Саба туган якны өйрәнү музеена экскурсия.

9 апрель көнне Эзмә мәдәният йортында «Профессиягә адым»дип исемләнгән танып-белү сәгате үтте. Бүгенге чараның кунагы Шәмәрдән авылының пост начальнигы Рафаэль Рөстәм улы Гатиятов булды. Ул безгә янгын сүндерүчеләр һөнәре турында сөйләде. Янгын сүндерүче һөнәре-кешедән гаять зур кыюлык, чыдамлык һәм сынауларга әзерлек таләп итә торган бурыч. Янгын сүндерүчеләр кешеләрнең куркынычсызлыгы сагында торалар, ут белән көрәшәләр һәм гадәттән тыш хәлләрдә ярдәм итәләр. Балалар зур кызыксыну белән тыңладылар, үз сорауларын бирделәр, янгын сүндерүчеләрнең махсус киемнәрен киеп карадылар. Шулай ук чарада  янгын куркынычы чоры, янгын хәбәрчеләре, үзеңне янгыннан саклау турында сөйләделәр. Ахырда барысына да ашыгыч номерлар турында искә төшерделәр.

5 нче апрель көнне Саба балалар сәнгать мәктәбендә Бөек Ватан сугышында Җиңүнең 80 еллыгына һәм РФ һәм ТР халык артисты, РФ һәм ТРның атказанган сәнгать эшлеклесе, РФ Дәүләт премиясе лауреаты, М.И.Глинки исемендәге РФ Дәүләт премиясе һәм Татарстан Республикасының Г.Тукай исемендәге Дәүләт премияләре лауреаты композитор Фасил Әхмәт улы Әхмәтовның тууына 90 ел тулуга багышланган “Талантлы балачак” балалар һәм яшүсмерләрнең иҗат конкурсы үтте. Бигеней мәдәният йортыннан “Вокал” номинациясендә Әдһәмов Данияр катнашты. Әдһәмов Данияр И.Шевчукның «Ирләр булырга!» дигән җырын башкарды. Данирга иҗади уңышлар телибез.  

7 апрельдә Бөтендөнья сәламәтлек көне билгеләп үтелә. Бу үзенең иминлеге, сәламәтлеге һәм рухи ныклыгы турында кайгыртучы һәркем өчен мөһим бәйрәм. Сәламәтлек-безгә табигать бүләк иткән кыйммәтле әйбер. Һәм моның белән бернәрсә дә: байлык та, җәмгыятьтәге дәрәҗә дә, дан да чагыштырыра алмый. Кеше яшь чагында сәламәтлеген сакларга тиеш.  Бөтендөнья сәламәтлек көне кысаларында 8 апрель көнне Чабья-Чурчи авыл клубында Олы Нырты мәдәният йорты һәм китапханә хезмәткәрләре белән берлектә фельдшер Арикиева Рушания белән «Безнең юл-сәламәт яшәү рәвеше» дигән тематик сәгать үткәрелде. Очрашу дустанә шартларда узды. Медицина хезмәткәре белән очрашуга урта һәм өлкән яшьтәге хатын-кызлар чакырылган иде.  Сәламәтлек саклау хезмәткәре белән очрашу сәламәт яшәү рәвеше мәсьәләләренә һәм проблемаларына багышланган иде. Рушания Сөләймановна «Диспансеризация» нең нәрсә икәнен сөйләде, гигиена нормаларын һәм сәламәт яшәү рәвешен үтәүнең мөһимлеген, салкын тию авыруларын кисәтү ысулларын искә төшерде. Китапханәче Хәсәнова Е.В. һәр кеше өчен сәламәт яшәү рәвешенең әһәмияте турында сөйләде. Теләге булган һәркем сәламәт яшәү рәвеше, спорт, дөрес туклану әдәбияты белән кызыксынып танышты. Шулай ук Дәүләтшина А. белән  әңгәмә дә булды, анда ул сәламәт яшәү рәвешенә мөнәсәбәтен белдерде.

8  нче апрель - Бөтендөнья сәламәтлек көненә, 8нче  апрель көнне Бигәнәй авыл мәдәният йортында китапханә белән берлектә “Сәламәтлек-байлыктан кыйммәтрәк” дигән әңгәмә үткәрелде. Мәдәният йорты  мөдире сәламәт яшәү рәвешенең әһәмияте, аның кыйммәте, һәр кеше тормышындагы роле турында сөйләде. Сәламәтлек өчен физкультура һәм спорт белән шөгыльләнү бик файдалы. Үләннәрнең, җиләк-җимешләрнең һәм яшелчәләрнең шифалы үзлекләре турында да сүз кузгаттылар. Чарада катнашучылар белемнәре, тәҗрибәләре  белән уртаклаштылар, сәламәтлек турында  сөйләделәр. «Сәламәтлек-зур байлык» дигән китап күргәзмәсе тәкъдим ителде. Сәламәтлек - кешедә булган иң кыйммәтле әйбер, ул теләсә нинди байлыктан кыйммәтрәк. «Акчаны югалттым - берни югалтмадым, дигән мәкаль юкка гына әйтелми. Вакыт әрәм булды - күп югалттым. Сәламәтлекне югалттым - барысын да югалттым". Шуңа күрә сәламәтлегеңә сакчыл карарга кирәк.