ЯҢАЛЫКЛАР

11 июньдә Лесхоз бистәсенең дендрология бакчасының "Ябалак янында кунакта" паркында Лесхоз мәдәният йорты һәм Сабабаш авыл мәдәният йорты хезмәткәрләре оештырган "Ябалак янында кунакта" туристик маршруты буенча чираттагы кунакларны кабул итте.

8 июньдә Лесхоз халык күңел ачу үзәгенә әверелде - биредә Сабантуйны киң колач белән билгеләп үттеләр. Авыр кыр эшләренең тәмамлануын чагылдырган бу матур бәйрәм бистә стадионында йөздән артык кешене һәм кунакларны җыйды.

Бәйрәмне Лесхоз мәдәният йорты хезмәткәрләре әзерләгән музыкаль композиция ачып җибәрде, ул Сабантуй тарихына һәм Ватанны саклаучылар елына һәм Бөек Җиңүнең 80 еллыгына багышланган иде. Бәйрәмнең шатлыгын уртаклашырга Саба муниципаль районы Башкарма комитеты җитәкчесенең инвестицион үсеш һәм эшмәкәрлеккә ярдәм буенча урынбасары Котдусов Илнур Илдус улы килде, ә бәйрәмне алып баручы Фәнил Вакказов булды. Сабантуйны ачу тантанасы бистә имам-хатыйбы Әхмәт хәзрәтнең үгет-нәсыйхәт сүзләре һәм Коръәннән аятьләр укуы белән тәмамланды.

Бәйрәмдә кунаклар "Лесхоз" ҖЧҖ күргәзмәсен карый, көрәштән, Дилә һәм Булат Нигъмәтуллиннар катнашында бәйрәм концертыннан ләззәт ала, халык уеннарында катнаша, фотозонада фотосурәтләр ясый алды.

Соңгы еллар традициясе буенча балалар өчен аниматорлар, төрле бәйгеләр һәм Сабантуй уеннары белән аерым мәйданчык эшли. Конкурсларны һәм күңел ачу уеннарын Лесхоз мәдәният йорты һәм Урман музее хезмәткәрләре оештырды һәм үткәрде. Моннан тыш, балалар өчен аттракционнар һәм батутлар эшләде.

Быел Сабантуй бәйрәме менә шулай күңелле һәм мавыктыргыч узды.

Бүген 7 июнь көнне Саба сабантуе гөрләп узып китте. Мәдәният хезмәткәрләре Саба халкын күңелле ял белән тәэмин итү өчен зур тырышлык куйды. Лесхоз мәдәният йорты хезмәткәрләре дә читтә калмады. Мастер-класслар мәйданчыгында  "Саба бизәкләре" исеме астында кашык һәм куналарга рәсем төшерү буенча мастер-класс үткәрде. Әлеге мастер-класста балалар бик теләп һәм яратып катнашты. Әлеге чара балаларга ял вакытларын файдалы үткәрү өчен менә дигән мөмкинлек булды.

6 июльдә Лесхоз мәдәният йорты хезмәткәрләре, «Нургали» Лесхоз мәчете имам-хатыйбы белән берлектә, балалар өчен бәйрәм уңаеннан күңел ачу программасы үткәрделәр. Чараның максаты балаларда дини традицияләргә мәхәббәт тәрбияләү һәм аларны бәйрәм гореф-гадәтләре белән таныштыру, шатлыклы кәеф тудыру иде. Чара Әхмәт хәзрәтнең Коръән аятьләрен уку һәм бәйрәм белән котлау белән башланып китте. Аннары балалар яттан белгән аятьләрен укыдылар. Иң күп сүрәләрне белгән кешеләр намаз келәмнәре белән бүләкләнделәр. Лесхоз мәдәният йорты хезмәткәрләре, үз чиратларында, балалар өчен күңелле бәйрәм атмосферасы һәм кызыклы конкурс программасы булдырырга тырыштылар! Безнең тарафтан төрле тематик конкурслар һәм викториналар үткәрелде. Балалар бүген исламның төп өч изге урыны турында белделәр, табышмаклар, ребуслар чиштеләр. Ә иң кечкенәләр өчен хәрәкәтчән спорт уеннары әзерләнгән иде. Барысына да бүләкләр тапшырылды. Чара өстәл артында тәмамланды, анда катнашучыларның барысы да фри бәрәңгесе, наггетслар, сок һәм татлы мамык белән сыйланды.

 

4 июнь көнне Лесхоз картлар йортында РФ социаль хезмәткәре көненә багышланган тантаналы чара узды. Традиция буенча җәмгыять һәм Дәүләт бу көнне мохтаҗ гражданнарга социаль яклау канаты астына алып ярдәм итү миссиясе булган кешеләргә хөрмәт күрсәтә.

