ЯҢАЛЫКЛАР
25 октябрь көнне Олы Нырты мәдәният йорты , китапханәче,Иске Икшермә мәдәният йорты мөдирләре, Лесхоз мәдәният йорты , китапханәчесе,Язлы Арташ, Чабья-Чурчи, Тенеки авыл клублары мөдирләре
" Лесная сказка" ял итү үзәгендә, гореф- гадәтләрне саклап калу максатыннан оештырылган " Керәшен туе" дип исемләнгән этнотурда катнаштылар. ( Крашенская свадьба.Свадебный хоровод: этнотур по традициям).Әлеге проектның максаты: республикабызда яшәүче төрле милләт халыкларының гореф- гадәтләрен, милли йолаларын ,мәдәниятен яңарту, милли киемнәр , бизәнү ,көнкүреш әйберләре, милли ризыклары аша халыкка җиткерү тора.Бүгенге проектта катнашучы кунаклар " Керәшен туе " йоласында турыдан- туры үзләре дә катнаша алдылар. Без үзебезне әлеге туйда яучылар да , кияү- килен, кода -кодагыйлар ролендә дә сынап карадык.Бүгенге көндә югалып баручы җырлы- биюле милли туй йоласының чын кунаклары булдык
Һөнәр сайлау-тормышыбызда кабул ителә торган иң мөһим карарларның берсе, чөнки без барыбыз да эшнең үз мәнфәгатьләребезгә, мөмкинлекләребезгә туры килүен һәм шатлык китерүен телибез. 24 октябрь көнне Олы Нырты авыл мәдәният йорты һәм авыл китапханәсе хезмәткәрләре " һөнәрләр дөньясы.» дигән әңгәмә оештырдылар.Алар яшүсмерләргә һөнәрләрнең күптөрлелеге һәм аларның кешеләр өчен әһәмияте турында сөйләделәр. Балалар үзләренең һөнәрләр турындагы фикерләре белән уртаклаштылар, балачакта кем булырга хыяллануларын һәм хәзер дә шул ук һөнәрне сайларга теләкләре сакланганмы-юкмы икәнен искә төшерделәр. Балаларга нинди һөнәрләр ошавын гомумиләштереп, балалар һөнәр сайлауга йогынты ясый торган факторларны ачыкладылар. Чара барышында балалар яңа һәм модалы һөнәрләр турында белделәр, хезмәт турындагы мәкальләрне һәм әйтемнәрне искә төшерделәр, әти-әниләренең һөнәрләре турында сөйләделәр.
24 октябрь көнне Олы Нырты мәдәният йорты һәм китапханә мөдирләре, Чирчи авыл клубының катнашында, "Юл хәрәкәте иминлеге" ДБУнең Саба бүлекчәсе җитәкчесе Ягъфәрова Гүзәл Нәзиф кызы белән берлектә, юл хәрәкәте һәм урам куркынычсызлыгы кагыйдәләренә багышланган Өлкәннәр өчен юл хәрәкәте иминлеге» дигән мөһим мәгълүмати программа оештырдылар. Уен формасында катнашучылар юл билгеләре һәм юл хәрәкәте кагыйдәләре турында таныштылар һәм белемнәрен ныгыттылар. Чарада катнашучылар белән «хәрәкәт кагыйдәләрен исеңә төшер» викторинасы, «юл билгесен җый», «Автомульти станциясе», «кроссвордлар чишү», «мәкальләрнең яртысын тоташтыр»танып - белү уеннары үткәрелде. Аннары катнашучылар вәкилгә сораулар бирделәр, юлда үз-үзләрен тотышлары турында сөйләделәр. Чара кызыклы һәм мавыктыргыч булды. Очрашу азагында Гүзәл Нәзиф кызы информацион буклетлар һәм истәлекле бүләкләр өләште.
21 октябрь көнне Олы Нырты мәдәният йорты хезмәткәрләре ,авыл китапханәсе белән берлектә, Бөек Ватан сугышында Җиңүнең 80 еллыгына багышланган «Мин сугыш турында күп ишеттем» дигән батырлык дәресе үткәрделәр. Сугыш-кешеләр тормышында иң фаҗигале вакыйга. Ул үзе белән авырту һәм югалту, рәхимсезлек һәм җимерү, күп кешеләрнең газапларын алып килә. Бөек Ватан сугышы безнең ил өчен аеруча фаҗигале булды. Сугышчыларыбызны, сакчыларыбызны рәхмәт белән искә алабыз. Совет халкына җиңү өчен артык кыйммәт бәя түләргә туры килде. Алып баручылар балаларга авыр сугыш чоры, солдатларыбызның батырлыклары, тыл хезмәтчәннәре, сугыш хәрәкәтләрендә катнашкан батыр балалар һәм күптән көтелгән Җиңү көнен якынайткан һәркемнең өлеше турында сөйләделәр. Батырлык дәресе геройлар турындагы хәтерне саклау һәм аны киләчәк буыннарга тапшыруның мөһимлеген искә төшерде.
19 октябрь көнне Олы Нырты мәдәният йорты хезмәткәрләре, авыл китапханәсе белән берлектә, « Календарда әти көне»темасына чара үткәрделәр. Россиядә күптән түгел генә — 2021 елдан рәсми статус алган Бөтенроссия әтиләр көне билгеләп үтелә. Безгә әтиләребезгә мәхәббәтебезне, рәхмәтебезне һәм кайгыртуыбызны белдерергә менә дигән мөмкинлек бирә. Һәр әти-ул үз гаиләсен һәм туган җирен саклаучы, чын герой бит! Ул безне иң мөһимгә өйрәтә, аның үгет-нәсихәтләре тормышыбызны формалаштыра һәм авыр мизгелләрдә ярдәм итә. Китапханәче сөйләгәннәрдән укучылар әтиләр көненең барлыкка килү тарихы, әтиләрнең мөһим роле һәм җаваплылыгы турында белделәр. Балалар гаиләдәге әтиләренең роле турындагы мәкальләрне зур кызыксыну белән тыңладылар һәм аларның зирәклеген аңлаулары белән уртаклаштылар. Аннары мавыктыргыч конкурслар башланды: “ Әтинең әйберләре” « Әтинең көндәлек тормышта кулланган әйберләре турында табышмак " ларга җавап бирделәр.
