ЯҢАЛЫКЛАР
«Милләт яме-йола, бәйрәмнәрдә» фестиваль-конкурсы Татарстан Республикасында милли мәдәниятләр һәм традицияләр елына багышлана һәм Саба муниципаль районы предприятиеләре, оешмалары, учреждениеләре һәм авыл җирлекләре коллективлары арасында үткәрелә. Һәр коллектив традицион-халык йолаларының театральләштерелгән куелышын күрсәтә.7 октябрь көнне Олы Нырты мәдәният йорты хезмәткәрләре «Солдат озату»халык йоласының театраль куелышы белән чыгыш ясады. Фестиваль-конкурс Килдебәк мәдәният йортында узды. Мондый традицияләр безгә бер-беребезгә карата ихтирамлы һәм игелекле булырга, туган телебезгә, милләтебезгә мәхәббәт тәрбияләргә кирәклеген искәртә.
Россия Федерациясе Президенты Указы белән 2023 ел Россиядә педагог һәм остаз елы дип игълан ителде. 10 октябрьдә Керәнне авыл клубында, Мичән китапханәсе белән берлектә педагог һәм остаз елына багышланган мәгълүмат сәгате уздырылды. Чара укучыларны укытучы һөнәренең үзенчәлекләре белән таныштыру; укытучыларга карата ихтирамлы мөнәсәбәт тәрбияләү; укытучы һөнәренең абруен күтәрү, укучыларда дуслык һәм толерантлык хисе тәрбияләү максатыннан оештырылган. Укытучы-дөньядагы иң мөһим һәм кирәкле һөнәрләрнең берсе. Яхшы укытучы - ул укучыларына белем бирүче кеше генә түгел, ә алар өчен чын дус, остаз һәм үрнәк булып тора. Без укучыларны «укытучы» һөнәренең тарихы һәм үзенчәлекләре белән таныштырдык, киләчәк һөнәрне аңлы рәвештә сайлау турында сөйләштек. Балаларга укытучыларның хезмәтләре һәм аларны кадерләргә һәм тыңларга кирәклеге турында сөйләдек. Китапханәче «Укытучы – изге һөнәр иясе! " дип исемләнгән китап күргәзмәсен тәкъдим итте һәм җентекле күзәтү үткәрде . Укытучыларга багышланган китаплар балаларда зур кызыксыну уятты.
10 октябрьдә Кече Шыңар мәдәният йорты каршында эшләп килүче “Мирас фольклор” коллективы , китапханәнәче , Оет авылы мәдәният йорты хезмәткәре Һәм китапханәче үзешчәннәрнең иң активлары белән һәм балалар катнашында Лесхоз бистәсендәге картлар йортында булдылар. Биредә артистларны җылы каршы алдылар, без үз чиратында чарага җаваплылык хисе белән килдек, тыңлаучыга үз йөрәгебезнең җылысын җиткерергә тырыштык. Чыгышлар өлкән яшьтәге кешеләрнең күңелләренә рәхәтлек идерде.: җырлар, биюләр, шигырьләр беркемне дә битараф калдырмады Тамашачылар артистларга кушылып рәхәтләнеп җырладылар ,биеделәр һәм алкышладылар. Бу аралашу кирәк: өлкәннәр үзләрен кирәкле һәм ялгыз түгелләренә тагын бер тапкыр инандылар . Бәйрәм көннәрендә генә түгел, ә һәрчак әби бабаларыбыз турында да истә тотуыбызны теләр идек - " озаграк яшәгез, кадерлеләребез! Күзләрегез шатлык белән балкып торсын һәм беркайчан да күз яшьләре тәгәрәмәсен!» Олы яшьтәге кешеләрнең шатлыклыктан балкыган йөзләре чарада катнашучылар өчен иң югары бүләк булды
Милли мәдәният һәм традицияләр елы кысаларында 10 октябрьдә Яңа Мичән мәдәният йорты авыл китапханәсе белән берлектә "Каенкай "балалар бакчасында тәрбияләнүчеләр өчен"Милли татар ризыгы"дип исемләнгән танып белү сәгате үткәрде. "Татар халкыны милли ризыклары"дип аталган китап күргәзмәсе тәкъдим ителде.Чара барышында татар ашлары белән бәйле кызыклы сораулар бирелде, милли ашларның үзенчәлекләре турында сөйләнелде. Татар халык ризыклары әзерләү буенча тозлы камырдан мастер – класс күрсәттелде..
Өлкәннәр көне-чиксез кадерле кешеләребезнең игелекле һәм якты бәйрәме, анда без әти-әниләребез, яки әби-бабаларыбызның аерым игътибарын җәлеп итәбез. Бу көнне һәр өлкән буын вәкиленә сәламәтлек һәм озын гомер теләкләре белән рәхмәт сүзләре әйтәсе килә. Өлкәннәр көнен бәйрәм итү декадасы кысаларында, 9 октябрьдә, Лесхоз мәдәният йорты хезмәткәрләре, Югары Симет, Иске Мичән, Кызыл Мишә һәм Чабья-Чурчи мәдәният йортлары белән берлектә, Саба районы мәдәният хезмәткәрләре ветераннары өчен "Ябалакта кунакта" паркында театральләштерелгән экскурсия үткәрделәр. Аннары алар Саба урманчылыгы музеенда һәм Лесхоз мәдәният йорты каршындагы "Кыңгыраулар" музеенда булдылар. Бәйрәм азагында Лесхоз мәдәният йортында чәй эчү оештырылды, ул Саба район мәдәният йорты хезмәткәрләренең дәртле җырлары һәм Лесхоз мәдәният йортының "Шома бас" балалар бию коллективы кызлары башкаруында якты һәм төсле концерт номерлары белән аралашып барды.
