ЯҢАЛЫКЛАР

4 январь конне Елыш авыл клубында Шынар мэдэният йорты хэм китапханэсе, Оет клубы хэм китапханэсе тарафыннан "Этэчнен яна ел сэяхэте" дип исемлэнгэн театраль тамаша куелды. Тамаша бик кунелле хэм узенчэлекле, уйнаучы йорт маллары да бик матурлар иде. Балалар тамашаны бик яратып карадылар, жырларга кушылып жырладылар. Соныннан бэйрэмгэ Кыш бабай хэм Кар кызы килде, яна ел кичэсе тагын да жанланды. Кызыклы уеннар уйналды, хонэрлэр курсэтелде. Бэйрэм бик кунелле узды.

Кыш ае бик матур, гаҗәеп айларның берсе. Аны балалар да, зурлар да бик яраталар. Кыш турында художниклар картиналар иҗат итәләр, күп шигырьләр һәм җырлар языла. Кышкы табигать бик үзенчәлекле, саф һава һәм суык белән агачларда бизәкләр эленә. 3 гыйнвар көнне Елыш авыл клубында "Суык тәрәзәгә бизәкләр ясый" - дип исемләнгән рәсем конкурсы уздырылды. Балалар үз рәсемнәрендә кышны, Яңа ел ёлкасын, Кар кызын, кышкы табигатьне, Кыш бабайны бик теләп ясадылар. Соңыннан табышмакларга җаваплар таптылар, шигырьләр тыңладылар. Клуб мөдире балаларны рәсем конкурсында актив катнашулары өчен рәхмәтен җиткерде, киләчәктә дә сау сәламәт булып, чаңгы-чаналарда шуып, каникулны матур итеп үткәрүләрен теләде

15 декабрь Бөтендөнья чәй көне. Чәй серле эчемлек, борынгы заманнардан ук әлеге эчемлекне кулланганнар. Ул кешенең иммунитетын ныгыта, авыртуларга каршы торучынлыкны арттыра, күңелне күтәрә. Әлеге көн уңаеннан Елыш авыл клубында "Чәй эчәбез" дип исемләнгән викторина уздырылды. Алып баручы чәйнең тарихы белән таныштырды, катнашучылар ихтибар белэн тыңладылар. Чәй турында викторина сорауларына җаваплар таптылар, фикер алыштылар, кызыклы уеннарда катнаштылар. Соңыннан өстәл янында тәмле чәй эчтелә

Ел саен 3 декабрь көнне бөтендөньяда инвалидлар көне билгеләп үтелә. Бу көнне бәйрәм дип әйтеп булмый, бу көн көчле һәм ихтыяр көчен югалтмаганнар, нинди генә авырлыкларга очраса да аны җиңеп чыга белүчеләр көне. 8 декабрь көнне Елыш авыл клубында сәламәтлеге чикләнгән авылдашлар белән "Мин дуслар арасында бәхетле" дип исемләнгән очрашу кичәсе узды. Кичәне клуб мөдире башлап җибәрде, сәламәтлекләре чикле булган кунакларыбыз хөрмәтенә җыр, бию, нәфис сүз ярдәмендә бик матур концерт программасы күрсәтелде. Концертта алар үзләре дә җырладылар, шигырьләр сөйләделәр. Бәйрәмне барысы да яратып кабул итте, күчтәнәч пакетлары тапшырылды. Соңыннан балалар белән бергәләп дөм сукыр Хабибуллин Азат бабайга барып концерт номерлары күрсәттек, пакет бирдек. Ул үз чиратында зур рәхмәтләрен җиткерде.

29 ноябрь көнне Елыш авыл клубында Татарстан флагы көненә багышлап "Татарстан флагы безнең горурлыгыбыз"- дип исемләнгән мәгълүмат сәгате уздырылды. Дәүләтебездә Татарстан флагы көне иң зур бәйрәмнәрнең берсе булып тора. Клуб мөдире балаларга иң беренче флагларның килеп чыгу тарихын, флагның төсләренең нәрсә аңлатуын, флагларның нинди очракта күтәрелүен сөйләп аңлатты. Балалар белән Дәүләт символлары булган флаг, герб, гимн турында кызыклы фикер алышулар алып барылды.

24 ноябрь көнне аналар көне уңаеннан Елыш авыл клубында "Кадерлеләребезгә"- дип исемләнгән бәйрәм концерты уздырылды. Аналар көне иң кадерле бәйрәмнәрнең берсе, чөнки ул безгә тормыш бүләк итеп, безнең өчен кайгырып үзенең чиксез мәхәббәтен бүләк итеп бирүче әниләребез бәйрәме. Концерт программасы җырга-моңга бай җырлар, үзенчәлекле биюләр һәм тирән мәгънәле шигырьләре белән әни һәм әбиләребезгә бик ошады. Бәйрәмдә әниләр һәм әбиләр адресына багышлап бик матур сүзләр җиткерелде. Соңыннан бәйрәм чәй табыны артында дәвам итте. Барлык катнашучылар да әлеге кичәдән бик күңелләре булып таралыштылар.

