ЯҢАЛЫКЛАР

30 декабрь көнне Лесхоз мәдәният йортында «Чыршыкайда кунакта» исемле театральләштерелгән яңа ел концерты булып узды. Яңа ел алдыннан Лесхоз мәдәният йорты һәм Сабабаш авыл клубы иҗат коллективлары тамашачыларга яңа ел кәефе һәм якынлашып килүче бәйрәм хисе бүләк иттеләр. Тамашачылар игътибарына ике бабайның өйдә ялгызы гына хатынсыз калып, Яңа елны Лесхоз мәдәният йортында каршаларга карар кылулары һәм аларның юлдагы маҗараларын каршы турындагы гаҗәеп яңа ел тамашасы тәкъдим ителде. Театральләштерү үзешчәннәрнең искиткеч яңа ел җырлары һәм "Шома бас" һәм "Карамелька" бию коллективлары бүләк иткән якты, дәртле биюләр үрелеп барылды. Барлык җыелучыларны якынлашып килүче Яңа ел белән авыл җирлеге башлыгы Гатиятуллин А.Х. котлады. Бәйрәм рухына әкият персонажлары һәм Яңа елның төп геройлары Кыш бабай белән Кар Кызы тылсым кертте. Алар тамашачыларны матур итеп котлап, сәламәтлек һәм теләкләренең тормышка ашуын теләделәр. Яңа ел концерты барлык кунакларны Яңа елны каршылау өчен уңай һәм яхшы кәеф белән тәэмин итте.

24 декабрьдә Лесхоз мәдәният йорты хезмәткәрләре, Кыш Бабай һәм Кар кызы йөзендә, «Ләйсән» балалар бакчасына килделәр, нәни дусларыбызны якынлашып килүче Яңа ел белән котладылар! Балалар бик шатландылар! Кыш бабай белән Кар кызы буш кул белән түгел, ә Яңа ел бүләкләре алып килделәр. Залда бәйрәм, елмаю һәм шатлык атмосферасы хөкем сөрде!

24 декабрьдә Лесхоз мәдәният йорты хезмәткәрләре дендрология бакчасында Яңа ел спектаклен куйдылар. Кукмарадан килгән кунаклар квест-уен ярдәмендә югалган Кыш бабайны һәм Кар кызын эзләделәр. Кунакларны сөйкемле Эт белән Песи каршы алды. Кыш Бабай һәм Кар кызын Убырлы карчык урлаган булып чыкты. Убырлы карчыкның биремнәрен үтәгәннән соң гына алар белән очрашырга мөмкин иде. Балалар биремнәрне үтәп җырладылар, биеделәр, әйлән-бәйлән уйнадылар. Кыш бабай белән очрашканнан соң, барысы да бүләкләр алды. Бәйрәм күңелле узды һәм балаларга бик күп шатлык китерде.

Чигү-кул эшләренең иң яраткан һәм киң таралган төрләренең берсе. Ул иҗади сәләтләтне үстерә. Кул эшләренең бу уникаль төре, аны һәркем диярлек башкара ала. 24 декабрьдә Лесхоз мәдәният йортында «Оста куллар» клуб берләшмәсенең осталары сөлге чигүне дәвам иттеләр. Сөлгедә әкренләп матур чәчәкләр дә күренә башлады. Үз эшеңнең нәтиҗәсен күрә башлагач, эшләү тагын да кызыграк булып китә. Ә бергәләшеп сөйләшә-сөйләшә эшләү тагын да күңелле.

Яңа ел - һәрберебез түземсезлек белән көтә торган бәйрәм ул. Бу якын кешеләренең шатлыгы, Яңа ел чыршысы, бүләкләр... бигрәк тә, әлбәттә, аны Кыш бабайга һәм чын могҗизага ышанган балалар көтә. Яңа ел алдыннан, традиция буенча, Лесхоз мәдәният йорты хезмәткәрләре 22 декабрьдә Андреевлар гаиләсенең балаларын өйләренә барып котладылар. Кыш Бабай һәм Кар кызы костюмнарын киеп, башка әкият геройлары белән бергә мәдәният хезмәткәрләре балаларга хәрәкәтле уеннар белән әкияти тамаша күрсәттеләр, чыршы тирәли әйлән-бәйлән уйнадылар. Һәр бала шигырь яки җыр әзерләгән. Җавап итеп Кыш Бабай аларга татлы бүләкләр бүләк итте. Балалар, шулай ук аларның әти-әниләре бик шат калды. Барысына да бик күп уңай хис-кичерешләр һәм яхшы Яңа ел кәефе тәэмин ителде.

