ЯҢАЛЫКЛАР
28 апрель көнне Шәмәрдән мәдәният йорты хезмәткәрләре Шәмәрдән авыл модель китапханәсе хезмәткәре Мөхәммәтҗанова Л.Д. белән берлектә татар язучысы Г.Тукайның тууына 137 ел тулуга багышланган «Туган көн кунаклары» балалар спектаклен оештырдылар. Спектакльдә танылган әкият персонажлары катнашты: «Су анасы», «Шүрәле», «Кәҗә белән сарык». Чара башында шагыйрь әсәрләре буенча әкият персонажлары балаларны әкиятләр дөньясына җәлеп итә. Әлеге чарада «Әкият», «Теремок», «Салават күпере» балалар бакчалары тәрбиячеләре һәм тәрбияләнүчеләре катнашты. Театрлаштырылган тамаша «Туган тел» җырын башкару белән тәмамланды. Әлеге балалар спектакленең режиссер-куючысы: Шәмәрдән мәдәният йорты сәнгать җитәкчесе А.А.Шакирова.
Татарстан республикасында да милли мәдәниятләр һәм традицияләр елы кысаларында 28 апрель көнне Керәнне авыл клубында Яңа Мичән авыл китапханәсе белән берлектә Пушкин картасы буенча «Калфак» милли хатын-кызлар баш киеме чигү буенча дүртенче мастер-класс уздырылды. Мастер-класс «Калфак - безнең милли бизәк " китап күргәзмәсе янында узды. Мичән авыл китапханәсе мөдире Фирдәүс Ясави кызы күп еллар татар милли баш киеме калфак ясау һәм чигү белән шөгыльләнә. Оста, чигү һәм бизәү серләре белән уртаклашты. Кунаклар остазлары белән бергәләп калфак өчен бизәкләр сайладылар һәм шул бизәкләрне калфакка күчерделәр. Мастер-класс һәркемгә ошады, катнашучылар канәгать калдылар.
28 апрель көнне Эзмә мәдәният йортында Эзмә урта мәктәбенең «Жырлы монлы балачак» исемле отчет концерты булып узды. Концерт беренче сыйныф укучылары чыгышы белән башланып, һәр сыйныф чыгышы белән дәвам итте. Талантлы укучылар сәхнәдә кызыклы номерлар белән чыгыш ясадылар. Биредә матур җырлар да, дәртле биюләр дә, күз яшьләре белән тыңлаган шигырьләр дә ишетергә мөмкин иде. Мәктәп концертлары һәрвакыт үзенчәлекле уза, ниндидер үз, җылы атмосфера бар. Тамашачылар яшь артистларның һәр чыгышын бик җылы каршы алдылар һәм аларга көчле алкышлар белән рәхмәт белдерделәр.
28 апрель конне Елыш авыл клубында "Терроризм аша җәмгыятькә куркыныч яный"дигән исем астында профилактик әңгәмә уздырылды.Әңгәмә барышында террорчылык буенча проблемалар,теракт булган очракта үзеңне ничек тотарга кирәклеге турында сойләштек.Әгәр син террорчылар кулына эләксәң яки шартлаткыч тапкан очракта кебек сорауларга балалар белән бергәләп җаваплар таптык.Бу сойләшү балаларга бик файдалы булды.
Безнең халыкның гореф-гадәтләрен, җырларын буыннан-буынга тапшыру максатыннан клубта фольклор сәгате үткәрелде. Татар халкы үз ата-бабаларының күп гасырлык традицияләрен саклый, алар мәдәни үсешнең югары дәрәҗәсенә ирешә алган. Татар фольклорында татар тормышының конкрет тарихи үзенчәлекләре чагылыш тапкан. Татар фольклорының төп жанрлары татар халык әкиятләре, мәкальләр һәм әйтемнәр, табышмаклар, йола хөкемнәре. Хәзерге буынга фольклорны бишек җырларында, бию, шаян уен һәм лирик җырларда тәкъдим ителде.
