ЯҢАЛЫКЛАР
28 апрель көнне Шәмәрдән мәдәният йорты хезмәткәрләре Шәмәрдән авыл модель китапханәсе хезмәткәре Мөхәммәтҗанова Л.Д. белән берлектә татар язучысы Г.Тукайның тууына 137 ел тулуга багышланган «Туган көн кунаклары» балалар спектаклен оештырдылар. Спектакльдә танылган әкият персонажлары катнашты: «Су анасы», «Шүрәле», «Кәҗә белән сарык». Чара башында шагыйрь әсәрләре буенча әкият персонажлары балаларны әкиятләр дөньясына җәлеп итә. Әлеге чарада «Әкият», «Теремок», «Салават күпере» балалар бакчалары тәрбиячеләре һәм тәрбияләнүчеләре катнашты. Театрлаштырылган тамаша «Туган тел» җырын башкару белән тәмамланды. Әлеге балалар спектакленең режиссер-куючысы: Шәмәрдән мәдәният йорты сәнгать җитәкчесе А.А.Шакирова.
28 апрель көнне Шәмәрдән мәдәниятйорты белгече А.И.Хуҗин Халыкара бию көненә багышланган «Танцевальный калейдоскоп» дигән күңел ачу программасын үткәрде. Халыкара бию көне бу сәнгатьнең барлык юнәлешләрен генә түгел, ә дуслык хакына кешеләрне дә берләштерә, аларга бер телдә – бию телендә сөйләшергә мөмкинлек бирә. Чара бу бәйрәмнең барлыкка килү тарихы турында сөйләүдән башланды. Балалар төрле жанрлардагы яндыргыч музыкага бииләр, популяр көйләрне фаразлыйлар, тематик табышмакларны чишәләр, бию викторинасы сорауларына җавап бирәләр. Күңелле һәм музыкаль конкурсларда бик теләп катнаштылар, анда балалар бер-берсе белән ярыштылар. Программа ахырында катнашучылар «дружный» биюен бииләр, чөнки чыннан да, бергә булу бик яхшы.
28 апрель көнне Шәмәрдән мәдәният йорты белгечләре балалар өчен «Весһлые приключения» дигән квест-уены оештырды. Квестның максаты: мәдәният йортында нинди белгечләр эшләвен сөйләү һәм күрсәтү. Ике командага бүленеп, балалар станцияләр буенча төрле сынаулар үтәләр һәм катлаулы булмаган биремнәрне үтиләр: «Кассир», «Методист», «Костюмер», «Хореограф», аларның һәрберсендә табышмаклар, уеннар һәм викторина рәвешендә биремнәр тәкъдим ителде. Бу биремнәрне үтәү өчен балаларга үзләренең бөтен фантазияләрен, җитезлекләрен һәм хәтта кайбер артистлык сәләтләрен кулланырга туры килде. Уен җылы, дуслык атмосферасында узды.
28 апрель көнне Шәмәрдән мәдәният йорты белгече үз хезмәткәрләре өчен Бөтендөнья хезмәтне саклау көненә багышланган «Сделаем свой труд безопасным» дигән әңгәмә үткәрде. Чара эшчеләрнең сәламәт һәм куркынычсыз хезмәт шартларына хокукларын тәэмин итү максатыннан үткәрелде һәм хезмәт эшчәнлеге барышында эшчеләрнең травматизм дәрәҗәсен киметүгә юнәлдерелгән иде. Әңгәмә барышында эшнең нәтиҗәлелеген һәм җитештерүенең технологик һәм хезмәт дисциплинасы торышын арттыру кебек төп бурычлар тикшерелде. Шулай ук янгын куркынычсызлыгы таләпләрен үтәү турында да сөйләшү булды. Әңгәмә ахырында хезмәткәрләр өчен «Охрана труда – забота твоя» дип исемләнгән викторина оештырылды.
28 апрель көнне Шәмәрдән мәдәният йорты хезмәткәрләре Шәмәрдән авыл модель китапханәсе хезмәткәре Мөхәммәтҗанова Л.Д. белән берлектә татар язучысы Г.Тукайның тууына 137 ел тулуга багышланган «Туган көн кунаклары» балалар спектаклен оештырдылар. Спектакльдә танылган әкият персонажлары катнашты: «Су анасы», «Шүрәле», «Кәҗә белән сарык». Чара башында шагыйрь әсәрләре буенча әкият персонажлары балаларны әкиятләр дөньясына җәлеп итә. Әлеге чарада «Әкият», «Теремок», «Салават күпере» балалар бакчалары тәрбиячеләре һәм тәрбияләнүчеләре катнашты. Театрлаштырылган тамаша «Туган тел» җырын башкару белән тәмамланды. Әлеге балалар спектакленең режиссер-куючысы: Шәмәрдән мәдәният йорты сәнгать җитәкчесе А.А.Шакирова.
