ЯҢАЛЫКЛАР

13 сентябрь көнне Шәмәрдән мәдәният йорты белгечләре «Яшьлек» спорт үзәге хезмәткәрләре белән берлектә балалар өчен «Химические чудеса» мастер-классын оештырдылар. Балаларны мәдәният йорты хезмәткәрләре төрле персонажлар костюмнарында каршы алдылар. Чара башында уен формасында психолог А.И.Ногманова белән профилактик әңгәмә узды. Аннары катнашучылар иҗади эшчәнлекнең төп өлешенә керештеләр. Һәр балага үзенә бирелгән 3D рәсемен буяу мөмкинлеге бирелде. Чара ахырында алар үзләренең фикерләре белән уртаклаштылар һәм ясаган эшләрен шатланып өйләренә алып кайтып киттеләр.

12 сентябрь көнне Сәрдә авыл клубында Татарстан Республикасында милли мәдәниятләр һәм традицияләр елына багышланган "Татар халык уеннары" презентациясен карау оештырылды. Чара барышында балалар гасырлар дәвамында халык уеннарында кешеләрнең яшәү рәвеше, намус, кыюлык, батырлык турындагы күзаллаулар чагылуын, шулай ук, уеннарының күп гасырлык тарихы булуын, алар бик борынгы заманнардан сакланып калган һәм буыннан буынга тапшырылып бүгенге көнгә кадәр килеп җиткәнен белделәр. Чара вакытында «Түгәрәк уен» журналы һәм презентация ярдәмендә катнашучылар татар халык уеннары турында күп яңа һәм кызыклы мәгълүмат белән таныштылар.

10 сентябрьдә Олы Нырты мәдәният йорты хезмәткәрләре "Көзнең якты төсләре"дигән темага рәсем конкурсы үткәрделәр. Бүген без, яшь рәссамнар кебек, көзге кәефебезне уртаклашырга һәм көзге табигать турында сөйләргә тырыштык. Балалар үзләренең фантазияләрен күрсәттеләр, сәләтләрен ачтылар һәм торле төслэр ярдэмендэ  көзге табигатьнең матурлыгын күрсәттеләр. Балалар көз аенын матурлыгын төрле ысуллар аша кэгазь битлэренэ дэ тошерделэр. Көзге рәсемнәр төрле, чөнки балалар идеялары һәм фантазияләре чикләрне белми.

12 сентябрь көнне  Олы Нырты мәдәният йорты мәдәният хезмәткәрләре Олы Нырты башлангыч мәктәбе белән берлектә өлешчә мобилизация кысаларында махсус хәрби операция зонасына чакырылган , 2022 елның сентябреннән Украинада хәрби бурычларны үтәүче, ә хәзерге вакытта туган авылында кыска вакытлы ялга кайткан  Газизянов Рифнур  белән очрашу оештырдылар. .Очрашу "Мөһим нәрсәләр турында сөйләшүләр"дәресе кысаларында узды. Бу дәрестә сугышчы солдатларның балалар хатларын бик көтүен, балалар хатларының сугышчан рухны бик нык күтәрүен сөйләде. Шулай ук көрәшче үзенең хезмәттәшләре турында сөйләде, алар белән ул бик горурлана, алар белән Ватанны яклау өчен янәшә торырга курыкмавын әйтте.Дәрес барышында   Рифнур Рифкат улы -укучыларга махсус операциянең мөһимлеге, әһәмияте, сугыш ситуацияләре, туган илгә һәм ватандашларга карата зур мәхәббәт, туганнарын һәм якыннарын яклау теләге, хезмәттәшләренең батырлыгы  турында сөйләде. Ул балалар белән яңадан исән-сау, җиңү белән кайткач очрашырга сүз бирде.

12 нче сентябрь көнне Керәнне авылы клубы, Яңа Мичән мәдәният йорты, Мичән авыл китапханәсе  берлектә,  Укытучылар һәм остазлар елы  кысаларында, олы  хөрмәткә лаек ветеран укытучылар белән "Укытучы- нинди изге исем! -"Әни”  сүзе кебек кадерле!" дип исемләнгән музыкаль очрашу кичәсе уздырдылар. Очрашуда ветераннарыбыз, хезмәт елларында булган кызыклы хәлләрне һәм истәлекле, күңелле һәм моңсу  мизгелләрне искә төшерделэр, Эх, нинди күңелле булган бит ул мәктәп еллары!  Мөхтәрәм затларыбыз  үзләрен нәкъ мәктәптә укытып йөргән укытучылар кебек хис иттеләр, яшьлекләренә әйләнеп кайттылар,  хәтирәләре белән уртаклаштылар, киңәшләрен җиткерделәр.
Бәйрэм матур җырлар, шигъри тәлгәшләр, уен, конкурслар белэн үрелеп барды. Гомерләрен балаларга белем һәм тәрбия бирүгә багышлаган  олпат укытучыларыбыз бик күп җылы рәхмәт сүзләре ишеттеләр бүген. Очрашу-бәйрәм чәй табыны артында дәвам итте. Чәчәк бәйләмнәре кабул итеп алгач, укытучыларның керфек очларына яшь тамчылары эленде. Барысы да оештыручыларга кабат-кабат рәхмәтләр җиткерделәр. Әлеге очрашу күңелләрдә якты хисләр, онытылмас хәтирәләр калдырды.  