Мишә авыл җирлегенең бильярд буенча финал ярышлары 21 декабрьдә Лесхоз мәдәният йортында узды. Инде берничә ел дәвамында бильярд уенын яратучылар бу уенда кем уңышка ирешкәнен ачыклый. Бильярд спортының бистәдә бик популяр булуы сөендерә, уенчылар бер-берсе белән рәхәтләнеп аралаша, ярышларда зур дәрт белән очраша. Сентябрь аеннан бүгенге көнгә кадәр уенчылар арасында киеренке көрәш барды. Бүгенге финал аеруча кызыклы булды. Турнирда Саба муниципаль районы башлыгы Миңнеханов Рәис Нургали улы үзе катнашты. Быел ул абсолют җиңүче һәм күчмә кубок иясе булды. Мактаулы икенче урынны Вәлиев Илназ алды, өченче урында Сафин Әхмәт. Барлык җиңүчеләр дә акчалата бүләкләр алды. Дүртенче урынны алган Әхтәмҗанов Илшат кызыксындыру бүләге белән бүләкләнде. Җиңүчеләребезне котлыйбыз!!! Барлык катнашучыларга рәхмәт белдерәбез һәм киләчәктә дә уңышлар телибез.

20 декабрьдә Лесхоз мәдәният йорты хезмәткәрләре Мишә авыл җирлеге, Сабабаш авыл җирлеге белән берлектә «Чыршыкайда кунакта» Лесхоз бистәсендә чыршы ачу тантанасын оештырдылар. Чара алып баручыларны сәламләүдән һәм Хоттабыч, Убырлы Карчык, Кыш Бабай һәм Кар кызы, Аждаһа һәм елан кебек әкият геройлары катнашында сәхнәләштерелгән музыкаль тамаша белән башланды. Алга таба бистәнең һәр оешмасы халык һәм кунаклар өчен күңелле һәм кызыклы уеннар үткәрде. Уеннар музыкаль номерлар белән үрелеп барды. Барлык кунакларны кайнар чәй, пылау, коймак белән сыйладылар. Көннәр салкын булуга карамастан, бәйрәм күтәренке кәеф белән үтте, барысы да рәхәтләнеп күңел ачты. Яңа ел алдыннан барыгызга да ныклы сәламәтлек, уңышлар, гаилә бәхете, муллык һәм иминлек телисе килә! Кышкы матур бәйрәмнәр тынычлык, тынычлык китерсен.

17 декабрь көнне Иштуган мәдәният йорты Саба районы мәдәният хезмәткәрләренең профсоюз елкасы булып үтте. Яңа ел алдыннан мәдәният хезмәткәрләренең шулай очрашып, Яңа елны билгеләп үтүләре матур традициягә кереп бара. Бәйрәм яңа ачылган, бөтен уңайлыклары да булган матур, якты бинада узды.  Чыршы бәйрәмендә лотерея уйнатылды. Лотерея төрле мәдәният йортларының кызыклы, оригиналь чыгышлары һәм котлаулар белән үрелеп барылды. Безнең Лесхоз мәдәният йорты да әлеге бәйрәмдә зур әзерлек белән чыгыш ясады. Үз чиратыбызда күңелле һәм матур бәйрәм оештыруда үз өлешен керткән һәркемгә зур рәхмәтебезне белдерәбез.

Ел саен 12 декабрьдә Россия РФ Конституциясе көнен билгеләп үтә.  Россиядә хәзер гамәлдә булган Конституция-демократизм принципларына нигезләнгән һәм РФ гражданины булган һәр кешенең мәнфәгатьләрен якларга чакырылган принципиаль яңа канун. Конституция көне кысаларында Лесхоз мәдәният йортында «Мин һәм илем Конституциясе» дигән танып-белү әңгәмәсе үткәрелде. Әңгәмә барышында балалар Конституциянең барлыкка килү тарихы, аның структурасы, Россия гражданнарының хокуклары һәм бурычлары, илебез символларының барлыкка килү тарихы белән таныштылар. Чарада катнашучылар җәмгыятебезнең лаеклы гражданы булу өчен үзләренең хокуклары турында гына түгел, бурычлары турында да белделәр.

11 декабрьдә урман Лесхоз мәдәният йорты хезмәткәрләре «Ләйсән» балалар бакчасында тәрбияләнүчеләр өчен Кар бабай ясау буенча мастер-класс үткәрделәр. Кар бабай-ул балачактан ук һәркемнең яраткан һәм Яңа Ел бәйрәмнәренең иң популяр персонажларының берсе. Кирәк булган бар нәрсә — кәгазь, кайчы һәм җилем. Балалар бик теләп эшкә чумдылар. Җылы дустанә атмосфера, уртак хезмәт, үзара ярдәмләшү һәм мастер-классның әкияти тематикасы балаларга Яңа ел тылсымлы атмосферасын тоярга ярдәм итте.

Үз куллары белән ясаган кар бабайлар, кагыйдә буларак, бик кызык килеп чыга, менә безнекеләр дә үз характеры белән килеп чыкты. Мастер-класста катнашучыларның барысы да канәгать калды.