12 октябрь көнне Түбән Шытсу мәдәният йортында гаилә елына багышланган "Буыннар тарихы, гаилә ядкәре" дип исемләнгән район фестивале уздырылды. Әлеге фестивальдә Елыш авылыннан Рамазановлар гаиләсе Нигъмәтҗан нәселе шәҗәрәсен яклап чыкты. Әлеге нәселдә ирләр хезмәт сөючән, көчле рухлы, ә хатын-кызлар оста куллы булганнар. Буыннан буынга бал кортлары үрчетү, игенчелек һәм кул эшләре һөнәрләре тапшырылып килгән. Нәселдә ир-атларда тегүчелек белән шөгыльләнгәннәр, файдалы үләннәр җыю да алар нәселендә борынгыдан килгән. Рамазановлар гаиләсе үзләре пешерә торган ризыклары, кул эшләре белән күргәзмә куйдылар. Гаилә шәҗәрәсе сигез буынга хәтле билгеле. Әлеге шәҗәрәне төзегән Айдар Рамазанов бөтен нечкәлекләр белән халыкка үз хезмәтен җиткерде. Нәселнең өлкән кешесе Нәзирә апага 84 яшь, ул нәфис сүз белән чыгыш ясады. Бүгенге көндә дә үләннәр җыю, тегү, чигү эшләре белән шөгыльләнә, кроссвордлар чишә, газета-журналлар укый. Бәйрәмгә туганнары, оныклар, оныкчыклар килделәр. Шәҗәрәдә барлыгы 876 кеше билгеле. Сәхнәдә әлеге буынның үткәне театральләштерелде. Бәйрәм бик эчтәлекле һәм бай тарихлы булды.

Өлкәннәр бәйрәме безнең әби-бабайларыбызның иң ямьле, матур бәйрәмнәренең берсе. Әлеге бәйрәм безнең җәмгыятькә генә түгел, якыннарына да, безнең яныбызда яшәүче өлкәннәребезгә тәрбия һәм ихтибар кирәклеген искә төшереп тора. Бәйрәм уңаеннан уздырылган кичәләрдә өлкәннәребез рәхәтләнеп ял итәләр, аралашалар. 4 октябрь көнне Түбән Шытсу мәдәният йортында Түбән Шытсу, Югары Шытсу һәм Елыш авыл клубы, Югары Шытсу китапханәсе хезмәткәрләре бергәләшеп, өлкәннәр декадасы уңаеннан "Тормыш көзе җылы булсын" дип исемләнгән бәйрәм кичәсе уздырдылар. Бәйрәм ООО "СХП Шытсу" җәмгыяте җитәкчесе Галлямов Ф. Ф. Авыл җирлеге башлыгы Мавлетов Б. М. котлавы белән башланып китте. Мәдәният хезмәткәрләре һәм үзэшчәннәре катнашында җыр, бию, нәфис сүз белән бик күңелле бәйрәм концерты күрсәтелде. Бәйрәм һәркемнең күңеленә хуш килде.

2 октябрь Бөтендөнья укытучылар көне уңаеннан Елыш клубы, Түбән Шытсу, Югары Шытсу мәдәният йортлары һәм Югары Шытсу китапханәсе белән берлектә "Бөек акыл статусы - укытучы" дип исемләнгән концерт программасы уздырылды. Кичәгә төрле елларда эшләгән һәм хәзерге вакытта эшләүче укытучылар чакырылды. Бәйрәм авыл җирлеге башлыгы Мавлетов Булат Миндрахман улының укытучыларга багышланган музыкаль чыгышы белән башланып китте. Мәдәният хезмәткәрләре һәм үзэшчәннәре катнашында җыр, бию, нәфис сүз һәм театраль өзекләр белән кичә бик күңелле узды. Соңыннан бәйрәм чәй табыны артында дәвам итте.

27 июнь конне Елыш авыл клубы янындагы асфальтта "Мин доньяны рэсемгэ тошерэм" дип исемлэнгэн рэсем конкурсы уткэрелде. Асфальттагы рэсем ясау балалар очен бик кунелле. Балалар хэркем узенчэ кояш, чэчэклэр, салават купере ясадылар. Хэр рэсем узенчэлекле матур килеп чыкты. Шуна курэ хэрберсенэ дэ кызыксындыру чарасы баллы призлар таратылды. Балалар кунел кутэренкелеге алдылар хэм асфальтта алар ясаган рэсемнэр бик куплэрне соендерде.