Әдәби сәяхәт «Сезне утрауда маҗаралар көтә »
1 апрель көнне Юлбат мәдәният йорты хезмәткәрләре, Халыкара китап көне кысаларында, «Сезне утрауда маҗаралар көтә » исемле әдәби сәяхәт үткәрделәр. Балалар китаплары-бөтен дөнья, балалар дөньясында иң кызыклы һәм серле ил. 2 апрель көнне Халыкара балалар китабы көне билгеләп үтелә. Ганс Кристиан Андерсен барлык чорларның иң бөек әкиятчесе дип санала. Балалар бөек Г.К.Андерсен әкиятләре буенча әдәби сәяхәт ясадылар. Чарада язучының тормыш юлы белән таныштылар, презентация-викторина ярдәмендә Андерсенның әкият геройларын танып, сөйләп бардылдар. Г.Х. Андерсен әкиятләренә багышланган уен-квест балаларда күңелле җанлану уятты. Катнашучылар китаплар турында мәкальләр укыдылар, шифрланган табышмакларны чиштеләр,әкиятләр, китап белән бәйле сүзләр төзеделәр. Һәр станциядә катнашучылар яңа биремнәр алдылар .Сәяхәт серле ачкычны табу һәм татлы бүләкләр белән тәмамланды.