ЯҢАЛЫКЛАР
18 ноябрь көнне Сәрдә авыл клубында «Милли аермаларга хөрмәт!» дигән Халыкара толерантлык көненә багышланган актуаль диалог узды. Сәрдә авыл клубы мөдире катнашучыларга бу көн турында сөйләде, толерантлык төшенчәсенең асылын аңлатты. Балалар дуслык кагыйдәләре белән таныштылар, аралашудагы кыенлыкларны җиңәргә өйрәнделәр. Аннары катнашучылар биттәге ромашка таҗларына толерантлык белән бәйле сүзләр яздылар һәм хәзерге кеше тормышында бу төшенчәнең мөһимлеге турында үз фикерләрен белдерделәр.
17 ноябрь көнне Сәрдә авыл клубында Сәрдә авыл клубы һәм Шекше авыл китапханәсе мөдирләре балалар язучысы Николай Носовның тууына 115 ел тулуга багышланган «Ни өчен без әкиятләр яратабыз?» дип исемләнгән әдәби сәгать үткәрделәр. Н. Носов китаплары әлегә кадәр актуальлеген югалтмаган, алар буенча мультфильмнар, кинофильмнар төшергәннәр һәм төшерәләр, аудиокитаплар яздыралар. Чара барышында балалар язучының тормышы һәм иҗаты белән таныштылар, аның күңелле хикәяләрен искә төшерделәр һәм аларны кычкырып укыдылар. Аннары кызлар һәм малайлар әдәби викторина сорауларына актив рәвештә җавап бирделәр һәм табышмакларны чиштеләр.
6 ноябрь көнне Татарстанда мөһим бәйрәм - Республика Конституциясе көне билгеләп үтелә. Әлеге бәйрәм хөрмәтенә Сәрдә авыл клубында "Мин - Татарстан гражданы" дигән әңгәмә уздырылды. Татарстан Конституциясе-илнең төп законы, анда ил гражданнарының барлык хокуклары һәм бурычлары тасвирлана. Балалар әңгәмәдә актив катнаштылар, республикабызда Конституция кабул итү тарихын искә төшерделәр һәм бер-берсенә Ватаныбызның мәдәни традицияләре турында сөйләделәр. Аннары "Казан Кремле буйлап сәяхәт" уенын уйнадык. Чара ахырында клуб мөдире катнашучыларга Татарстан Республикасының лаеклы гражданнары булырга, үз хокукларын һәм бурычларын үтәргә өндәде.
5 ноябрь көнне Сәрдә авыл клубында "Лауреат композитор һәм рәссамнар" дип исемләнгән танып белү сәгате узды. Кызлар һәм малайлар СССР, РСФСР, ТАССР Дәүләт премияләре белән бүләкләнгән Татарстан композиторлары һәм рәссамнары турында күргәзмә белән таныштылар. Сәрдә авыл клуб мөдире балаларга шәхесләрнең биографияләрен, гаилә һәм шәхси тормышлары, аларның казанышлары турында сөйләде. Катнашучылар шулай ук музыка һәм рәсем сәнгате тарихын, төрле жанрлар турында белделәр һәм викторина сорауларына җавап бирделәр.
4 ноябрь көнне Сәрдә авыл клубында Халыклар бердәмлеге көненә багышланган «Без бердәм булсак – безне җиңеп булмас» дип исемләнгән мәгълүмат сәгате узды. Авыл клуб мөдире балаларга милли бердәмлек, тарихи хәтер турында сөйләде. Аннары малайлар һәм кызлар стена газетасын ясадылар. Чара ахырында катнашучылар бердәм һәм дус булырга кирәк дигән нәтиҗәгә килделәр, шул чакта гына бернинди дә һөҗүмнәр куркыныч түгел.
29 октябрь көнне Сәрдә авыл клубында "Театр- тылсым дөньясы" дип исемләнгән танып белү сәгате узды. Балалар театрның барлыкка килү тарихын, кемнәр "актёр", "режиссер" икәнен, "антракт", "спектакль" терминнарын белделәр. Катнашучылар театрга барганда нинди төп кагыйдәләрне үтәргә кирәген исләренә төшерделәр. Шулай ук балаларга театр белән бәйле һөнәрләр турында табышмаклар әйтелде. Алар театр дөньясында күңелле һәм кызыклы сәяхәт ясадылар, һәм актер булу бик кызыклы да, катлаулы да hөнәр икәнен аңладылар. Чарадан соң кызлар энҗе, муенса, төймә һәм кристалллар кулланып, үз куллары белән беләзекләр ясадылар.
22 октябрь көнне Сәрдә авыл клубында «Көзге фантазия» дип исемләнгән әңгәмә уздырылды. Чара башында авыл клуб мөдире катнашучыларны елның бу вакыты турында үзенчәлекле фактлар белән таныштырды. Шулай ук балалар табигатьтәге үзгәрешләр, хайваннар һәм кошларның үз-үзләрен тотышы турында белделәр, викторинада катнаштылар, көз турында табышмакларны чиштеләр. Аннары катнашучылар төсле кәгазь, фломастерлар, клей кулланып стена газетасы ясадылар. Вакыт күңелле һәм кызыклы үтте.
21 октябрь көнне Сәрдә авыл клубы мөдире Шекше авыл китапханәсе мөдире белән берлектә яшьләр белән "Һөнәр сайлау - җитди эш" дигән әңгәмә үткәрделәр. Катнашучылар кызыклы формада һөнәр сайлауга йогынты ясый торган факторлар турында белделәр, һөнәрләрнең типологиясе һәм төрле характеристикалары белән таныштылар, кайбер киңәшләр һәм тәкъдимнәр алдылар. Шулай ук катнашучылар киләчәккә планнары һәм теләкләре белән уртаклаштылар, теге яки бу һөнәрнең уңай һәм тискәре яклары турында фикер алыштылар. Аннары яшьләр төрле һөнәрләр белән бәйле биремнәрне үти торган уенда катнаштылар. Алар үзләренең зирәклек, җитезлек һәм сабырлык кебек кенә сәләтләрен түгел, ә тату эшләү осталыгын да күрсәттеләр.
18 октябрь көнне Сәрдә авыл клубында "Көзге яфраклар" дип исемләнгән табышмаклар конкурсы булып узды. Көз безгә ачык төсләр, матур пейзажлар, уңыш, яфраклар һәм яңгыр тавышы бүләк итә. Чара барышында катнашучылар ни өчен көзне яратуларын, бакчалардан әти-әниләре белән нинди уңыш җыюларын сөйләделәр. Аннары табышмаклар конкурсында катнашып, балалар көз айлары, табигать күренешләре, кошлар һәм уңыш турында кызыклы табышмакларның җавапларын таптылар. Конкурс күңелле һәм иркен атмосферада узды. Катнашучылар вакытларын күңелле үткәрделәр һәм көз турында яңа белемнәр алдылар.
8 октябрь көнне Сәрдә авыл клубы үзешчән артистлары Ике басу Арташ мәдәният йортында "Милли мәдәниятләр һәм традицияләр елы"на багышланган "Җырлап яшик туган илебездә" дип исемләнгән концерт оештырдылар. Үзешчән артистлар тамашачыларга иҗади программа һәм дустанә атмосфера бүләк иттеләр. Тамашачыларга якты вокаль номерлар, төрле халык биюләре, нәфис сүз, шулай ук көлкеле миниатюралар тәкъдим ителде. Тамашачылар артистларны алкышлар белән бик җылы каршы алдылар. Һәрбер номер катнашучыларда бик күп уңай эмоцияләр уятты, шатлык һәм яхшы кәеф бүләк итте