ЯҢАЛЫКЛАР

1 июнь көнне иң күңелле бәйрәм - Бөтендөнья балаларны яклау көнен билгеләп үтәбез. Шушы бәйрәм уңаеннан, балалар өчен. Өтернәс авыл клубы каршында  «Ура! Җәй, кояш, каникул!» дип исемләнгән уенлы, күңел ачу программасы үтте. Кызыклы уеннар һәм конкурслар, ярышлар да алар бик теләп катнаштылар, һәр биремне бик җиңел генә үтәделәр, бүләкләр алдылар. Бәйрәм бик күңелле үтте, һәркемнең йөзендә бәхетле балачак елмаюы иде.

Гаилә – ул һәркем тормышындагы иң кадерле урын, без яраткан, үрнәк алган, бәхет теләгән якыннар, туганнар.без бары тик гаиләдә генә җаваплылык тоярга, кайгыртырга һәм хөрмәт итәргә өйрәнәбез.12 май көнне, Гаилә көне якынлашкан көндә, Өтернәс авыл клубы хезмәткәрләре “Гаилә көне” дип исемләнгән кунел ачу чарасы оештырдылар. Катнашучылар белән гаил темасына әңгәмә уздырылды, викторина уздырылды, ә аннары халкыбызның яраткан уеннары, спорт уеннары үткәрелде. Чара чәй табыны янында тәмамланды. Бәйрәм катнашучылар күңелендә уңай тәэсирлэр калдырды.

Быел илебез Бөек Җиңү бәйрәмен 78 нче кат каршы алды. Җиңү көне безгә бик якын, кадерле. Бәйрәм уңаеннан 9 май көнне Иләбәр авылында урнашкан обелиск янында Иләбәр авыл клубы, Өтернәс авыл клубы һәм Иләбәр авыл китапханәсе хезмәткәрләре “Җиңү язы яши йөрәкләрдә” дип исемләнгән митинг уздырдылар.Чарада районнан кунаклар, җитәкчеләр, тыл ветераннары, сугыш чоры балалары, авылдашлар, Иләбәр “Умырзая” балалар бакчасы хезмәткәрләре катнашты.

2023 нче елны 25 апрель көнендә “Георгий лентасы” акциясенә старт бирелде һәм ул һәр ел саен батыр сугышчыларны искә алу максатыннан уздырылып килә. 7 май көнне Өтернәс авыл клубы хезмәткәрләре берләшмәләргә йөрүче иң актив авылдашлар белән акциягә кушылап, сугыш ветераннары каберләренә зыярат кылып, искә алып, чардуганнарына ленталар урнаштырдылар.  

Беренче май бәйрәме – ул язгы кояшның җылысын, яңа көч һәм яңа өметләр китерүче көтеп алган бәйрәм. Милли мәдәниятләр һәм гореф-гадәтләр елы уңаеннан, бу көнне Өтернәс авыл клубы “Бергә бәйрәм итәбез” дип исемләнгән чара үткәрде.балалар белән өйләргә йөреп авылдашларны котладык, такмаклар әйтеп, хуьабикщлщр алдан щзерлщп куйган буялган йомырка,күчтәнәчләрне җыйдык. Соңыннан табигатьтә күңелле уеннар оештырдык. Бәйрәм мизгелләре балалар күңелендә озак сакланыр әле. 

25 апрель көнне Өтернәс авыл клубында Г.Тукайның тууына 137 ел тулу унаеннан, “Тукай турында” дип исемләнгән интеллектуаль викторина үтте. Чара барышында катнашучылар шагыйрьнең тормышы һәм иҗатына багышланган сорауларга җавап эзләделәр, шигырьләрен сәнгатьле итеп укыдылар. Ин ахырдан “Туган тел” җырын башкардылар.

Республикабызда милли мәдәниятләр һәм гореф-гадәтләр елы, изге Рамазан ае уңаенан, 18 апрель көнне Өтернәс авыл клубында Ифтар мәҗлесе үтте. Кич дәвамында Корьән аятьләре, вәгазьләр укылды, Илнур хәзрәт һәркемнең Аллах каршындагы бурычлары турында сөйләде. Ә аннары намаз укып, дөньяда, илебездә тыныч тормыш булуын, махсус операциядә булган ир – егетләребез исән – сау кайтуларын теләп теләкләр теләп дога кылынды. Соңыннан очрашуда катнашучылар оештыручыларга зур рәхмәтләрен әйттеләр.

«Экояз – 2023» чисталык икеайлыгы кысаларында, 16 апрель көнне. Өтернәс авыл клубы хезмәткәрләре авылдашлар белән зират алды территориясендә өмәдә катнаштылар. Чисталык һәм экологиягә кагылышлы эшләрдә һәркем дә катнаша ала, чөнки өмә ул – чын хезмәт бәйрәме.

Безнең табигать, үз илен яратучы һәркемнең күңеленә үтеп кереп, дулкынландыра, уңай йогынты ясый. Ә яз  - табигатьнең кышкы йокыдан уянган чагы, гөрләвекләр чылтыравы, беренче умырзаялар... менә шушы матурлыкны күрү, соклану, туган як белән горурлану максатыннан, Өтернәс авыл клубы мөдире, балалар белән экологик ял сәгате оештырды. Чара барышында иң элек табигатьтә үз – үзенңе тоту кагыйдәләре кабатланды һәм тукталышлар да төрле биремнәр үтәп дәвам итте. Ахырдан табигатьне сакларга, чисталыгын кайгыртырга дигән нәтиҗә ясалды.

1 апрельдән республикабызда санитар-экологик икеайлык башланды. 8 апрель көнне Өтернәс авыл клубы хезмәткәрләре “ЭкоЯз – 2023” акциясе кысаларында, тирә – якны чистарту максатыннан олы юл буйларыннан чүпләрне җыйдылар, авыл клубы территориясендә өмә оештырдылар. Табигатьне, чисталыкны саклау һәркемнең изге бурычы.