ЯҢАЛЫКЛАР
25 июльдә Курсабаш авыл мәдәният йорты белгечләре " Мин Бабайдан уздырам !» . Кайчандыр гармунчы, ә аннары баянчы, авылда беренче егет булган. Хәзер исә баянда уйнаучы кешене күрү бик сирәк. Курсабаш авылына бу яктан бәхет елмайды монда бер генә мөһим вакыйга да булмаган, виртуоз рәвештә инструментны белгән кеше яши. Ә инде мәдәният йортында баян агымы яңгыраса, аның аккомпанементы астында халык җырларын җырлыйлар, димәк, авыл янындагы җан тере. Авылның талантлы баянчысы Хәйдәр Нәфиков баян һәм гармун уйнау осталыгы белән уртаклашты.
25 июль көнне Оет авыл клубында «Юл билгеләре илендә» дигән танып белү сәгате узды. Чара башында балалар юл хәрәкәтенең төп кагыйдәләре белән таныштылар. «Күңелле трамвай», «Табышмаклар чатында», «Машина йөртүче хокуклары», «Билетсыз пассажир» кебек уеннарда катнаштылар. Юл хәрәкәте кагыйдәләре турында белемнәрне яхшырак ныгыту өчен балалар өчен «Светофорның өч уты»викторинасы үткәрелде.
24 июль көнне Шәмәрдән мәдәният йорты белгечләре «Взгляд на вредную привычку» дигән әңгәмә үткәрделәр. Сәламәт яшәү рәвеше-организмның психологик һәм физик халәтен яхшыртуга һәм аның продуктив эшенә юнәлдерелгән кагыйдәләр җыелмасы. Әңгәмә барышында «Взгляд на вредную привычку» дигән табышмакларны чиштеләр, күңелле сорауларга җавап бирделәр. Һәр катнашучыга зарарлы гадәтләр турында буклетлар таратылды. Әгәр дә без начар гадәтләрне җиңмәсәк, алар безне җиңәрләр.
23 июль көнне Илебер авылында мөселман Сабантуе узды. Шәмәрдән мәдәният йорты каршында эшләп килүче «Акварель» халык бию төркеме татар биюе белән чыгыш ясады. Сабантуй югары дәрәҗәдә үтте. Төрле кызыклы милли уеннар уздырылды: милли көрәш, спорт уеннары, чүлмәк вату, уенчыкларны кисү, киянтә белән йөгерү, капчык белән сикерү, йомырка белән йөгерү һәм башкалар. Балалар шулай ук Коръән сүрәләрен укыдылар. Барлык кунакларны ботка, камыр ризыклары һәм кайнар чәй белән сыйладылар.
Чара яки бәйрәм урамда узганда, актив уеннар үткәрү өчен чикләүләр юк. Мавыктыргыч спорт конкурслары һәркемгә үзен Олимпия уеннарында катнашучы, команда капитаны яки оста спортчы итеп хис итү мөмкинлеге бирә. Кызыклы спорт ярышлары һәм конкурслар, һичшиксез, күтәренке кәеф белән үрелеп бара. 23 июльдә Тимершык мәдәният йортының сәнгать җитәкчесе балаларга "Күңелле каникуллар"дип аталган табигатьтә ял оештырды. Балалар белән төрле уеннар уйнадык. Күңелле вакыт үткәрдек.
Шашка хэм шахмат уены - спорт уены гына тугел, баш эшлэтуне тэлап итэ торган кызыклы хэм кунел кутэренкелеге бируче уеннарнын берсе. 23 июль конне Елыш авыл клубында "Без начар гадэтлэргэ каршы" дип исемлэнгэн бэйге уздырылды. Балалар бик тырышып уеннарда катнаштылар. Бер-берсенэ кинэшлэр бирделэр, фикер алыштылар. Жинучелэр дэ, жинелучелэр дэ сер бирмэделэр. Барлык катнашучылар да соныннан призларга ия булдылар.