Чернобыль авариясе-ике шартлау нәтиҗәсендә Чернобыль АЭСында дүртенче энергоблок тулысынча җимерелә. Авария берничә секунд кына дәвам итә, ләкин ул коточкыч нәтиҗәләргә һәм үз заманының иң зур технологик һәлакәтенә китерә. 28 апрельдә Урта Нырты авыл клубы хезмәткәрләре, бу коточкыч фаҗигагә багышлап, "Чернобыль кыңгыравы"дип аталган Хәтер сәгате үткәрделэр. «Маяк» химкомбинатында (Чиләбе өлкәсе) авариядән соң коткару эшләрендә катнашкан якташыбыз Имамиев Янбяк Галиакбир улы истәлегенә хөрмәт күрсәттеләр. Имамиев Янбяк Галиакбир улы (1938 елда туган), Олы Нырты авылында яшәде, терлекче булып эшләде, совхозның алдынгысы булды, кызганычка каршы, ул инде исән түгел... Үлгән кешенең каберенә бардык, чәчәкләр салдык, бер минут тынлык белән искә алдык.
27 апрель көнне Шәмәрдән мәдәният йорты хезмәткәрләре язгы изгелек атнасына багышланган «Возьмемся за руки друзья» дип исемләнгән Бөтенроссия ирекле акциясендә катнаштылар. Мондый акцияне үткәрү тәрбиягә изге эшләр башкарырга ярдәм итә. Шулай ук яшь буынны табигатьне яратырга һәм сакларга өйрәтеп, без үзебезнең әйләнә тирәбезнең киләчәге өчен өлеш кертә алабыз. Бүген мәдәният йорты территориясендә агач үсентеләре утыртылды, беркем дә эшсез калмады, барыбыз да дус һәм бердәм эшләдек. Язгы изгелек атнасы акция генә түгел, ә күңел җылысы һәм уңайлы атмосфера булдырырга мөмкинлек бирде.
27 нче апрель көнне Шәмәрдән мәдәният йорты белгече С.М.Фәтхуллина 5 нче сыйныф укучылары өчен «Незабываемая трагедия Чернобыля» дип исемләнгән хәтер дәресе оештырды. Чара барышында балалар Чернобыль авариясенең сәбәпләре һәм бу фаҗиганең масштабы турында белделәр. Шулай ук ул «Последствия Чернобыльской аварии» дигән видеоматериал карадылар. Чара Чернобыль фаҗигасе турындагы мәгълүматны аңлауга, актив тормыш позициясен үстерүгә һәм балаларда экологик белемнәр формалаштыруда ярдәм итте. Нәтиҗәдә, укучылар үткәннәрне истә тотарга һәм экстремаль ситуацияләрдә ничек эш итәргә кирәклеген төгәл өйрәнделәр.
Апрель аенда яраткан татар шагыйре Габдулла Тукайның туган көне билгеләп үтелә. Бу вакыйга хөрмәтенә 27 апрельдә Эзмэ мәдәният йортында балалар белән Г.Тукайның әсәрләре буенча «Минем яраткан героем» дип исемләнгән рәсемнәр конкурсы узды. Башта балалар шагыйрьнең авыр балачагы, аның тормышы һәм иҗаты турында тагын бер тапкыр искә төшерәләр. Аның китаплары балаларны туган як матурлыгына, игелеккә өйрәтә, мәрхәмәтле, гадел һәм кыю булырга чакыра. Гаҗәеп әкиятләр, яраткан шагыйрьнең шигырьләре күп буын укучыларга ошады. Балалар яраткан әкият геройларын яратып сурәтләделәр.
Кышкы спортның иң популяр, тамашалы һәм катлаулы төрләренең берсе-фигуралы шуу. Беренче тапкыр ул 1908 елда Җәйге Олимпия уеннарында тәкъдим ителә, ләкин кышкы Уеннарның рәсми программасына 1924 елда гына кертелә. Бүген бу спорт төре булмаса, олимпиаданы күз алдына да китереп булмый. 27 апрельдә Лесхоз мәдәният йорты хезмәткәрләре Олимпия уеннары программасына кертелгән спорт төре буларак фигуралы шуу көненә балалар белән «Ирекле шуу» оештырдылар.