ЯҢАЛЫКЛАР

Без мәктәп яшеннән үк герой пионерларның исемнәрен хәтерлибез. Чынлыкта фашистларга каршы көрәшүче яшүсмерләрнең саны күбрәк була – якынча 300 мең. 50 мең төрле көрәшләрдә, җәзалауларда һәлак була. Безнең көннәргә санаулылары гына килеп җитә. 8 февраль көнне Югары Шытсу мәдәният йорты һәм китапханә хезмәткәрләре Яшь герой – антифашистлар көненә үткәргән “Зур сугышның кечкенә геройлары” дигән хәтер дәресендә шул турыда сүз барды. Алып баручылар герой пионерлар, Бөек Ватан сугышы чорында яшь антифашистларның илбасарларга каршы көрәше турында сөйләделәр. Балалар буыннан буынга батырлыклары истә калачак геройларның исемнәрен белделәр. Ә видео-презентациядән балалар яшь разведчик партизаннар, сугыш кырында үлгән яшьтәшләренең исем-фамилияләре белән таныштылар. 

9 февраль көнне Лесхоз мәдәният йорты хезмәткәрләре яшүсмерләр өчен «Ут белән шаярма» дигән профилактик әңгәмә үткәрделәр. Әңгәмә барышында янгын сәбәпләре турында фикер алышынды, янгын куркынычсызлыгы кагыйдәләре искә төшерделде, янгын чыкканда нинди номер буенча шалтыратырга кирәклеге искә төшерелде. Янгын ачык ут, һаваның югары температурасы, агулы газлар, төтен һәм башка уңайсыз факторлар белән куркыныч. Моннан тыш, катнашучыларны мәдәният йортында булган янгын сүндерү чаралары белән таныштырдылар һәм янгын сүндергечтән ничек дөрес файдаланырга кирәклеге турында сөйләделәр. Очрашу барышында балалар янгын куркынычсызлыгы өлкәсендә файдалы белемнәр алдылар. Мондый дәресләрдән соң балалар үзләренең белемнәрен киңәйтеп кенә калмыйлар, янгын куркынычсызлыгы кагыйдәләрен үтәүгә дә башкача карыйлар.

9 февраль көнне Сулэ авыл клубында балалар белән "Сәламәтлекне сатып алмыйсың" дигән тематик программа үтте.Сәламәтлек – кешедә булган иң кыйммәтле әйбер, ул теләсә нинди байлыктан да кадерлерәк.Шуңа күрә балачактан ук үзеңә сак карау бик мөһим авыл клубы мөдире балаларга сәламәт яшәү рәвешенең әһәмияте, аның кыйммәтләре, һәр кеше тормышындагы роле турында сөйләде. Сәламәтлек өчен физкультура һәм спорт белән шөгыльләнү бик файдалы. Сәламәт туклану һәм үләннәрнең, җиләк-җимешләрнең һәм яшелчәләрнең шифалы үзлекләре турында сөйләштеләр. Җәй көне җыйган шифалы үләннәрне карадык.

9 февраль көнне, Ватанны саклаучылар елы кысаларында, Өтернәс авыл клубында совет халкының Бөек Ватан сугышында Җиңүенең 80 еллыгына багышланган мәгълүмати-патриотик сәгать үткәрелде. Филиал мөдире Ватанны саклаучы елының рәсми логотибын тәкъдим итте, анда символик рәвештә мөһим элементлар чагылдырылган: Волгоградтагы Мамай курганындагы 85 метрлы «Ватан-Ана чакыра» скульптурасы, Георгий тасмасы, «Җиңү» сүзе һәм «80»саны. Бу символлар безгә ата-бабаларыбызның батырлыгын һәм үз тарихыбызны истә тотуның мөһимлеген искә төшерә. Балалар актив рәвештә "Сугыш. Җиңү. Хәтер», ватанпәрвәрлек, батырлык һәм Ватанга мәхәббәт турындагы фикерләре белән уртаклаштылар. Йомгаклап балалар үзләренең Россиянең кечкенә патриотлары булуларын әйттеләр һәм хәрби темага рәсемнәр ясадылар. Алар рәсемнәрдә сугыш елларының тарихи вакыйгаларына үз мөнәсәбәтләрен чагылдырып, иҗади рәсемнәре белән алар үзләрен кызганмыйча җиңүгә таба барган солдатларга рәхмәт әйтәләр.

6 февраль көнне Эзмә мәдәният йортында «Оста куллар» клуб берләшмәсенә катнашучылар өчен «Яшел даруханә»дигән чара узды. Чарага Эзмә фельдшеры Садриева Зөһрә Рәмзил кызы чакырылган иде. Бүгенге көндә иң актуаль проблемаларның берсе-кеше сәламәтлеген саклау. Кайбер авыруларны дәвалау өчен табигый үсемлек чараларын куллану яхшырак, чөнки дару препаратларының начар тәэсире бар. Дару үләннәрен дөрес куллану күп кенә авыруларны дәвалауга ярдәм итә. Сәламәтлек дөрес туклану, даими физик күнегүләр, гигиена саклау нәтиҗәсе булып тора. Шуңа күрә кешеләргә дару үләннәрен, бигрәк тә алар тирәсендә үскән үсемлекләрне куллану турында белү, аларны кулланырга өйрәнү файдалы.

