ЯҢАЛЫКЛАР

Өлкәннәр көне-чиксез кадерле кешеләребезнең игелекле һәм якты бәйрәме, анда без әти-әниләребез, яки әби-бабаларыбызның аерым игътибарын җәлеп итәбез. Бу көнне һәр өлкән буын вәкиленә сәламәтлек һәм озын гомер теләкләре белән рәхмәт сүзләре әйтәсе килә. Өлкәннәр көнен бәйрәм итү декадасы кысаларында, 9 октябрьдә, Лесхоз мәдәният йорты хезмәткәрләре, Югары Симет, Иске Мичән, Кызыл Мишә һәм Чабья-Чурчи мәдәният йортлары белән берлектә, Саба районы мәдәният хезмәткәрләре ветераннары өчен "Ябалакта кунакта" паркында театральләштерелгән экскурсия үткәрделәр. Аннары алар Саба урманчылыгы музеенда һәм Лесхоз мәдәният йорты каршындагы "Кыңгыраулар" музеенда булдылар. Бәйрәм азагында Лесхоз мәдәният йортында чәй эчү оештырылды, ул Саба район мәдәният йорты хезмәткәрләренең дәртле җырлары һәм Лесхоз мәдәният йортының "Шома бас" балалар бию коллективы кызлары башкаруында якты һәм төсле концерт номерлары белән аралашып барды.

8 октябрь көнне Сәрдә авыл клубы үзешчән артистлары Ике басу Арташ мәдәният йортында "Милли мәдәниятләр һәм традицияләр елы"на багышланган "Җырлап яшик туган илебездә" дип исемләнгән концерт оештырдылар. Үзешчән артистлар тамашачыларга иҗади программа һәм дустанә атмосфера бүләк иттеләр. Тамашачыларга якты вокаль номерлар, төрле халык биюләре, нәфис сүз, шулай ук көлкеле миниатюралар тәкъдим ителде. Тамашачылар артистларны алкышлар белән бик җылы каршы алдылар. Һәрбер номер катнашучыларда бик күп уңай эмоцияләр уятты, шатлык һәм яхшы кәеф бүләк итте

Кешелекнең "тышкы" дошманнары бар: сугышлар, эпидемияләр, табигать афәтләре. Бу дошманнар йөзләрчә мең кешенең гомерен өзә. Ләкин дошманнар күпкә куркынычрак-«эчке». Бу җәмгыятьнең кимчелекләре дип атала: тәмәке тарту һәм эчкечелек, наркомания. Бу дошманнардан ел саен күпкә күбрәк кеше һәлак була. 8 октябрьдә Лесхоз мәдәният йорты хезмәткәрләре наркотикларга каршы "Хәвефле гадәтләр" дигән профилактик әңгәмә үткәргәннәр, анда балаларга бер наркоманның наркоманлыкка 10-15 кешене җәлеп итүе турында сөйләгәннәр. Куркыныч ситуацияләрдә акыллылык, ныклык һәм чыдамлык, үгет-нәсихәтләргә җавап итеп «юк» дип әйтә белү, үз дәрәҗәсен яклау сәләте, хөрмәт, авыр булса да, сезне наркотиклардан саклап калачак.

8 октябрь көнне Сәрдә авыл клубында "Пушкин картасы" программасы нигезендә "Исемле брелок" дип аталган осталык дәресе уздырылды. Үз кулың белән брелок сау – иҗади эш. Осталык дәресендә катнашучылар гади материаллардан үз куллары белән оригиналь брелок ясарга өйрәнделәр. Чара өчен металл эшләнмәләре, баулар, хәрефле муенсалар, кечкенә пыяла банкалар, киптерелгән чәчәкләр кирәк булды. Исемле брелок үзеңә дә, туганнарың һәм якыннарың өчен дә искиткеч бүләк булып хезмәт итә.

8 октябрьдә Эзмә мәдәният йортында балалар белән бергә «Игелек һәм хөрмәт көне»дип аталган стена газетасы чыгарылды. Игелек көне-ул кешеләрне игелек күрсәтергә һәм якыннары турында кайгыртырга чакыру. Игелекле кеше мохтаҗ кешегә һәрвакыт ярдәм итәчәк. Ачлык вакытында кешеләр икмәкнең соңгы кисәген бүлешкәннәр. Кешеләргә яхшылык эшләү-бу бездә ерак бабалардан калган кешеләр өчен рухи ихтыяҗ. Игелек көне кешеләрнең игътибарын тыныч һәм игелекле эшләргә юнәлтү өчен үткәрелә. Бәйрәм көне сабырлык, җентеклелек, кайгыртучанлык һәм бер-беребезгә карата дуслык күрсәтергә ярдәм итә.

Рухи кыйммәтләрне саклау, ныгыту, милли традицияләрне торгызу мөһимлеген исәпкә алып, 2023 ел Татарстанда милли мәдәниятләр һәм гореф-гадәтләр елы дип игълан ителде. Шул уңайдан район башлыгы Рәис Нургали улы Миңнеханов Саба муниципаль районы учреждениеләре һәм авыл җирлекләре арасында "Милләт яме - йола бәйрәмнәрдә!" дип аталган фестиваль-конкурс игълан итте.

