ЯҢАЛЫКЛАР
19 март көнне Килдебәк авыл мәдәният йорты хезмәткәрләре китапханәче белән берлектә «Навруз – праздник весны» исеме астында Нәүрүз бәйрәме үткәрделәр. Нәүрүз –язны каршылап, язгы чәчү эшләре алдыннан үткәрелә торган халык бәйрәме ул. Нәүрүз-ул игелек, дуслык бәйрәме. Ул тынычлыкка, матурлыкка өндәүче бәйрәм. Бу бәйрәмне авыл халкы түземсезлек белән көтәләр, чөнки бу көнне барысы да күңел ачалар, уеннар уйныйлар.
Бәйрәм, халыкны ботка һәм коймак белән сыйлау белән башланып китте. Аннан соң төрле кызыклы уеннар үткәрелә башлады. Бәйрәм төрле уеннар һәм бәйгеләр белән дәвам итте. Шулай ук, мини-футбол ярышы да оештырылды. Шулай итеп авыл халкы һәм бәйрәмгә килгән кунаклар бергә күңелле итеп кышны озатып, язны каршы алдылар. Бәйрәм бик күңелле үтте! Беркем дә бүләксез калмады.
18 март Килдебәк Мәдәният йортында Лесхоз мәдәният йортының “Әмәнәт” халык драма театыры Мәҗит Шамхаловның “Кайнана” пьесасы буенча куелган спектакль күрсәттеләр. Спектакль шундый эчтәлекле,күңелле,матур булды Артистлар үз геройларын югары дәрәҗәдә ачтылар, әсәр идеясен тамашачыларга җиткерә алдылар. Тамашачылар бу комедияне бик теләп бер сулышта карадылар һәм көчле алкышлар белән актерларның уйнавына соклануларын белдерделәр.
Килдебәк мәдәният йорты мөдире Лукманов Радик Асхатович шундый итеп чын артистларча спектакльне халыкка җиткергәннәре өчен үземнең ихлас рәхмәтен белдерде.
Сергей Владимирович Михалков балаларның яраткан шагыйрьләренең берсе. Аның шигырьләрен белмәгән бер кеше дә юктыр. Аның күңелле, шаян, тапкыр, шигырьләре озак истә кала. Сергей Владимировичның иҗаты рус әдәбиятының алтын фондына кертелгән. 2023 елның 13 мартында шагыйрьнең тууына 110 ел тулды.
17 март көнне Килдебәк авыл китапханәчесе, мәдәният хезмәткәрләре белән берлектә С.В. Михалковның юбилеена багышланган "Өч дуңгыз" исемле әкиятен кычкырып уку үткәрделәр.
Балалар С.В. Михалковның искиткеч талантка ия булуын белә алдылар. Балалар «Өч дуңгыз» әкиятен игътибар белән тыңладылар, аннары үзләре дә кычкырып укыдылар. Чөнки кычкырып уку балаларда аңлаешлы итеп уку, сәнгатьле сүзнең матурлыгын күрү сәләтен булдырырга мөмкинлек бирә.
Тормышыбызга яңа агым килеп керде,ул - үз кулың белән бизәп киемне, көндәлек куллану әйберләрен заманча итеп бизәү, яңарту. 16 март көнне Килдебәк авыл мәдәният йортында, Килдебәк, Туктар авыл китапханәчеләре, Ә.Каримуллин исемендәге үзәк китапханә хезмәткәрләре белән берлектә, сумка-шоппер бизәү буенча мастер класс оештырдылар. Мероприятиядә авылыбызның рәсем сәнгатенә тартылучы балалары һәм яшүсмерләре катнашты.Эш тәртибен аңлатканнан соң һәркем үз фантазиясенә нигезләнеп рәсем төшерү, буяу эшләрен яратып башкарды, һәм нәтижәдә көндәлек куллануга яраклы, кабатланмас иҗат эше үзенең матур нәтиҗәсен бирде.
12 март көнне Килдебәк авыл мәдәният йорты хезмәткәрләре китапханә белән берлектә язның матур бәйрәме Нәүрүз уңаеннан авыл халкыннан балалар белән бирнә җыюны оештырдылар. Нәүрүзгә бирнә җыю инде онытылып барса да, мәдәният хезмәткәрләре төрки халкының бу йоласын онытмыйлар, балаларда гореф-гадәтләргә кызыксыну уяталар. Авыл халкы да зарыгып көтеп ала.
