекләр»
18 октябрь көнне Олы Нырта мәдәният йортында яшүсмерләр өчен «Энергетиклар-куркыныч эчемлекләр»дигән тематик сәгать үткәрелде. Чара барышында алып баручы яшүсмерләргә энергетик эчемлекләрнең организм өчен файдага караганда зарарлырак булуын, аларны куллану кеше сәламәтлегенә төзәтеп булмаслык зыян китерүен аңлатты. Балалар химик яктан куркыныч кына түгел, шәхес үсешен тоткарлаучы энергетиклар составына керүче компонентларны карадылар. Яшүсмерләргә энергетик эчемлекләр турында мәгълүмат булган буклетлар таратылды. Чара азагында балалар алып баручының сорауларына җавап бирделәр һәм энергетик эчемлекләр рекламада әйтелгәнчә могҗизалы түгел икәнлеген белделәр һәм үз тормышларын сындырырга кирәкми дигән нәтиҗә ясадылар. Мондый чаралар үткәрү яшүсмерләрдә энергетиклар куллануга тискәре мөнәсәбәт формалаштыруга ярдәм итә, чөнки бу эчемлекләр уңай сыйфатларга караганда тискәре сыйфатларга күбрәк ия. Чарадан соң, сәламәт яшәү рәвешен пропагандалау өчен, өстәл теннисы буенча турнир үткәрелде.