ЯҢАЛЫКЛАР
27 февральдә Шәмәрдән мәдәният йортында "Без тарихта эзлебез - Гасырлар кайтавазы гаилә тарихында" республика шәҗәрәләр фестиваленең район туры узды.
Тимершык авылыннан Хантимеровлар гаилә командасы чыгыш ясады. Алар жюри әгъзаларына үз куллары белән әзерләнгән милли һәм гаилә ризыкларын тәкъдим иттеләр, шулай ук «Таныш булыгыз, минем гаиләм, минем нәселем!» дип исемләнгән 2 нче турда гаиләләре белән таныштырдылар.Гомуми нәтиҗәләр буенча, фестивальдә Хантимеровлар гаиләсе 1 нче урынны алды.
21 февраль-Халыкара туган тел көне. Туган тел-балачактан барлык халыклар өчен дә зур байлык. Безнең бурыч, туган телгә мәхәббәт, хөрмәт, горурлык хисе тәрбияләү, чөнки авылдагы мәдәният йорты балалар һәм яшьләр өчен мәдәни үзәк булып тора. 22 февральдә Тимершык мәдәният йортында китапханә белән берлектә Туган телгә багышланган «И туган тел и матур»дип исемләнгэн мәгълүмати сәгать узды. Укучылар өчен викторина үткәрелде, анда катнашучылар Туган тел турында белемнәрен күрсәтә алдылар. Мондый уен формасындагы чаралар балаларның ана теле турындагы белемнәрен ныгыта ярдәм итә.
15 февральдә күренекле татар шагыйре, шулай ук Россиядә һәм башка илләрдә танылган журналист һәм хәрби корреспондент - Муса Җәлилнең тууына 117 ел тула. Ул бик кыска, ләкин герой гомере кичерде. Аның язмышы һәм иҗаты берничә буын кешеләре өчен патриотизм, батырлык һәм ныклык үрнәге булды. Үлгәннән соң аңа Советлар Союзы Герое исеме бирелә. 14 февраль көнне Тимершык авылы китапханәсендә мәдәният йорты хезмәткәрләре белән берлектә шагыйрьнең туган көненә багышланган әдәби сәгать узды, М. Җәлил шигырьләрен һәм аның шигырьләренә җырлар тыңлады.
15 февраль көнне Тимершык авылы китапханәсендә мәдәният йорты хезмәткәрләре белән берлектә «Сугышны солдат сайламый» дигән музыкаль-патриотик сәгать узды. Китапханәче Әфганстандагы сугышның тарихи вакыйгалары белән таныштырды, авылдашлары Илдус Гарифуллин, Ильяс Юмагулов, Ильяс Галимҗанов һәм совет солдатларның батырлык, ныклык, намуслылык күрсәтүләре, хәрби ант һәм бурычка тугрылык саклаулары турында сөйләде. Балаларга Әфганстанда совет гаскәрләренең урнашу чоры турында видеоролик күрсәтелде. Шулай ук сәнгать җитәкчесе Хантимиров А. башкаруында, якташыбыз, афганчы – Наил Кадыйровның “Онытылды Әфган димәгез” җырының видео клибын карадылар.
1 февральдә Тимершык мәдәният йортында китапханә белән берлектә "Сталинград стеналары янында" дигән исем астында хәтер сәгате үткәрелде. Сталинград сугышының ничек барганын үз күзләре белән күрү, фаҗигале көннәрнең вакыйгаларын күрсәтү өчен, катнашучыларга 1942-1943 еллардагы хроник кадрлар күрсәтелде. Слайд-презентация ярдәмендә балалар зур һәйкәл -"Сталинград сугышы геройларына"ансамблен күрделәр. Пирамидаль тирәкләр аллеясы буйлап "Үлемгәчә торырга" мәйданына, "Геройлар мәйданы" на "Дивар-хәрабә" композициясе буйлап уздылар. "Кайгы мәйданы" ннан Мамай курганының башына, төп монумент "Ватан-Ана чакыра!" нигезенә күтәрелделәр.