7 февраль көнне Арча балалар сәнгать мәктәбендә Альберт Гайнетдинов истәлегенә III "Гөслә - Fest" Республика милли мәдәният фестивале үтте. Фестивальдә Югары Шытсу мәдәният йортының “Дубая” кече гөсләчеләр ансамбле катнашты һәм Лауреат дипломы белән бүләкләнде. Җитәкчеләргә Рәхмәт хатлары тапшырылды. Шулай ук фестиваль кысаларында балалар өчен мастер-класслар, ансамбль, коллектив җитәкчеләре өчен түгәрәк өстәл оештырылды. Түгәрәк өстәлдә Гөлнар, Илшат Шарифуллиннар Югары Шытсу мәдәният йортындагы ансамбльләрнең эшчәнлеге, уңышлары белән таныштырдылар.

8 февраль көнне Шәмәрдән мәдәният йорты хезмәткәрләре балалар өчен Алабуга мәдәният һәм сәнгать көллиятенә сәяхәт оештырдылар. Экскурсиянең максаты аларны көллият тәкъдим иткән әзерлекнең төрле юнәлешләре белән таныштыру һәм аларга булачак һөнәрне сайлауда ярдәм итү иде. Килүгә балаларны көллият вәкилләре каршы алды һәм декоратив-гамәли сәнгать остаханәләре, хореография класслары һәм актлар залы буйлап мавыктыргыч экскурсия уздырды. Студентларның эшләре күргәзмәсе балаларга аеруча тәэсир итте. Шулай ук зур булмаган мастер-класс үткәрелде, анда балалар үз көчләрен сынап карадылар. Балаларда укырга керү, уку һәм эшкә урнашу перспективалары турында күп сораулар туды. Тулаем алганда, экскурсия уңышлы узды һәм балаларда уңай тәэсирләр калдырды. Аларның күбесе Алабуга мәдәният һәм сәнгать көллиятенә керергә теләк белдерде.

8 февраль көнне Шәмәрдән мәдәният йорты белгече Шәмәрдән «Үсеш» лицее укучылары өчен «Юные герои Отечества» дигән патриотик сәгать үткәрде.  Әлеге чараның төп максаты һәм бурычлары: укучыларны яшь герой-антифашист көне тарихы белән таныштыру, ватанпәрвәрлек, Ватанга мәхәббәт хисе тәрбияләү һәм ил тарихын өйрәнү. Чара башында алып баручы яшь антифашистлар, аларның ничек көрәшүләре һәм, яшь булуларына карамастан, ничек исән калулары турында сөйләде.  Аннары укучылар игътибарына «яшь герой-антифашистны искә алу көне» документаль фильмы күрсәтелде. Бөек Ватан сугышы елларында беренче сугышны үз өстенә алган Брест крепостен саклаучылар арасында разведкага йөргән, яраланганнарга һәм башка балаларга ярдәм иткән балалар һәм яшүсмерләр булуы егетләрне бик гаҗәпләндерде. Патриотик сәгать ахырында Ватанны саклаганда һәлак булган яшь антифашист геройларны бер минут тынлык белән искә алдылар.

Менә өченче көн инде рәттән бистәбезнең битараф булмаган апалары белән Лесхоз мәдәният йортында "Солдатка аш" район акциясе кысаларында  солдатларыбызга токмач кисәбез. Бүген 8 февраль көнне оешкан төстә бу эш башкарылып чыкты. Солдатларыбызга күп күләмдә токмач әзерләнде, консерва, куертылган сөт кебек бозылмый торган ризыклар җыелды. Һәр катнашучы үз көчен, вакытын җәлләмичә, кирәк-яракларны өеннән алып килеп, изге теләкләрен тели-тели, җан җылысын салып башкарды бу эшне.  Алар арасында солдат аналары да бар иде.  Үз күңелен биреп, туган җир җылысын салып әзерләнгән ризыгыбыз солдатларыбызга аш булсын. Барлык катнашучыларга чиксез рәхмәтебезне белдереп калабыз. Һәрберебез ил афәтенә битараф булмыйча, бердәм булып, җиңүне якынайтыйк!

Бөтен Россия буенча ел саен февраль аенда «Россия чаңгы юллары-2025» дип исемләнгән чаңгы ярышлары уза, анда өлкәннәр дә, балалар да катнаша. Халык сәламәтлеген кайгыртып, Мишә авыл җирлеге төрле спорт чараларын югары дәрәҗәдә оештыра. Бүгенге чара да шундыйларның берсе. Лесхоз мәдәният йорты хезмәткәрләре дә мондый чараларда актив катнашалар. Хәрәкәт-ул тормыш, сәламәтлек турында кайгырту хәрәкәттән башлана бит. Салкын кояшлы көн, яхшы әзерләнгән чаңгы юлы, чаңгының шәп шуу һәм кайнар чәй белән коймак әлеге искиткеч чарада катнашучыларның барысына да күтәренке кәеф бүләк итте. Бу көн сәламәт яшәү рәвешенә тагын бер адым булсын һәм барыбызны да яңа шәхси спорт казанышларына рухландырсын! Шулай ук Лесхоз мәдәният йорты хезмәткәрләре музыкаль бизәлеш белән дә катнаштылар.