Лесхоз мәдәният йорты иҗат коллективы әзерләгән концерт программасы барлык катнашучылар өчен бүләк булды. Бәйрәм концертында  рәхмәт сүзләре һәм рухи котлаулар яңгырады . Лесхоз ДИПИ директоры Равилин барлык коллегаларын җылы котлады һәм барысына да иминлек, сәламәтлек, гаиләләрдә тынычлык теләде.

Хөрмәтле социаль хезмәткәрләр! Сезнең иң мөһим бурычыгыз – кешеләр турында кайгырту. Эшкә тугрылыгыгыз һәм игелек һәм шәфкатьлелек идеалларына ихлас хезмәтегез өчен рәхмәт сезгә!

Балаларны яклау көне-якты, шатлыклы бәйрәм. Аның җәй башында булуы юкка түгел, җәй хаклы рәвештә безнең балаларныкы. Аларда безнең шатлык һәм өметебез, хезмәтебез һәм бәхетебез.

3 июнь көнне Лесхоз мәдәният йортында бәйрәм уңаеннан " Ура! Балалар бәйрәм итә" исеме астында күңел ачу чарасы узды. Балаларны бәйрәмчә кәеф бирүче көчле күңелле музыка каршы алды. Күңелле клоуннар, Убырлы карчык белән бергә балалар уйнадылар, биеделәр, табышмаклар чиштеләр һәм чын күңелдән күңел ачтылар. Бәйрәмнең төп өлешендә балалар 2 командага бүленеп, йөгерү, сикерү, туплы эстафета ярышларында катнаштылар, анда үзләренең спорт сәләтләрен һәм осталыкларын күрсәтә алдылар. Бәйрәм мавыктыргыч һәм кызыклы булды, бик күп уңай хис-кичерешләр калдырды. Барлык катнашучылар һәм җиңүчеләр призлар һәм бүләкләр белән бүләкләнделәр.

Безнең Лесхоз бистәсендә Сабантуй быел 8 июньдә узачак. Төрле уеннарда җиңүчеләргә, шулай ук көрәш буенча абсолют батырларга бүләк җыю борынгы заманнардан ук әлеге халык бәйрәменең бер традициясе булып саналган.

Шуңа күрә бүген, 1 июньдә, Лесхоз мәдәният йорты һәм китапханә хезмәткәрләре, төрле оешма хезмәткәрләре белән берлектә, бүләкләр җыю буенча йөреш оештырдылар.

Сөлге һәм бүләкләр җыю-Сабантуйдан килгән хәбәр кебек. Матур милли костюмнарда гармун, җыр-биюләр белән мәдәният хезмәткәрләре һәм балалар бистә буйлап йөрделәр һәм барысын да Сабантуйда катнашырга чакырдылар. Гармонь тавышына өйдән кешеләр чыктылар да безнең белән бергә биергә тотындылар. Сабантуйга сөлге, яулык, савыт-саба, сувенирлар кебек бүләкләр алып килгәннәр. Ә безнең балаларга ул көнне конфет бүләк итү гадәте бар. Кайбер халык өстәл, милли камыр ризыклары һәм самовардан чәй белән көтте. Чара бик күңелле узды, барлык катнашучылар да канәгать калдылар һәм бик зур уңай эмоцияләр алдылар

30 майда Лесхоз бистәсенең дендрология бакчасының "Ябалак янында кунакта" паркында Лесхоз мәдәният йорты һәм Сабабаш авыл мәдәният йорты хезмәткәрләре оештырган "Ябалак янында кунакта" туристик маршруты үз эшен дәвам итте.

29 майда Лесхоз бистәсенең дендрология бакчасының "Ябалак янында кунакта" паркында Лесхоз мәдәният йорты һәм Сабабаш авыл мәдәният йорты хезмәткәрләре оештырган "Ябалак янында кунакта" туристик маршруты үз эшен дәвам итте.

28 майда Лесхоз бистәсенең дендрология бакчасының "Ябалак янында кунакта" паркында Лесхоз мәдәният йорты һәм Сабабаш авыл мәдәният йорты хезмәткәрләре оештырган "Ябалак янында кунакта" исемле туристик маршрут үз эшен дәвам итте. Кукмара районыннан килгән балалар һәм аларның әти-әниләре әкияти урманга килеп эләктеләр, анда алар өчен төрле сынаулар һәм уеннар әзерләгән әкият геройлары көтә иде. Шулай ук паркта зур булмаган зоопарк булдырылган, анда балалар тиен, Эму тәвә кошы, Павлин, фазан, куян,попугайларны күрә алдылар. Балалар, шулай ук аларның әти-әниләре онытылмаслык тәэсирләр алдылар һәм бик канәгать калдылар.