Сабантуй-татар халкының төп милли бәйрәме
9 июньдә Юлбат авыл җирлегендә "Сабантуй-2024"милли бәйрәме узды. Бәйрәм Юлбат СДК, китапханә һәм Йосыф–Алан, Тенеки СК хезмәткәрләре һәм мәдәният хезмәткәре С.М. Мансурова, Юлбат ООШ һәм Юлбат СХП укучылары белән берлектә үзешчән артистлар тарафыннан әзерләнгән прологтан башланды. Бәйрәм Коръән аятьләрен авыл хәзрәте Төхбәтуллин Фаил Данил улы укып дәвам итте, котлау сүзләре белән авыл җирлеге башлыгы Шәмсиев Т.Р., район вәкиле Шакиров Илфат Фоат улы - Саба районы мәгариф җитәкчесе һәм "Юлбат "ҖЧҖ җитәкчесе Садыйков Айнур Рафаил улы чыгыш ясады.Тантаналы өлештә язгы кыр эшләрендә югары нәтиҗәләр күрсәткән, югары нәтиҗәләргә ирешкән кешеләргә бүләкләр, Мактау грамоталары, Рәхмәт хатлары, акчалата премияләр тапшырылды.
Бәйрәм программасын татар эстрадасы җырчысы Илназар үз җырлары белән тулыландырды.
Сабантуйда Эдуард Даниловның барлык дәртле җырлары һәм күңелле биюләре, көч һәм җитезлек ярышлары булды, алар алып баручы Илназ Миңнеханов тарафыннан юмор белән комментарийланды. Һәрбер кеше үз күңеленә хуш килгән мавыгу таба алды. Зур аудиторияне үз тирәсенә спорт мәйданчыклары җыйды. Ә иң топ чара, әлбәттә, «Көрәш», ул күпләрне майдан үзәгендә берләштерде. Батырларның мавыктыргыч көрәшләре сөйкемлелеге һәм көрәшче рухы белән аерылып тора.
Авылдашлар һәм кунаклар бу бәйрәмдә актив катнаштылар һәм бүләкләр алдылар. Сабантуй күңелле, зур масштабта үтте, һәм хәзер барысы да киләсе елга шундый бәйрәмне түземсезлек белән көтәчәк. Сабантуй барыбызга да иң якты, онытылмаслык хисләр бирде дип өметләнәбез!