Һөнәр-билгеле бер әзерлек таләп итүче һәм гадәттә яшәү чыганагы булган хезмәт эшчәнлеге төре. Башта һөнәр сайланырга тиеш, кешене кызыксындырырга тиеш, ул чакта ул кешегә шатлык китерәчәк. 11 мартта Килдебәк мәдәният йортында, китапханәче белән берлектә кызыклы мәгълүмат сәгате үткәрелде: «Заманча эшче һөнәрләре». Әңгәмә барышында максатка ирешү өчен белем, белгечлек, һөнәр алу кирәклеге ачыкланды. Мәдәният хезмәткәрләренең сөйләвеннән балалар һөнәрләрнең саны 40 000 нән артык икәнен белделәр, һәм бу сан ел саен үзгәрә. Дөньяда кирәкле һөнәрләр белән таныштык. "Һөнәреңне тап"уенын үткәрдек. Максат һөнәрләр белән таныштыру иде, чөнки чарада катнашучылар киләчәк һөнәр сайлау өчен нәрсә кирәклеген аңлый алдылар. Әңгәмә вакытында барлык катнашучылар үз фикерләрен, идеяләрен һәм хыялларын белдерделәр
Чәчәкләр ясау, бик борынгы заманда барлыкка килгән. Борынгы Греция һәм борынгы Кытайдан безгә ясалма чәчәкләр ясау һөнәренең ничек үсеше турында мәгълүмат килеп ирешкән. Шуңа күрә бу төр кул эше яңа хобби гына түгел. Без меңьеллык традициясен дәвам итәбез.
11 мартта Килдебәк мәдәният йорты хезмәткәрләре һәм китапханәче гофрирланган кәгазьдән чәчәкләр ясау буенча мастер-класс үткәрәләр, анда "Йөгерек куллар"клубына йөрүче балалар катнашты. Чара барышында мәдәният хезмәткәрләре чәчәкләр ясаганда кулланыла торган кәгазьнең төрле төрләре турында сөйләделәр, гофрирланган кәгазь белән эшләүнең техник алымнарын күрсәттеләр –яфракларны ясау, сабакны бизәү. Чарада катнашучы балалар барлык этапларны үтәргә һәм чәчәкне үз куллары белән ясарга тырышты. Мастер-класс балаларга иҗади активлыкларын күрсәтергә, эмоциональ канәгатьлек хисләрен кичерергә ярдәм итте.Чара уңышлы үтте. Чәчәкләр ачык, матур һәм хәтта хуш исле булып чыктылар.
8 март көнне Килдебәк авыл мәдәният йортында китапханә һәм яшьләр белән берлектә бәйрәм уңаеннан стенгазета чыгардылар. Халыкара хатын-кызлар көне алдыннан бу искиткеч бәйрәм уңаеннан котлау стенгазетасыннан башка булмый. Стенгазета булдыру теләсә нинди иҗат кебек үк мавыктыра. Стенгазета матур килеп чыкты.
7 март көнне Килдебәк авыл мәдәният йортында, мәктәп белән берлектә, 8 Март Халыкара хатын-кызлар көненә багышланган "Бәхетле бул, хатын-кыз!" исемле бәйрәм концерты үткәрелде.
Килдебәк авыл җирлеге башлыгы Заһидуллин Н.Н., мәктәп директоры Мәүлетов Н.М., алар залда җыелган барлык хатын-кызларны җылы теләкләр белән котладылар.
Концерттагы барлык чыгышлар да, хатын-кызларга, мәхәббәткә һәм язга багышланган иде. Җылылык һәм мәхәббәт белән сугарылган программаның һәр номеры кабатланмас шатлык, эмоциональ күтәрелеш һәм бәхет хисе бирде.
Мәктәп укучылары, укытучылар, ата-аналар әзерләгән концерт номерлары һәм бию композицияләре барлык катнашучыларга бик күп күңелле һәм уңай эмоцияләр бүләк итте.
Китап уку һәм аны алга этәрү максатыннан, 6 март көнне Килдебәк мәдәният йорты эшчеләре,авыл китапханәчесе белән бергә Бөтендөнья кычкырып уку көне уңаеннан "Уку-алга бару"дип исемләнгән чарада катнаштылар.
Укучылар яратып укыган әсәрләреннән өзекләрне, кычкырып укыдылар. Чарага китап күргәзмәсе оештырылды.