ЯҢАЛЫКЛАР

14 октябрь  көнне Килдебәк авыл китапханәсендә, мәдәният йорты хезмәткәрләре, Сабабаш авыл клуб мөдире, авыл халкы «Татарча диктант ЯЗ» акциясендә актив катнаштылар. Диктантны  Рәкыйпова Ләйсән Мөдәрис кызы әйтеп яздырды.

    Шулай ук китапханәче  яңа китапларга күзәтү үткәрде.

Рухи кыйммәтләрне саклау, ныгыту, милли традицияләрне торгызу мөһимлеген исәпкә алып, 2023 ел Татарстанда милли мәдәниятләр һәм гореф-гадәтләр елы дип игълан ителде. Шул уңайдан район башлыгы Рәис Нургали улы Миңнеханов Саба муниципаль районы учреждениеләре һәм авыл җирлекләре арасында "Милләт яме - йола бәйрәмнәрдә!" дип аталган фестиваль-конкурс игълан итте.

7 октябрь көнне Килдебәк мәдәният йортында әлеге фестиваль-конкурс узды,  Кече Шыңар мәдәният йорты, Оет авыл клубы “Кияү мунчасы” йоласын; Олы Нырты мәдәният йорты, Язлы Арташ  авыл клубы  "Солдат озату"; Иштуган мәдәният йорты  “Удмуртча туй йоласын” тәкъдим иттеләр.

 Мондый традицияләр бер-беребезгә карата ихтирамлы һәм игелекле булырга, туган телгә, милләткә мәхәббәт тәрбияләргә кирәклеген искә төшерә.

   Тамашачылар фестивальдә катнашучыларны бик җылы сәламләделәр, аларга көчле алкышлар белән рәхмәт әйттеләр.

   1 октябрьдә Халыкара өлкәннәр көне билгеләп үтелә. Шул уңайдан 5 октябрь көнне Килдебәк авыл  мәдәният йорты хезмәткәрләре, китапханәче белән берлектә «Бабушки и дедушки – милые, родные»  акциясе үткәрделәр. Өлкән буын кешеләренә тирән хөрмәт һәм игътибар йөзеннән өйләренә барып Корбанова Ракыя  һәм Шайхуллина Гөлнур апаларны котладылар.  Аларга нык сәламәтлек, бәхет һәм иминлек теләделәр, кечкенә генә күчтәнәчләрен тапшшырдылар. Олы кеше өчен иң яхшы бүләк-игътибар һәм яхшы кәеф!

5 октябрь көнне Килдебәк авыл  мәдәният йорты хезмәткәрләре, китапханәче белән берлектә «Укытучыга көзге чәчәк бәйләме» исемле  рәсем конкурсы үткәрделәр.

  Балалар яраткан укытучыларына карата хисләрен белдергән матур рәсемнәр ясадылар.

Үзләренең иҗатында балалар бөтен фантазияләрен күрсәттеләр, чөнки көзге чәчәк бәйләмнәре – гадәти булмаган композицияләр, алар үзләрендә көзнең барлык төсләрен, җимешләрен диярлек берләштерә алалар: чәчәкләр, яфраклар, ботаклар, җиләк-җимешләр. Яшь рәссамнарның эшләре бик төсле, күңелгә үтеп керә торган һәм кабатланмас булып чыкты.

 Октябрь аенда безнең илдә Халыкара хайваннарны яклау көне билгеләп үтелә.

5 октябрь көнне  Килдебәк авыл мәдәният йорты хезмәткәрләре, китапханәче белән берлектә «В мире животных новостей» исемле викторина үткәрделәр. Чараның төп максаты-балаларның игътибарын хайваннар проблемаларына юнәлтү, аларга карата җаваплылык хисе уяту, балаларны хайваннар дөньясының күптөрлелеге белән таныштыру, әйләнә-тирә мөхиткә һәм анда яшәүчеләргә сакчыл мөнәсәбәткә өйрәтү. Китапханәче сөйләвеннән, балалар хайваннар дөньясының кеше тормышында мөһим урын алып торуын белделәр,  шулай ук, викторина сорауларына актив җавап бирделәр.

