«Яшәүгә яшь комачауламый " бәйрәме.

25 ноябрьдә Иштуган бистәсендә «Мәдәният»милли проекты кысаларында капиталь ремонттан соң авыл мәдәният йортын ачу тантанасы булды. Бу бистәдә яшәүчеләрнең барысы өчен дә зур бүләк. Алар хезмәт күрсәтү сыйфаты стандартларына җавап бирә торган заманча авыл мәдәният учреждениесенә, ә үзешчән сәнгатьтә катнашучылар яңартылган һәм матур бинада үз иҗатларын үстерү мөмкинлегенә ия булдылар. Котларга Саба муниципаль районы Башкарма комитеты җитәкчесе Ишниязов Марат Рашат улы,мәдәният бүлеге җитәкчесе Заһидуллин Рөстәм Фидаилевич, "ПМК-159" ҖЧҖ директоры урынбасары Нәбиуллин М. А., Иштуган авыл җирлеге башлыгы Гайнетдинов Д.М. килде. Тантаналы ачылыштан соң"Дус яшибез татар илендә!"дип аталган район мәдәният йорты белгече Хәниф Тимербаев җитәкчелегендә концерт башланды.Чарада Иштуган мәдәният йортының "Тюрагай"удмурт фольклор коллективы,Иске Икшермә мәдәният йортының"Сударушка"ансамбле ,Шекше мәдәният йортының "Зиләйлүк" фольклор коллективы,Теләче районының Субаш авылының"Нардуган"керәшен фольклор коллективы, «Сыңрау торна»башкорт коллективы( Халыклар дуслыгы, Казан) һәм "Саба чишмәләре"коллективлары чыгыш  ясады .Тамашачылар концертта катнашучыларның барысын да бик теләп каршы алдылар, һәр чыгыш көчле алкышлар белән үрелеп барды. Мәдәният йорты иҗат тормышының тагын да кызыклырак һәм яктырак яңа этабы башланды.

Шекше мәдәният йортында «Әниләргә багышлап» төп гомуми белем бирү мәктәбенең Гаилә елына һәм Әниләр көненә багышланган концерты булды. Анда укучылар, аларның әти-әниләре һәм педагоглар коллективы катнашты. Программа бай эчтәлекле иде, ул Алсу Ханнанова башкаруында бишек җыры һәм З.Әхмәтшина җитәкчелегендәге Шекше мәдәният йорты каршындагы хореография коллективы катнашучыларының дәртле биюе белән ачылды. Гаиләләр башкаруында шигырьләр һәм җырлар яңгырады, сәхнәгә быел беренче сыйныфка балалары кергән гаиләләр чакырылды. Өлкән буын, укучыларның әбиләре дә сәхнәдә хөрмәтләнделәр, оныкларыннан бүләкләр алдылар. Матур номерлар концертның бизәге булды. Шекше мәдәният йорты мөдире концертны оештыруда катнашты, музыкаль бизәлешне тәэмин итте.

Традиция буенча ноябрьнең соңгы якшәмбесендә Россиядә иң җылы һәм мәрхәмәтле бәйрәм - Әниләр көне билгеләп үтелә. 24 ноябрь көнне Ике басу Арташ мәдәният йортында Сабабаш, Туктар, Өч Нарат һәм Ике Басу Арташ  авыл китапханәсе клублары белән берлектә «Әнием тылы кочагым»дигән бәйрәм концерты узды. Бәйрәм программасы якты, кызыклы һәм төрле иде.Югарыда күрсәтелгән мәдәният учреждениеләре хезмәткәрләре хореограф Гөлнар Илдар кызы Газизуллина катнашында музыкаль һәм бию чыгышларыннан алып театр сәхнәләренә кадәр бик яхшы концерт номерлары әзерләгәннәр. Мәхәббәт һәм ана булу турындагы күңелгә үтеп керерлек җырлар тамашачылардан беркемне дә битараф калдырмады,һәр башкарылган концерт номеры алкышларга күмелде. Бүгенге концерт концертка килгән барлык әниләр өчен чын бүләк булды. Арташ авыл җирлеге башлыгы Мөхәрләмов Рөстәм Илсур улы сәламләү сүзе белән чыгыш ясап,барлык аналарга ныклы сәламәтлек һәм озын гомер теләде. Концертка әниләр, Фәттахова Гөлчәрә апа, Кәримова Нәкыя апа чакырылган иде, аларның уллары - СВО солдатлары. Бүләкләр тапшырылды.

24 ноябрь көнне Шәмәрдән мәдәният йорты каршындагы «Тулган ай» фольклор коллективы Халыкара әниләр көненә багышланган «Кояш гомере телибез, әниләр сезгә» дигән бәйрәм концерты оештырды. Концерт күңел җырлары, гармун астында халык җырлары, матур шигырьләр, тормыш скетчлары белән үрелеп барды. Концерт программасы якты һәм бай булды. Катнашучылар Керәнне авылы клубы тамашачылары белән бергә актив вакыт үткәрделәр, бергә җырлар җырладылар. Ахырда әлеге чараны оештыручыларга рәхмәт белдерделәр.