"Чишмәләрне саклыйк"чишмәгә экскурсия

19 сентябрь көнне Иштуган мәдәният йорты һәм китапханә белгечләре балалар өчен  “Табигатьтән сәләмәтлек алабыз!”дип аталган экскурсия оештырдылар. Бигрәк тә көз көне, урман аеруча матур. Балалар көзге табигатьнең матурлыгына сокланып кына калмадылар, урманны  күзәттеләр:агачларны карадылар, кырмыска оясы янында тукталдылар, кошлар  сайравын тыңладылар. Аларга урманның тере тавышларын ишетү бик кызык булды.Балалар бик теләп үзләренең булачак кул эшләре өчен яфраклар, күркәләр җыйдылар, матур көзге букетлар ясадылар. Урманда үз – үзеңне тоту кагыйдәләре һәм табигатьне чүп-чардан арындырырга кирәклеге, ботакларны сындырырга ярамавы турында әңгәмә корырга да онытмадык. Экскурсиядән барысы да канәгать калдылар, бик күп тәэсирләр алдылар, күтәренке кәеф белән кайттылар

19 сентябрь көнне Югары Симет мәдәният йорты хезмәткәрләре китапханә белән берлектә балалар белән «Көзнең алтын төсләре» дип исемләнгән  мастер-класс үткәрделәр. Мастер-класста балалар табигый материаллар белән эшләүнең иң популяр техникасы белән таныштылар, шулай ук яфракларны әзерләү һәм алар белән эшләү кагыйдәләре турында белделәр. Балалар табигый материаллардан аппликация ясадылар, алар арасында усак, миләш яфраклары һәм башка агачлар бар иде. Балалар үз эшләрендә көзге төсләргә бай палитра кулландылар, һәм нәтиҗәдә һәркемнең кабатланмас эше килеп чыкты. Мондый чараларда катнашып, балалар табигатьтәге сезонлы үзгәрешләр турында киң белем ала алалар. Табигатькә карата кызыксыну һәм мәхәббәт, аңа сакчыл караш, сәнгати зәвык, иҗади хыял, осталык, уйлап табучанлык, хезмәт сөючәнлек үстерәләр

Фоамираннан чәчәкләр-брошьлар, муенса, чәч каптыргычлар өчен аерылгысыз элемент. «Чәчәк тематикасы» на украшенияләр һәрвакыт актуаль, алар кызларның назлылыгын ассызыклый һәм романтик образ тудыра. Фоамираннан чәчәк-матур һәм гадәти булмаган бизәк. Бу бик авыр түгел һәм аны теләсә кайсы оста башкара ала. 18 сентябрь көнне Иштуган мәдәният йорты белгечләре ПК буенча “Фоамираннан ясалган брошь-чәчәк " мастер-классын үткәрделәр. Чара барышында сәнгать җитәкчесе Гайнетдинова  М.Т.чәчәкләр ясаганда кулланыла торган фоамиранның төрле төрләре турында сөйләде, аның белән эшләүнең техник алымнарын күрсәтте, чәчәк яфраклары, таҗлар ясау, яфракларны ничек җыярга һәм брошьны ничек ясарга икәнен күрсәтте. Һәрбер мастер-класс әгъзасы чәчәкне булдыруның барлык этапларын үтәргә һәм брошьны үз куллары белән ясарга тырышты. Мастер-класс балаларга иҗади активлыкларын күрсәтергә, эмоциональ канәгатьлек хисләрен кичерергә ярдәм итте. Мастер-класс тәмамлангач, һәркемнең матур аксесуар-брошкасы барлыкка килде.

Көз -искиткеч вакыт ! Көз-уңыш җыю һәм үз кулларың белән үстерелгәнгә шатлану вакыты, нәтиҗә ясау һәм алга карау вакыты.17 сентябрьдә Иштуган мәдәният йортында китапханә белән берлектә «Өй әзерлекләре» кич утыру  уздырылды, анда фольклор коллективлары катнашучылары чакырылды. Бәйрәм чарасы көзгә һәм елның бу матур вакыты белән бәйле бар нәрсәгә багышланды.Белгечләр катнашучыларга көзге халык традицияләре, борынгы заманда көзге чаралар оештыру гадәте турында сөйләделәр, аларда пирогларлардан  авыз итәргә, халык сынамышларын белергә, җырлар җырларга һәм уеннар уйнарга мөмкин иде. Бу көнне барысы да актив һәм шат күңелле булды. Чарада катнашучылар бик теләп табышмакларны чиштеләр, шаярттылар, җырладылар биеделәр , шулай ук үзләренең әзерлек рецептлары белән уртаклаштылар. Әзер көзге шедеврларны татып карау консервлау турында сөйләшүне тәмамлады, анда катнашучылар һәр банканың эчтәлеген бәяләделәр һәм мәхәббәт белән әзерләнгән һәр продукт үз тәмле һәм кабатланмас дигән нәтиҗәгә килделәр.Чарага күргәзмә ясалды.Чара кызыклы һәм мавыктыргыч булды, һәркемнең җылы аралашудан алган тәэсирләре калды.