Фестиваль-конкурс «Милләт яме – йола, бәйрәмнәрдә!"
Рухи кыйммәтләрне саклау, ныгыту, милли традицияләрне торгызу мөһимлеген исәпкә алып, 2023 ел Татарстанда милли мәдәниятләр һәм традицияләр елы дип игълан ителде. Шуңа бәйле рәвештә район башлыгы Рәис Нургали улы Миңнеханов Саба муниципаль районы учреждениеләре һәм авыл җирлекләре арасында " Милләт яме-йола бәйрәмнәрдә!" фестиваль-конкурс игълан итте.7 октябрь көнне Килдебәк мәдәният йортында шушы фестиваль-конкурс узды, анда ТР Саба муниципаль районының Иштуган авыл җирлеге-удмурт халкының “Туй йоласын”,Нырты авыл җирлеге”Армиягә озату”, Шыңар авыл җирлеге-“Кияү мунчасы”йолаларын күрсәттеләр.Һәр коллектив үзләренең җирлекләре,авыллары, Саба районы турында 1 концерт номеры тәкъдим итте. Мондый традицияләр безгә бер-беребезгә ихтирамлы һәм игелекле булырга кирәклеген искә төшерә, туган телебезгә,милләтебезгә мәхәббәт тәрбияли. Тамашачылар фестивальдә катнашучыларны бик җылы каршы алдылар, аларга көчле алкышлар белән рәхмәт белдерделәр.