«Өй әзерлекләре» кич утыру
Көз -искиткеч вакыт ! Көз-уңыш җыю һәм үз кулларың белән үстерелгәнгә шатлану вакыты, нәтиҗә ясау һәм алга карау вакыты.14 сентябрьдә Иштуган мәдәният йортында китапханә белән берлектә «Өй әзерлекләре» кич утыру уздырылды, анда фольклор коллективлары катнашучылары чакырылды. Бәйрәм чарасы көзгә һәм елның бу матур вакыты белән бәйле бар нәрсәгә багышланды.Белгечләр катнашучыларга көзге халык традицияләре, борынгы заманда көзге чаралар оештыру гадәте турында сөйләделәр, аларда пирогларлардан авыз итәргә, халык сынамышларын белергә, җырлар җырларга һәм уеннар уйнарга мөмкин иде. Бу көнне барысы да актив һәм шат күңелле булды. Чарада катнашучылар бик теләп табышмакларны чиштеләр, шаярттылар, көзге такмаклар җырладылар, шулай ук үзләренең әзерлек рецептлары белән уртаклаштылар. Әзер көзге шедеврларны татып карау консервлау турында сөйләшүне тәмамлады, анда катнашучылар һәр банканың эчтәлеген бәяләделәр һәм мәхәббәт белән әзерләнгән һәр продукт үз тәмле һәм кабатланмас дигән нәтиҗәгә килделәр.Чарага «Көзге вернисаж» китап - иллюстрацияле күргәзмәсе ясалды. Укучылар игътибарына яшелчәләр, аларның файдалы үзлекләре, көзге әзерлекнең кулинар рецептлары турында китаплар тәкъдим ителде.Чара кызыклы һәм мавыктыргыч булды, һәркемнең җылы аралашудан алган тәэсирләре калды.