«Минем яраткан йорт хайваннарым» -Халыкара Песиләр көненә танып белү викторинасы.
“Татарстанда җәй” проекты кысаларында, Бигәнәй авыл мәдәният йорты мөдире Фатхрахманова Д.Г., Халыкара Песиләр көненә багышланган “Минем яраткан йорт хайваннарым” дигән танып-белү викторинасы һәм магнитиклар ясау буенча мастер-класс күрсәтте. Чарада балалар мәчеләр турында күп кенә кызыклы фактлар белделәр: анда беренче тапкыр мәче кешегә ничек ияләшкән, Россиядә мәче кайчан барлыкка килгән. Балалар уеннарда һәм конкурсларда катнаштылар: «Танышырга рөхсәт итегез» конкурсында песи геройларының исемнәрен искә төшерделәр, мәченең кыргый туганнары турында табышмаклар таптылар, «Песиләр семьясы А дан Я кадәр » викторинасы сорауларына җаваплар бирделәр, «Ышанмыйм» уенында мәчеләр тормышыннан күп кенә яңа фактлар белделәр.
Балалар үзләренең яраткан мәчеләре турында күңелле истәлекләр белән уртаклаштылар. Песиләр белән бәйләнешле билгеләрне искә төшерделәр: кара мәче юлыңа чыкса, нишләргә? Яңа өйгә беренче булып нигә песине кертәләр һәм башкалар ышанулар бик кызыклы булды. Мәдәният йорты мөдире Фәтхрахманова Дания Гомәр кызы магнитлар ясау буенча мастер-класс үткәрде, анда балалар үзләренең яраткан мәчеләрен магнитларда сурәтләделәр. Чара барысына да бик ошады. Балалар алмалар һәм конфетлар белән сыйландылар, үз куллары белән ясалган оригиналь магнитлар белән өйгә кайтып киттеләр.