Уен программасы «Җирдәге тынычлык – бәхетле балачак ».
11 май көнне Олы Нырты мәдәният йорты хезмәткәрләре «Җирдәге тынычлык – бәхетле балачак» дигән исем астында уен программасын үткәрделәр. «Тынычлык» сүзенең киң мәгънәдә кулланылуын аңлаттылар, илдә, гаиләдә, сыйныфта тынычлык турында сөйләделәр. Җир шарында һәркем яхшы яшәсен өчен, дөньяда тынычлыкны саклап калу өчен нәрсәләр эшләргә кирәклеген ачыкладылар. Чара вакытында балалар төрле сорауларга җаваплар бирделәр, хәрәкәтчән уеннарда катнаштылар: Шулай ук, балалар төрле конкурсларда катнашып, викторина сорауларына җавап бирделәр. Хәрәкәтле уеннарны балалар аеруча яраталар, чөнки алар сәламәтлек өчен мөһим чыганак булып тора. Балалар вакытны күңелле һәм кызыклы итеп үткәрделәр, бүгенге чарадан барлык катнашучылар да күтәренке күңел, яхшы кәеф алдылар.