"Татарстан флагы безнең горурлыгыбыз"- мәгълүмат сәгате

5 апрель көнне Саба балалар сәнгать мәктәбендә V районкүләм балалар һәм яшьләр "Талантлы балачак" фестиваль - конкурсы үтте. Быел ул Бөек Җиңүнең 80, Россия һәм Татарстанның халык артисты, атказанган сәнгать эшлеклесе, М.И.Глинка исемендәге Россия дәүләт премиясе, Г. Тукай исемендәге Татарстан дәүләт премиясе лауреаты, композитор Ф.Ә.Әхмәтовның тууына 90 ел тулуга багышланган иде. Конкурста Югары Шытсу мәдәният йорты каршында эшләп килүче "Дубая" халык уен кораллары ансамбле "Инструменталь башкару" номинациясендә патриотик теманы, Ф. Әхмәтов көен, татар халык көйләрен үз эченә алган чыгыш белән катнашты.

   «Тоя алам» - яшүсмерләрнең эмоциональ белемлелеген үстерүгә юнәлдерелгән бөтенроссия проекты. Шушы проект кысаларында 4 апрель көнне Югары Шытсу мәдәният йорты хезмәткәрләре “Тоя алам” дигән түгәрәк өстәл оештырдылар. Чара барышында оптимистлык, кеше хәленә керә белү, илһамлану, бүгенге тормыш кебек кыйммәтләр һәм эмоцияләр турында сөйләшенде. Шулай ук катнашучылар картиналар буенча үзләренең тирәлекләрен сайладылар, ни өчен икәнен һәм эмоцияләрен, хисләрен  аңлаттылар. Үзеңнең һәм башкаларның хисләрен тоя белү – гармонияле шәхес формалашуга мөһим адым булып тора. Мондый түгәрәк өстәлләр яшүсмерләрне уйларга, үз фикерләрен анализларга, исбатларга өйрәтә.

4 апрель көнне Курсабаш мәдәният йортында Мишәбаш мәдәният йорты, Явлаштау китапханәсе һәм "Сәләт" клуб берләшмәсенә йөрүчеләр  катнашында Флорида Бүләковның " Әбиләргә ни җитми?"әсәре сәхнәләштерелеп күрсәтелде. Һәр артист үз ролен оста һәм күңел белән башкарды. Тамашачылар спектакльне сокланып карадылар. Тамашачыларның көчле алкышлары, җылы сүзләре, изге теләкләре артистларның чыгышларының халык күңеленә үтеп керүен күрсәтә. Алар уңай хис-кичерешләре өчен рәхмәт белдерделәр.

Нәүрүз, көн белән төн тигезләшүне анлата. Нәүрүз табигатьнең һәм кешелекнең яңаруын, чистарынуын һәм яңа тормыш башлануын символлаштыра. 6 апрель көнне Мишәбаш мәдәният йортында Явлаштау китапханәсе белән берлектә  бик матур бәйрәм оештырылды. Әлеге бәйрәмгә мавыктыргыч һәм бай программа әзерләнеп чарага  бәйрәмнең хуҗабикәсе "Нәүрүзбикә" дә чакырылган иде.Ул барысын да бәйрәм белән котлап һәркемгә тынычлык һәм муллык теләде. Бәйрәм кунаклары бергә җырладылар, биеделәр, халык уеннары уйнадылар. Авыл халкы катнашында ярминкә оештырды, төрле тәм-томнар һәм камыр ризыклары саттылды. Чара азагында авылдашлар тәмле чәй , коймак һәм "Карга боткасы"боткасыннан авыз иттеләр. Тамашачылар чарадан күтәренке кәеф, бәйрәм рухы алып таралыштылар.