"Халык традицияләрен саклыйк"дигән фольклор сәгать
Һәр халыкның үз гореф-гадәтләре һәм йолалары бар. Милли мәдәниятне саклау, фольклор халык гореф-гадәтләрен, йолаларын һәм бәйрәмнәрен торгызу-бүгенге заманның мөһим бурычларының берсе. 28 февраль көнне Татарстан Республикасында милли мәдәниятләр һәм гореф-гадәтләр елы кысаларында ,Иштуган мәдәният йорты белгечләре "Халык традицияләрен саклыйк"дигән фольклор сәгате уздырдылар. Чараның максаты: балаларны халыкларның бай мәдәни мирасына тарту, шулай ук крестьян көнкүреше предметлары белән таныштыру, халык традицияләренә кызыксыну һәм хөрмәт тәрбияләү. Балалар Татарстан халыкларының һөнәрчелек һәм сәнгать дөньясына экскурс ясадылар. "Умырзая" фольклор коллективы әгъзалары халкыбызның мәдәният тарихы белән таныштырдылар, традицияләр, һөнәрләр, халык фольклоры турында сөйләделәр. Кул эшләре осталары балаларга йон эрләү турында, крестьян көнкүрешенең мәҗбүри предметы буларак сөйләделәр һәм йон эрләү, бәйләү һәм тетү буенча мастер-класс үткәрделәр. Балалар кабаның барлыкка килү тарихын, борыңгы һөнәр өчен кулланылган бәйләүчеләрнең барлыкка килү тарихын, шулай ук хатын-кыз җилкәсенә төшкән барлык төр эшләрнең иң авыры булуы турында белделәр. Мунчала ничек барлыкка килүе, сөлгеләр ничек тукылуы турында сөйләделәр. Әңгәмәдә балаларга төбәк тарихын, үз тамырларын, халык иҗатын белмәү буыннар даирәсе җимерелүенә китерүен искәрттеләр. Чара бик эчтәлекле узды.