12сентября 2023 года Ново Мичанский СДК,библиотека,сельский клуб Кренни в честь Года учителей и наставников провели встречу с ветеранами - учителями на тему "Учитель-какое доброе имя!" . Человеческая жизнь становится прекраснее и значительнее благодаря встречам и свиданиям . Ведь и наша религия призывает к единству, общению с родными и друзьями, вниманию и доброте. В жизни человека немало незабываемых моментов, приятных встреч.. Эти встречи были и философской беседой пожилых людей, получивших жизненный опыт, и вечером поминовения, и получением духовной пищи для души.На встрече наши ветераны вспомнили об интересных событиях, произошедших в учебные годы, и о тех приятных моментах, которые были в эти школьные годы. А вот на встрече спустя много лет они почувствовали себя именно теми учителями, которые учились в школе, вернулись к своей молодости, поделились воспоминаниями, дали советы.

Ел саен, сентябрь аенда, планетаның урман байлыкларын саклаучы һәм арттыручы һәм аларны рациональ куллануга ярдәм итүче кешеләрнең һөнәри бәйрәме билгеләп үтелә. Урман хезмәткәрләре көне үзенең тарихын СССР чорыннан алып бара. 11 сентябрьдә Лесхоз мәдәният йорты хезмәткәрләре Урман хезмәткәрләре көненә багышланган бәйрәм оештыруда катнаштылар. Урман хуҗалыгының иң яхшы хезмәткәрләре мактау грамоталары, Урман хуҗалыгы министрлыгы һәм Саба муниципаль районы Башлыгының Рәхмәт хатлары белән бүләкләнделәр. Шулай ук үзләренең моңлы җырлары һәм яхшы теләкләре белән кунакларны район мәдәният йорты хезмәткәрләре, Килдебәк, Эзмә һәм Мишәбаш мәдәният йортлары хезмәткәрләре котлады.

12 сентябрь көнне Шәмәрдән авылында махсус хәрби операциядә хезмәт итүче Смирнов М.В. очрашуы узды. Аны туган авылына сугыш хәрәкәтләре зонасыннан кыска вакытлы ялга кайтардылар. Шәмәрдән мәдәният йорты хезмәткәрләре төрле төстәге шарлар, музыка, стена газетасы, плакатлар белән күңелле итеп каршы алдылар. Армиядә хезмәт итү, Ватан алдында гражданлык һәм хәрби бурычны намус белән үтәү, ил мәнфәгатьләрен яклау һәм аның милли иминлеген тәэмин итү кирәклеге билгеләп үтелә. Ахырда нык сәламәтлек, имин хезмәт һәм җиңү белән тизрәк кайтуны теләделәр.

11 нче сентябрь көнне Шәмәрдән мәдәният йорты белгечләре Шәмәрдән лицееның 4 «Б» сыйныфы укучылары өчен Россия Федерациясендә педагог һәм остаз елына багышланган әңгәмә үткәрделәр. Чара укытучыларга карата ихтирамлы мөнәсәбәт тәрбияләүгә һәм балаларда дуслык һәм толерантлык хисе формалаштыруга юнәлдерелгән иде. Әңгәмә башында балаларга мәгариф һәм педагогика тарихы, шулай ук төрле вакытта күренекле укытучыларның нинди булуы һәм башта укытучы һөнәрен алып, мәктәпләрдә эшләгән язучылар турында җентекләп сөйләнде. Аннары балаларга «Что мы знаем о школе» дигән интеллектуаль викторина тәкъдим ителде, анда алар зур кызыксыну белән катнаштылар. Бу очрашуда балалар укытучы һөнәренең зур хөрмәткә лаек икәнен кабат аңладылар һәм аларның хезмәтләренең ничек җаваплы булуы турында нәтиҗә ясадылар.

Корсабаш мәдәният йортында яшүсмерләр өчен Бөтенроссия аеклык көненә багышланган «календарьның аек көне» дигән әңгәмә уздырылды. Чарада китапханәчеләр укучыларга алкогольнең яшүсмерләрнең организмына һәм психикасына зыянлы йогынты ясавы, наркоманиягә һәм хроник авыруларга китерүе турында сөйләделәр. Алкоголь куллану бик күп бәхетсезлек очраклары белән бәйле, шул исәптән транспортта һәм көнкүрештә үлем белән дә бәйле. Чарада катнашучылар Аеклык — тормыш нормасы, ә физик культура, спорт, түгәрәкләрдә шөгыльләнү, китапханәгә бару — сәламәт яшәү рәвешен үстерә дигән нәтиҗәгә килделәр. Чараның ахырында спиртлы эчемлекләрнең зыяны турында видеоролик күрсәтелде, анда катнашучыларга «тормыш кыйммәтрәк»дигән истәлекләр таратылды