Җәй авыл халкы өчен кызу, тыгыз һәм шул ук вакытта иң матур, куңелле чор. Шушы эш-мәшәкатьләрдән арынып торып, рәхәтләнеп ял итә торган бәйрәм Спбантуйларны һәркем зур түземсезлек белән көтеп ала. 3 июньдә Тенеки авылын гөрләтеп, Сабантуйга әзерлекнең иң мөһим һәм күркәм өлеше - сөлге, бүләкләр, бирнә җыю бик матур узды. Авыл халкы бирнәчеләрне ачык йөз белән каршы алып, изге теләкләр теләп, милли бәйрәмебез Сабантуена әзерләгән бүләкләрен тапшырдылар.