Безнең районыбызда- туристларны җәлеп итәрдәй, искиткеч матур табигатьле тарихи урыннар бик күп. Миңгәр авылында урнашкан, дәвалау һәм ял үзәгендә ,ел дәвамында туристлар өзелми. 17 октябрь көнне район мәдәният йорты хезмәткәрләре ,Олы Нырты мәдәният йорты мөдире һәм китапханәсе, Язлы Арташ, Урта Нырты авыл клубы мөдирләре этноөйләрдә килгән кунакларны каршы алдылар. Мичтә пешкән кайнар коймак, рус халкының милли традицияләрен үз эченә алган программа туристларга бик ошады.Алар күңелле уеннарда катнаштылар. Рус халкының җырларын гармунга кушылып җырладылар. Туристлар әлеге очрашудан канәгать калдылар.
Җимешләргә бай искиткеч көзге чор килеп җитте. Барысы да уңыш җыя, ә кайберләре чәчәкләрдән, яшелчәләрдән һәм җиләк-җимешләрдән нинди искиткеч һәм кызыклы букетлар ясап булачагын хәтта белми дә. Мондый композицияләр булдыру өчен теләсә нинди продуктлар кулланылырга мөмкин, ләкин бары тик яңа һәм хуш исле продуктлар гына булсын. Яшелчә композициясе бик яхшы бүләк яки гадәти булмаган игътибар билгесе булачак. 12 октябрь көнне Олы Нырты авыл мәдәният йорты һәм китапханә хезмәткәрләре «Яшелчәләрдән букет " дигән сәламәтлек сәгате үткәрделәр. Адымлы инструкция ярдәмендә катнашучылар үз куллары белән яшелчәләрдән беренче букетларын җыя алдылар. Матур һәм стильле чәчәк бәйләме килеп чыкты. Чара барышында балалар белән бергә җиләк-җимеш һәм яшелчәләрнең безнең организмга файдасы турында сөйләштеләр, табышмакларга җаваплар таптылар, яшелчәләр турында шигырьләр тыңладылар, шулай ук табиблар ролендә булдылар һәм салкын тию авыруларын савыктыру өчен киңәшләр бирделәр.
Традиция буенча бәйрәм көннәрендә ,өйдә күңелсез булганда, авыл мәдәният йортында без ял кичәләре яки утырмалар үткәрәбез. Теләге булган һәркем дуслары белән аралаша һәм өй мәшәкатьләреннән ял итә ала. 9 октябрь көнне Олы Нырты мәдәният йорты хезмәткәрләре ,авыл китапханәсе белән берлектә, «Көзге кич безгә бик күңелле булды.." дигән исем астында кич утыру оештырдылар.Әлеге чарада кунаклар һәм авыл халкы катнашты. Табышмаклы шаян номерлар, күңелле конкурслар, җырлар, биюләр әзерләнде. Дустанә атмосферада программада катнашучылар борынгы җырлар җырладылар, көнкүреш әйберләре турындагы табышмакларга җаваплар бирделәр, мәкальләр һәм әйтемнәрне искә төшерделәр. Безнең әби-бабаларыбызның озын кичләренничек үткәрүләре турында сөйләштеләр. Кичәдә катнашучылар активлык күрсәтеп кенә калмадылар, бер-берсенә бәйрәм кәефе дә бүләк иттеләр. Вакыт күңелле һәм сизелмичә үтеп китте, бу кич утыру үзе турында җылы истәлекләр калдырды.
1 октябрь көнне Олы Нырты мәдәният йорты һәм китапханәсе мәдәният өлкәсендә һәм башка тармакларда эшләп, лаеклы ялга чыккан хөрмәтле ветераннарыбыз белән, район мәдәният йортында куелган "Туган җиргә кайтты кайтмаганнар" Хәтер китабы"на төренеп" дип исемләнгән концертка кульпоход оештырдылар. Әлеге югары дәрәҗәдә куелган концертны карау мөмкинлеген тудырган өчен район җитәкчелегенә , район мәдәният бүлеге начальнигы Загидуллин Р.Ф.ка өлкәннәребез исеменнән чиксез зур рәхмәтләребезне җиткерәбез.
Россиядә Укытучылар көнен ел саен 5 октябрьдә билгеләп үтәләр. Әлеге һөнәри бәйрәмне бөтен Россия буенча миллионнан артык педагог, шулай ук 18 миллион бала билгеләп үтте.
Олы Нырты авыл мәдәният йорты һәм китапханә хезмәткәрләре 5 октябрь көнне "Eкытучы белән бергә" очрашу үткәрделәр. Чарада укытучылар һәм укучылар катнашты. Очрашуда белем бирүнең үткәне һәм бүгенгесе турында фикер алыштылар, укытучылар бу һөнәрне сайларга нәрсә этәргәне турында сөйләделәр, балаларга булган мәхәббәтнең теләсә нинди проблемаларны хәл итәргә ярдәм итүен билгеләп үттеләр. Укучылар укытучыларга игелекле, кайгыртучан һәм белемле булулары өчен рәхмәт белдерделәр. Кичә укытучыларны котлау белән тәмамланды.