Республикабызда башланып киткән “Күрше-фест” кышкы фестивальне дәвам итеп,бүген, Сабаның үзәк мәйданында Чана- Фест фестивале узды. Әлеге иҗади чаналар бәйгесендә Олы Нырты мәдәният йорты һәм китапханәсе, Чабья Чурчи, Язлы Арташ , Олы Арташ авыл клублары мәдәният хезмәткәрләренең " Дуслык" командасы чыгыш ясады. Чанабызны " Мәдәният чанасы" дип исемләү юкка гына түгел. Бөек Тукайның 140 еллыгын һәм халыклар дуслыгын чагылдырган, татар орнаментлары белән бизәлгән чанабыз 3 урынга лаек булды. Бәйрәмгә җыелган халык иҗади чаналарга сокланып, агитбригада чыгышларын тыңлап, татар халкының тәмле ризыклары белән сыйланып , рәхәтләнеп ял итте. Әлеге чараны матур итеп оештырган район мәдәният йортына һәм бәйрәмдә катнашучы коллегаларыбызга рәхмәтләребезне җиткерәбез. Әлеге чара безгә тәҗрибә туплау һәм уртаклашу өчен яхшы мөмкинлек бирде.