7 октябрь көнне Килдебәк мәдәният йортында әлеге фестиваль-конкурс узды,  Кече Шыңар мәдәният йорты, Оет авыл клубы “Кияү мунчасы” йоласын; Олы Нырты мәдәният йорты, Язлы Арташ  авыл клубы  "Солдат озату"; Иштуган мәдәният йорты  “Удмуртча туй йоласын” тәкъдим иттеләр.

 Мондый традицияләр бер-беребезгә карата ихтирамлы һәм игелекле булырга, туган телгә, милләткә мәхәббәт тәрбияләргә кирәклеген искә төшерә.

   Тамашачылар фестивальдә катнашучыларны бик җылы сәламләделәр, аларга көчле алкышлар белән рәхмәт әйттеләр.

 7 октябрьдә Яңа Мичән мәдәният йорты, китапханә, Иске Мичән мәдәният йорты , Мичән төп мәктәбе катнашында"Рәхмәт, безнең укытучылар"әдәби - музыкаль кичәсе уздырылды. Бәйрәмгә авыл халкы, укытучылар, укучылар, ветеран - укытучылар һәм төрле еллардагы мәктәпләрне тәмамлаучылар чакырылган иде.. Мәдәният йортында укытучылар һәм укучылар эшләре күргәзмәсе һәм фотозона оештырылды. Бәйрәм кичәсе төрле еллардагы мәктәпне тәмамлаучыларның җырлары,шигырьләре, котлаулары белән тулы иде. , Соңыннан  истәлек фотосына төштеләр

• 7 октябрьдә Яңа Мичән мәдәният йорты , китапханә, Иске Мичән мәдәният йорты , Мичән төп мәктәбе катнашында"Рәхмәт, Сезгә укытучылар"әдәби - музыкаль кичәсе уздырылды. Бәйрәмгә авыл халкы, укытучылар, укучылар, ветеран - укытучылар һәм төрле еллардагы мәктәпләрне тәмамлаучылар чакырылган. Мәдәният йортында укытучылар һәм укучылар эшләре күргәзмәсе һәм фотозона оештырылды. Бәйрәм кичәсе төрле еллардагы мәктәпне тәмамлаучыларның җырлары,шигырьләре, котлаулары белән тулы иде. Өч сәгатьтән артык дәвам иткән кичәдән соң алар да аерылмадылар , яраткан укытучылары белән истәлеккә фотога төштеләр.Бәйрәмне оештыруда һәм үткәрүдә зур ярдәм күрсәткәне өчен район мәдәният йорты белгечләре Энҗе Илшат кызы Нурисламова, Айнур Газинур улы Габделхаков һәм Гыйльметдинов Хәмиткә рәхмәт белдерәбез .Барыбызга да эштә уңышлар, гаилә бәхете телибез.

•  

7 октябрьдә Килдебәк мәдәният йортында " Милләт яме-йола бәйрәмнәрдә!,  Кече Шинар мәдәният йорты каршында эшләп килүче Мирас фольклор коллективы хезмәткәрләре , китапханәче, Оет авылы мәдәният хезмәткәре  һәм китапханәче , белән берлектә тамашачыларга  авылыбызда һаманда яшәп килүче гореф гадәт “Кияү мунчасы”  тәкъдим иттеләр. Татар авылларында мондый йола саклана, туйдан соң икенче көнне иртән кәләш йортында яңа өйләнешкәннәрне мунчага чакыралар. Гадәттә, мунчаны күршеләргә, ягалар  кияү белән  кәләшне беренче,,  мунчага җырлар һәм теләкләр белән, "Уфалла" арбаасында  тартып мунчага алып баралар.. Яшьләрдән соң мунчага кияүнең әти-әнисен, башка кунакларны чакыралар. Яңа өйләнешкәннән соң мунчага бару бик хөрмәтле саналган. Мунчадан соң барысын да "Кияү коймагы"  белән сыйлыйлар, шаяртулар да, биюләр дә, җырлар да була. Мондый традицияләр безгә бер-беребезгә карата ихтирамлы һәм игелекле булырга, туган телебезгә, милләтебезгә мәхәббәт тәрбияләргә кирәклеген искәртә. Тамашачылар фестивальдә катнашучыларны бик җылы каршы алдылар, аларга көчле алкышлар белән рәхмәт белдерделәр.

7 октябрьдә Туктар авыл клубы китапханә белән берлектә «һөнәр сайлау - һәркемнең хыялы» дигән темага әңгәмә үткәрде.​ ​ ​ ​ ​ Чара барышында балалар һөнәр сайлауга йогынты ясый торган факторлар турында белделәр, һөнәрләрнең типологиясе һәм төрле характеристикалары белән таныштылар, кайбер киңәшләр һәм тәкъдимнәр алдылар. Киләчәккә планнары һәм теләкләре белән уртаклаштылар, теге яки бу һөнәрнең уңай һәм тискәре яклары турында фикер алыштылар.