8 октябрь көнне Сәрдә авыл клубы үзешчән артистлары Ике басу Арташ мәдәният йортында "Милли мәдәниятләр һәм традицияләр елы"на багышланган "Җырлап яшик туган илебездә" дип исемләнгән концерт оештырдылар. Үзешчән артистлар тамашачыларга иҗади программа һәм дустанә атмосфера бүләк иттеләр. Тамашачыларга якты вокаль номерлар, төрле халык биюләре, нәфис сүз, шулай ук көлкеле миниатюралар тәкъдим ителде. Тамашачылар артистларны алкышлар белән бик җылы каршы алдылар. Һәрбер номер катнашучыларда бик күп уңай эмоцияләр уятты, шатлык һәм яхшы кәеф бүләк итте
Кешелекнең "тышкы" дошманнары бар: сугышлар, эпидемияләр, табигать афәтләре. Бу дошманнар йөзләрчә мең кешенең гомерен өзә. Ләкин дошманнар күпкә куркынычрак-«эчке». Бу җәмгыятьнең кимчелекләре дип атала: тәмәке тарту һәм эчкечелек, наркомания. Бу дошманнардан ел саен күпкә күбрәк кеше һәлак була. 8 октябрьдә Лесхоз мәдәният йорты хезмәткәрләре наркотикларга каршы "Хәвефле гадәтләр" дигән профилактик әңгәмә үткәргәннәр, анда балаларга бер наркоманның наркоманлыкка 10-15 кешене җәлеп итүе турында сөйләгәннәр. Куркыныч ситуацияләрдә акыллылык, ныклык һәм чыдамлык, үгет-нәсихәтләргә җавап итеп «юк» дип әйтә белү, үз дәрәҗәсен яклау сәләте, хөрмәт, авыр булса да, сезне наркотиклардан саклап калачак.
8 октябрь көнне Сәрдә авыл клубында "Пушкин картасы" программасы нигезендә "Исемле брелок" дип аталган осталык дәресе уздырылды. Үз кулың белән брелок сау – иҗади эш. Осталык дәресендә катнашучылар гади материаллардан үз куллары белән оригиналь брелок ясарга өйрәнделәр. Чара өчен металл эшләнмәләре, баулар, хәрефле муенсалар, кечкенә пыяла банкалар, киптерелгән чәчәкләр кирәк булды. Исемле брелок үзеңә дә, туганнарың һәм якыннарың өчен дә искиткеч бүләк булып хезмәт итә.
8 октябрьдә Эзмә мәдәният йортында балалар белән бергә «Игелек һәм хөрмәт көне»дип аталган стена газетасы чыгарылды. Игелек көне-ул кешеләрне игелек күрсәтергә һәм якыннары турында кайгыртырга чакыру. Игелекле кеше мохтаҗ кешегә һәрвакыт ярдәм итәчәк. Ачлык вакытында кешеләр икмәкнең соңгы кисәген бүлешкәннәр. Кешеләргә яхшылык эшләү-бу бездә ерак бабалардан калган кешеләр өчен рухи ихтыяҗ. Игелек көне кешеләрнең игътибарын тыныч һәм игелекле эшләргә юнәлтү өчен үткәрелә. Бәйрәм көне сабырлык, җентеклелек, кайгыртучанлык һәм бер-беребезгә карата дуслык күрсәтергә ярдәм итә.
Рухи кыйммәтләрне саклау, ныгыту, милли традицияләрне торгызу мөһимлеген исәпкә алып, 2023 ел Татарстанда милли мәдәниятләр һәм гореф-гадәтләр елы дип игълан ителде. Шул уңайдан район башлыгы Рәис Нургали улы Миңнеханов Саба муниципаль районы учреждениеләре һәм авыл җирлекләре арасында "Милләт яме - йола бәйрәмнәрдә!" дип аталган фестиваль-конкурс игълан итте.
7 октябрь көнне Килдебәк мәдәният йортында әлеге фестиваль-конкурс узды, Кече Шыңар мәдәният йорты, Оет авыл клубы “Кияү мунчасы” йоласын; Олы Нырты мәдәният йорты, Язлы Арташ авыл клубы "Солдат озату"; Иштуган мәдәният йорты “Удмуртча туй йоласын” тәкъдим иттеләр.
Мондый традицияләр бер-беребезгә карата ихтирамлы һәм игелекле булырга, туган телгә, милләткә мәхәббәт тәрбияләргә кирәклеген искә төшерә.
Тамашачылар фестивальдә катнашучыларны бик җылы сәламләделәр, аларга көчле алкышлар белән рәхмәт әйттеләр.