Татарстан республикасында да милли мәдәниятләр һәм традицияләр елы кысаларында 28 апрель көнне Керәнне авыл клубында Яңа Мичән авыл китапханәсе белән берлектә Пушкин картасы буенча «Калфак» милли хатын-кызлар баш киеме чигү буенча дүртенче мастер-класс уздырылды. Мастер-класс «Калфак - безнең милли бизәк " китап күргәзмәсе янында узды. Мичән авыл китапханәсе мөдире Фирдәүс Ясави кызы күп еллар татар милли баш киеме калфак ясау һәм чигү белән шөгыльләнә. Оста, чигү һәм бизәү серләре белән уртаклашты. Кунаклар остазлары белән бергәләп калфак өчен бизәкләр сайладылар һәм шул бизәкләрне калфакка күчерделәр. Мастер-класс һәркемгә ошады, катнашучылар канәгать калдылар.
28 апрель көнне Эзмә мәдәният йортында Эзмә урта мәктәбенең «Жырлы монлы балачак» исемле отчет концерты булып узды. Концерт беренче сыйныф укучылары чыгышы белән башланып, һәр сыйныф чыгышы белән дәвам итте. Талантлы укучылар сәхнәдә кызыклы номерлар белән чыгыш ясадылар. Биредә матур җырлар да, дәртле биюләр дә, күз яшьләре белән тыңлаган шигырьләр дә ишетергә мөмкин иде. Мәктәп концертлары һәрвакыт үзенчәлекле уза, ниндидер үз, җылы атмосфера бар. Тамашачылар яшь артистларның һәр чыгышын бик җылы каршы алдылар һәм аларга көчле алкышлар белән рәхмәт белдерделәр.
28 апрель конне Елыш авыл клубында "Терроризм аша җәмгыятькә куркыныч яный"дигән исем астында профилактик әңгәмә уздырылды.Әңгәмә барышында террорчылык буенча проблемалар,теракт булган очракта үзеңне ничек тотарга кирәклеге турында сойләштек.Әгәр син террорчылар кулына эләксәң яки шартлаткыч тапкан очракта кебек сорауларга балалар белән бергәләп җаваплар таптык.Бу сойләшү балаларга бик файдалы булды.
Безнең халыкның гореф-гадәтләрен, җырларын буыннан-буынга тапшыру максатыннан клубта фольклор сәгате үткәрелде. Татар халкы үз ата-бабаларының күп гасырлык традицияләрен саклый, алар мәдәни үсешнең югары дәрәҗәсенә ирешә алган. Татар фольклорында татар тормышының конкрет тарихи үзенчәлекләре чагылыш тапкан. Татар фольклорының төп жанрлары татар халык әкиятләре, мәкальләр һәм әйтемнәр, табышмаклар, йола хөкемнәре. Хәзерге буынга фольклорны бишек җырларында, бию, шаян уен һәм лирик җырларда тәкъдим ителде.
Чернобыль авариясе-ике шартлау нәтиҗәсендә Чернобыль АЭСында дүртенче энергоблок тулысынча җимерелә. Авария берничә секунд кына дәвам итә, ләкин ул коточкыч нәтиҗәләргә һәм үз заманының иң зур технологик һәлакәтенә китерә. 28 апрельдә Урта Нырты авыл клубы хезмәткәрләре, бу коточкыч фаҗигагә багышлап, "Чернобыль кыңгыравы"дип аталган Хәтер сәгате үткәрделэр. «Маяк» химкомбинатында (Чиләбе өлкәсе) авариядән соң коткару эшләрендә катнашкан якташыбыз Имамиев Янбяк Галиакбир улы истәлегенә хөрмәт күрсәттеләр. Имамиев Янбяк Галиакбир улы (1938 елда туган), Олы Нырты авылында яшәде, терлекче булып эшләде, совхозның алдынгысы булды, кызганычка каршы, ул инде исән түгел... Үлгән кешенең каберенә бардык, чәчәкләр салдык, бер минут тынлык белән искә алдык.