22 июльдә Олы Нырты авыл җирлеге мәдәният хезмәткәрләре һәм авылдашлары тарафыннан Байлар Сабасы бистәсендәге “Олимп” ял паркында «Кичке уен»оештырылды. Кичә барышында: "Назалы", "Түбәтәйле", "Гөлбану","Биш парлы», «Йөзек салыш», «Ал кирәк, гөл кирәк» һәм башка бик күп татар халык уеннары тәкъдим ителде. Уеннар матур җырлар һәм гармун астында биюләр белән үрелеп барды. Кичә гомуми җырлар, биюләр белән тәмамланды. "Кичке уен" бик күңелле килеп чыкты, чын бәйрәмгә әверелде. Бу кичәгә килгән һәркем үзенең яшьлеген искә төшерде һәм халкыбызнын кунелле уеннарын уйнап, жырлап- биеп рэхэтлэнеп ял итте.
22 июль көнне Иштуган авыл мәдәният йорты һәм китапханә белгечләре «Терроризм бүген " дип исемләнгән дәрес – кисәтү үткәрделәр. Дәреснең максаты балаларга терроризм һәм аның күренешләре турында күзаллау бирү, террорчылар корбаны булу ихтималын киметүче саклык чараларын даими үтәү зарурлыгына инандыру, террорчылык акты вакытында үз-үзеңне тоту кагыйдәләренә өйрәтү иде. Чара барышында катнашучылар терроризмның килеп чыгу сәбәпләрен ачыкладык, аның төрләре турында белделәр, террорчылык акты вакытында янаган төрле хәлләр турында фикер алыштылар. Балалар терроризмның, чыннан да, нәфрәт һәм усаллыкка, ә кайчагында сукырлыкка нигезләнгән ахмаклык булуына тагын бер кат инандылар. Яшусмерләр терроризмга каршы көрәшнең иң мөһим факторы хокук саклау органнары һәм махсус хезмәтләр чаралары белән беррәттән һәрберебезнең бу куркыныч вакытында үз-үзләрен дөрес тота белүе дигән нәтиҗәгә килделәр.
21 июльдә Иштуган мәдәният йорты һәм китапханәсе белгечләре балалар өчен «Уч төбендә дөнья» конкурсын үткәрде. Һәрбер катнашучы үз кулын кәгазьгә төшерде. Балаларга кулларын гуашь белән буяу, аннары кәгазьдә эз ясау бик ошый. Шул ук вакытта алар чын күңелдән сокланалар һәм бу шөгыльдән зур рәхәтлек алалар. Алар үзләренең иҗатын карандашлар, буяулар, фломастерлар белән сурәтләделәр. Һәр рәсем үзенчә матур булып чыкты - чәчәкләр белән, якты кояш белән, утрау белән. Балалар тырыштылар, бер-берсенә ярдәм иттеләр, матур һәм уникаль булган рәсемнәр ясадылар.
Каюм Насыйри галим — мәгърифәтче, тарихчы — этнограф, тел белгече, язучы. Гуманитар фәннәрнең төрле тармакларын үстерүгә өлеш кертә, хәзерге татар әдәби теленә, аның фәнни терминологиясенә нигез сала. Ул татар телен үстерү һәм аны рус теле белән якынайту өчен күп нәрсә эшләгән, чөнки ике теллелекне үз халкының мәдәнияте чәчәк атуына ачкыч дип санаган. Ул грамматика, фонетика, тарих, физика, анатомия, гигиена, математика һәм хәтта кулинария буенча хезмәтләр авторы булган. Мәгърифәтче сүзлекләр төзегән һәм татарларның лексиконын яңа терминнар белән баетырга омтылган. Ул татар халкының мәдәнияте нигезен тәшкил иткән әкиятләр, шигырьләр, әйтемнәр, гореф-гадәтләр һәм йолаларның зур коллекциясен туплый. 20 июльдә Иштуган мәдәният йорты һәм китапханә белгечләре “Каюм Насыйри мирасы" дигән әңгәмә уздырдык, балаларны биографиясе, язучы һәм һөнәрче буларак күпкырлы таланты, иҗаты белән җентекләп таныштырдык. "Каюм Насыйри мирасы" китап күргәзмәсе, китапханәдә булган бөек мәгърифәтче китаплары белән таныштырдык.