ЯҢАЛЫКЛАР

  30 сентябрь көнне Олы Нырты  авылы мәдәният йортында, китапханә белән берлектә өлкәннәр көненә багышланган- «Сезнең йөрәк әле һаман яшь» дип исемләнгэн бәйрәм кичәсе булып узды. Өлкән яшьтәге апа – абыйларыбызны Олы  Нырты башлангыч мәктәбе укучы яшь талантларыбыз котлады. Укучылар  башкаруындагы дәртле биюләр, матур эчтәлекле җырлар, өлкәннәребез хөрмәтенэ әзерлэнгән иң матур буләкләрнең берсе иде. Кичә барышында ак яулыклы апаларыбыз үзләре дә бик актив булып, төрле кызыклы конкурсларда катнаштылар, кушылып җырлап утырдылар. Соңыннан кичә чәй табыны янында дәвам итте. 

22 сентябрьдә Олы Нырты мәдәният йорты мәдәният хезмәткәрләре "Кабак бәйрәме - 2023"район иҗат фестивалендә катнаштылар. Бәйрәм  Сабаның үзәк мәйданында узды, анда оешмалар һәм учреждениеләр, мәгариф һәм мәдәният бүлекләре күргәзмәләр, композицияләр, кабак һәм көз темасына фотозоналар, шулай ук агитбригаданың иҗади номерлары һәм чыгышлары оештырылган иде. Мәдәният йорты  хезмәткәрләре көзге парк формасындагы фотозона һәм "Кабакбай " композициясен тәкъдим иттеләр, кабатан белән тутырылып кыздырылган каз,  кабактан пирожкалар һәм тәмле бэлеш әзерләделәр. Агитбригада чыгышлары номинациясендә коллектив иҗади якын килү һәм актив катнашкан өчен грамота һәм акчалата бүләк белән бүләкләнде, композиция номинациясендә 3 урынны , ә иң тәмле ризык өчен 1 урынны алды.

17 сентябрь көнне Олы Нырты авыл мәдәният йорты хезмәткәрләре көзге урманда «Сары яфраклар кәефе " дип исемләнгән уен программасы үткәрделәр. Көз-искиткеч вакыт! Бу - «күзләр камашырлык матурлыкта », иртәнге салкынлык та, төрле төстәге яфраклар да. Көзге пейзажлар таң калдыра. Һәркемгә матур итеп яктыртылган урман белән сокланасы, аяк астына төшә торган яфраклар белән шыгырдатасы, яуган яфраклардан чәчәк бәйләмнәре җыясы, коелган яфраклардан көзге һаваның сафлыгын сулыйсы килә. Менә балалар да мәдәният хезмәткәрләре белән берлектә көзге урманга экскурсия ясадылар. Табигатьнең гаҗәеп дөньясына кереп, балалар үз-үзеңне тоту кагыйдәләре турында искә төшерделәр: шаярырга, чүпләргә, ботакларны сындырырга ярамый. Аннан соң үсемлекләр һәм хайваннар турында табышмаклар чиштеләр, викторина сорауларына җавап бирделәр, көз билгеләрен искә төшерделәр. Эх, көзге матурлык искиткеч  яхшы! Бу чара балаларда күпме соклану һәм шатлык хисе китерде!

10 сентябрьдә Олы Нырты мәдәният йорты хезмәткәрләре "Көзнең якты төсләре"дигән темага рәсем конкурсы үткәрделәр. Бүген без, яшь рәссамнар кебек, көзге кәефебезне уртаклашырга һәм көзге табигать турында сөйләргә тырыштык. Балалар үзләренең фантазияләрен күрсәттеләр, сәләтләрен ачтылар һәм торле төслэр ярдэмендэ  көзге табигатьнең матурлыгын күрсәттеләр. Балалар көз аенын матурлыгын төрле ысуллар аша кэгазь битлэренэ дэ тошерделэр. Көзге рәсемнәр төрле, чөнки балалар идеялары һәм фантазияләре чикләрне белми.

12 сентябрь көнне  Олы Нырты мәдәният йорты мәдәният хезмәткәрләре Олы Нырты башлангыч мәктәбе белән берлектә өлешчә мобилизация кысаларында махсус хәрби операция зонасына чакырылган , 2022 елның сентябреннән Украинада хәрби бурычларны үтәүче, ә хәзерге вакытта туган авылында кыска вакытлы ялга кайткан  Газизянов Рифнур  белән очрашу оештырдылар. .Очрашу "Мөһим нәрсәләр турында сөйләшүләр"дәресе кысаларында узды. Бу дәрестә сугышчы солдатларның балалар хатларын бик көтүен, балалар хатларының сугышчан рухны бик нык күтәрүен сөйләде. Шулай ук көрәшче үзенең хезмәттәшләре турында сөйләде, алар белән ул бик горурлана, алар белән Ватанны яклау өчен янәшә торырга курыкмавын әйтте.Дәрес барышында   Рифнур Рифкат улы -укучыларга махсус операциянең мөһимлеге, әһәмияте, сугыш ситуацияләре, туган илгә һәм ватандашларга карата зур мәхәббәт, туганнарын һәм якыннарын яклау теләге, хезмәттәшләренең батырлыгы  турында сөйләде. Ул балалар белән яңадан исән-сау, җиңү белән кайткач очрашырга сүз бирде.