Балалар үзләренең йорт хайваннары турында зур кызыксыну белән сөйләделәр.

Ахырда китапханәче балаларга табигатьне һәм хайваннарны саклауның мөһимлеген искәртте.

   Илебез буенча октябрь аенда Өлкәннәр декадасы уздырыла. Бу вакытта өлкәннәрне котлаулар, бүләкләүләр, искә алулар бара. Өлкәннәр көне уңаеннан 1 октябрь  көнне Килдебәк авыл мәдәният йортында клуб хезмәткәрләре, китапханәче белән берлектә  “Сез булганга – без бәхетле” исеме астында өлкәннәр өчен әдәби-музыкаль кичә оештырылды.

  Өлкәннәрне яшьлек елларына кайтарып, төрледән-төрле матур концерт номерлары күрсәтелде, биюләр, котлаулар белән дәвам итте. Өлкәннәр үзләре дә җырлап, биеп күңел ачтылар. Бәйрәм кичәсеннән   өлкәннәребез күтәренке кәеф белән таралыштылар.

    3 сентябрь – Россиядә бердәмлек һәм терроризмга каршы көрәш көне буларак билгеләп үтелә. Бу көн 2004 елның беренче сентябрь көннәрендә Беслан шәһәрендә булган фаҗигале вакыйгаларга багышланган.

   6 сентябрь көнне  Килдебәк авыл мәдәният йорты хезмәткәрләре, китапханәче белән берлектә  «Моны онытырга ярамый» дигән истәлек дәресе үткәрделәр.

  Балалар дөньяда һәм Россиядә зур террорчылык актлары турында мәгълүматләр белделәр. Балалар игътибарына «Сак булыгыз — терроризм» исемле слайд - презентациясе тәкъдим ителде. Чара ахырында катнашучыларга «Террорга каршы бергә» дигән мәгълүмати буклетлар тапшырылды.

2 сентябрь көнне Килдебәк мәдәният йортында, Лесхоз, Сабабаш клублары  һәм үзешчән сәнгать артистлары көче белән “Зур Концерт” дип аталган концерт үткәрделәр.. Мәдәният йортының сәнгать эшчәнлегендә катнашучылар үз җырлары белән сөендерделәр. Мәдәният йортының Концерт залы тамашачылар белән тулы иде, алар үзешчән сәнгать артистларының чыгышларына һәрвакыт шат. Концерт югары дәрәҗәдә узды. Бу хакта рәхмәтле тамашачының алкышларыннан чыгып фикер йөртергә мөмкин иде.

30 август көнне Мишә авыл җирлегенең Лесхоз, Сабабаш һәм Килдебәк мәдәният йортлары хезмәткәрләре Меша авыл җирлеге клуб оешмалары активистлары белән берлектә "Милли моңнар Ватаны син – Сабам!" бәйрәме кунакларын күңелле җырлар һәм күңелле биюләр белән каршы алдылар.

   30 август көнне Килдебәк авыл  мәдәният йорты хезмәткәрләре, китапханәче белән берлектә, Татарстан Республикасы көненә багышланган «Татарстан Республикасы көне белән» дип исемләнгән балалар иртәсе үткәрделәр. Ел саен, 30 августта Татарстан Республикасында яшәүчеләр иң төп дәүләт бәйрәмнәренең берсе-Татарстан Республикасы көнен бәйрәм итәләр. Бу чын мәгънәсендә дуслык бәйрәме, балаларны бәйрәмгә җыйды. Чара барышында балалар бәйрәмнең килеп чыгу тарихын һәм республиканың төрле почмакларында бәйрәм ничек билгеләп үтелүен белделәр. Шулай ук балаларга Татарстанның Дәүләт символикасы турында сөйләнелде. Балалар белән төрле  уеннар  уйналды.