Игелек-ул кешеләрнең бер-берсенә бәхет бирергә омтылышы. Әдәплелек-ул башкаларга синең белән рәхәтлек китерерлек итеп эш итү осталыгы. Әдәпле булыр өчен, сөйләмдә әдәпле сүзләрне ешрак кулланырга кирәк, алардан җылырак, шатлыклырак, күңелгә яктырак була. Чөнки сүздә зур көч ята. Әдәплелек нормаларын үзләштерү-балаларның әхлакый үсешенең бер өлеше. 2 сентябрь көнне Олы Нырты мәдәният йортында узган чара да, нәкъ менә шушы проблемага кагылышлы , Әлеге чараның максаты-җәмгыятьтә үз-үзеңне тотуның һәм бер-берең белән аралашуның этик нормаларын формалаштыру. Танып белү программасы барышында ,балалар  иң мөһим әхлакый кыйммәт турында уйланалар. Сорауларга җавап биргәндә, балалар «тылсымлы» сүзләрне һәм аларны нинди очракларда куллануларын искә төшерделәр. «Кирәкле сүзләрне куй» уенында катнашып , «тылсымлы» сүзләрдән әдәплелек йөрәген җыйдылар.

Укытучылар беркайчанда картаймыйлар, чөнки бу һөнәрдә иң мөһиме — осталык үзе түгел, ә мәхәббәт. Балаларга һәм аларның әти-әниләренә, хезмәттәшләренә һәм  иҗади чараларга, үз-үзеңә, кешеләргә һәм тормышка мәхәббәт. Көн саен балаларга карата үзеңнең җылы хисләренне бирүдән дә җиңелрәк һәм катлаулырак нәрсә бар соң?  Сезнең тәҗрибәгез һәм белемегез бик кыйммәтле! Без кадерле элекке укытучыларыбызны белем көне белән чын күңелдән котлыйбыз. Кайчандыр безгә биргән белемегез, өйрәткән, тормышта дөрес юл күрсәткәнегез өчен рәхмәт. Сезгә ныклы бәхет, бетмәс-төкәнмәс сәламәтлек һәм иминлек телибез. Тирәбездә яшәүче кайбер кешеләрнең тормыш юлы соклану уята һәм үрнәк булып тора. Шундый шәхесләребез  - мактаулы укытучылар, үз эшенең ветераннары-Гаффарова М. М., Әхмәтова  Г.Р., Галимова Ф. В. һәм Сабитов М.М.  1 сентябрь - Белем көне уңаеннан Олы Нырты мәдәният йортының мәдәният хезмәткәрләре балалар белән бергә аларга янына килеп, бәйрәм белән котладылар һәм матур чәчәкләргә күмеп чиксез зур рәхмәтләрен  белдерделәр.

Россия үзенең бөтенлеге һәм иминлеге өчен тыныч була алуын күрсәтте, чөнки  ир-атлар аны яклау өчен фронтка әзерлек белән киттеләр.. Россиянең һәр гражданы сезгә чиксез рәхмәтле һәм сезне хөрмәт итә дип ышаныгыз. Сезнең өчен барысы да яхшы булсын, куркыныч сезне читләтеп үтсен! Лаеклы хезмәт итегез һәм исән-сау әйләнеп кайтыгыз!1 август көнне Олы Нырты мәдәният йорты хезмәткәрләре Газизяновлар гаиләсендә булдылар. Аларның  улы бүгенге көндә махсус хәрби операөиядә катнаша . Нурзия апа безнең белән истәлекләре белән уртаклашты. Ул балаларга улының фотоларын күрсәтте, шулай ук армиядән җибәрелгән хатларын укыды. Хәзерге вакытта Рифнур Донецк шәһәрендә махсус хәрби операциядә катнаша. Улларын – чын Ватанны саклаучылар итеп  лаеклы тәрбияләгәннәре өчен, әниләргә ,рәхмәт сүзләре яңгырады.

30 августта Олы Нырты мәдәният йорты хезмәткәрләре һәм "Яшьлек тугай" фольклор коллективы Татарстан Республикасы көненә багышланган "Милли моңнар Ватан син-Сабам" бәйрәмендә катнаштылар . Мәдәният хезмәткәрләре Саба халкы һәм  кунаклары өчен төрле мастер-класслар әзерләделәр. Ә фольклорлар коллективлар - барысын да татар милли киемнәрендә, җырлар һәм т халык уен коралларында уйнап , кунакларны каршы алды . Бәйрәмдә катнашучылар халкыбызның милли уеннарын уйнап ял иттелэр , төрле күргәзмәләр карап рухи байлыкларын арттырдылар. Бәйрәм чарасында шулай ук - “ Кичке уен” проектында җиңүчеләрне котладылар.Республика көне -райондашлар күңелендә матур истәлекләр генә  калдырды.

29 август көнне  Язлы-Арташ  авыл клубында  Олы Нырты мәдәният йорты  һәм Олы Арташ  авыл клублары  белән берлектә Татарстан Республикасы көненә багышланган "Мин яратам сине  Татарстан " дип аталган  бәйрәм программасы үткәрелде. Чараны Олы Нырты мәдәният йорты мөдире Гаффарова Гөлназ ачты, ул авылдашларын бәйрәм белән котлады, тамашачыларга республикабызның чәчәк атуы турында сөйләде. Олы Арташ авыл клубы  мөдире Шакирова Гөлназ, үзешчән артистлар Гыймадиев Ренат, Хәлиев Илшат тамашачыларга иң яхшы җырлар бүләк иттеләр. Язлы-Арташ авыл клубы  мөдире "Наза", "Голбану", "Биш парлы"кебек халык уеннарын оештырды һәм тамашачыларны яшьлекләренә алып кайтты. Бәйрәм программасында иң яшь катнашучы Руфина Ибраһимова булды  Программаны "Мин яратам  сине, Татарстан"җыры белән тәмамладык.  Тамашачылар яхшы кәеф алдылар , артистларга    рәхмәтләрен  җиткерделәр  һәм иҗади уңышлар теләделәр.