ЯҢАЛЫКЛАР

1 октябрь көнне Олы Нырты мәдәният йортында Чабья Чурчи авыл клубы белән берлектә, өлкәннәр көне уңаеннан-"Бер җылы сүз җитә күңелгә" дип исемләнгән бәйрәм кичәсе булып узды.Бәйрәмгә төрле олкәләрдә эшләп, лаеклы ялга чыккан өлкәннәр җыелган иде.Аларнын гомер юллары төрле елларга туры килгән. Тормышның ачысын- төчесен татыган өлкәннәребез- зур ихтирамга, хөрмәткә лаек кешелэр. Олы Нырты мәдәният йорты, Язлы Арташ авыл клубы мәдәният хезмәткәрләре әлеге чарага  зурлап әзерләнделэр. Авыл җирлеге башлыгы СафаргалиевР.Зның чыгышы, Лесхоз мәктәбе укучыларның, Олы Нырты “Миләшкәй” балалар бакчасында тәрбияләнүче балалар әбиләрен бәйрәм белән котлап ,матур җырлар, биюләр башкаруы бәйрәмне тагын да бизәп җибәрде.  Өлкәннәр үзләре дә әлеге бәйрәмгә җырлар, биюләр, шигырьләр әзерләп алып килгәннәр. Бүгенге бәйрәмдә, аларның мәдәният- сәнгатькә гашыйк кешелэр булулары, тагын бер кат исбатланды.Бүгендә яшьләрчә җитез, үрнәк алар безнең буын өчен. Бәйрәм чәй табыны артында, татар халкыбызның яраткан җырларын жырлап ,бер- берләре белән күрешеп- сөйләшеп, күңел ачулар белән үрелеп барды. Бәйрәм барышында,бүгенге көндә уллары махсус операциядә катнашучы егетләребезнең әниләре дә хөрмәтләнде. Өлкәннәребез әлеге бәйрәмне оештыручыларга изге теләкләрен җиткерделәр. Илләребезнең тыныч, күкләребезнең аяз булуын теләделәр

28 сентябрь көнне мәдәният йорты  хезмәткәрләре балалар белән «Көзге пейзаж» исемле  мастер-классы үткәрделәр. Көз-иҗат өчен чын-чынлап тылсымлы вакыт, фантазия күрсәтергә генә кирәк. Төрле-төрле матур яфраклар, ботаклар, җиләкләр, күркәләр. Ишегалдында, урманда табарга мөмкин булган барлык кызыклы нәрсәләр эшләнмәләр ясау өчен туры киләчәк. Мастер-класста балалар табигый материаллар белән эшләүнең иң популяр техникасы белән таныштылар, шулай ук яфракларны әзерләү һәм алар белән эшләү кагыйдәләре турында белделәр. Балалар табигый материаллардан аппликация ясадылар, алар арасында усак, миләш яфраклары һәм башка агач токымнары бар иде. Балалар үз эшләрендә көзге төсләргә бай палитра кулландылар, һәм нәтиҗәдә һәркемнең үз кабатланмас эше килеп чыкты. Катнашып, балалар табигатьтәге сезонлы үзгәрешләр турында киң белем алды. Табигатькә карата кызыксыну һәм мәхәббәт, аңа сакчыл караш, сәнгати зәвык, иҗади хыял, осталык, уйлап табучанлык, хезмәт сөючәнлек үстерәләр.

    27 сентябрь  көнне Олы Нырты мәдәният йорты, Язлы Арташ . Урта Нырты , Чабья-Чурчи  авыл клубы хезмәткәрләре авыл үзәшчәннәре белән берлектә “Көзләрнең дә була үз яме“дип исемләнгән концерт программасы белән Лесхоз картлар һәм инвалидлар йортында чыгыш ясадылар. Монда тәрбияләнүче өлкәннәрнең күңелләрен күреп матур җырлар, дәртле биюлэр башкардылар.Картлар йортында тәрбияләнүчеләр үзләре дә безгә һәм алар өчен уңай шартлар тудыручыларга   рәхмәтләрен җиткерделәр.

22 сентябрь көнне Олы Нырты авыл мәдәният йорты хезмәткәрләре көзге урманда «Сары яфраклар кәефе " дип исемләнгән уен программасы үткәрделәр. Көз-искиткеч вакыт! Бу - «күзләр камашырлык матурлыкта », иртәнге салкынлык та, төрле төстәге яфраклар да. Көзге пейзажлар таң калдыра. Һәркемгә матур итеп яктыртылган урман белән сокланасы, аяк астына төшә торган яфраклар белән шыгырдатасы, яуган яфраклардан чәчәк бәйләмнәре җыясы, коелган яфраклардан көзге һаваның сафлыгын сулыйсы килә. Менә балалар да мәдәният хезмәткәрләре белән берлектә көзге урманга экскурсия ясадылар. Табигатьнең гаҗәеп дөньясына кереп, балалар үз-үзеңне тоту кагыйдәләре турында искә төшерделәр: шаярырга, чүпләргә, ботакларны сындырырга ярамый. Аннан соң үсемлекләр һәм хайваннар турында табышмаклар чиштеләр, викторина сорауларына җавап бирделәр, көз билгеләрен искә төшерделәр. Эх, көзге матурлык искиткеч  яхшы! Бу чара балаларда күпме соклану һәм шатлык хисе китерде!

21 сентябрь көнне Лесхоз мәдәният йорты һәм китапханә, Олы Нырты мәдәният йорты хезмәткәрләре "Ябалак янында кунакта"дип исемләнгән чираттагы театральләштерелгән экскурсия оештырдылар. Бүген Кукмара шәһәренең 4 сыйныф укучылары кабул ителде. Балалар һәм аларның әти-әниләре әкияти урманга эләктеләр, анда алар төрле әкияти геройларны очратканнар һәм тылсымлы сандыкны табу өчен каршылыклар үттеләр. Куян кызы , төлке,ябалак , аю балаларга  убырлы яшергән серле сандлыкны табарга булыштылар.Сәяхәттән балалар да өлкәннәр дә бик күп якты һәм уңай кичерешләр алдылар.

17 сентябрь көнне Лесхоз мәдәният йорты һәм китапханәсе, Олы Нырта мәдәният йорты һәм Килдебәк китапханәсе хезмәткәрләре чираттагы "Ябалак янында кунакта"исемле театральләштерелгән экскурсия оештырдылар. Бүген бездә кунакта  Кукмара районы лицее укучылары булдылар . Балалар һәм аларның әти-әниләре әкияти урманга эләктеләр, анда алар төрле әкияти геройларны очратып , тылсымлы сандыкны табу өчен каршылыклар үттеләр. Убырлы карчык , куян , төлке , аю , ябалак -кыскасы барлык әкият геройлары белән бергәләп күңелле сәяхәттә булдылар. Балалар  бик күп якты һәм уңай хис-кичерешләр алдылар.

16 сентябрь көнне Лесхоз мәдәният йорты һәм китапханәсе, Олы Нырта мәдәният йорты һәм Килдебәк китапханәсе хезмәткәрләре чираттагы "Ябалак янында кунакта"исемле театральләштерелгән экскурсия оештырдылар. Бүген бездә кунакта  Кукмара районы лицее укучылары булдылар . Балалар һәм аларның әти-әниләре әкияти урманга эләктеләр, анда алар төрле әкияти геройларны очратып , тылсымлы сандыкны табу өчен каршылыклар үттеләр. Убырлы карчык , куян , төлке , аю , ябалак -кыскасы барлык әкият геройлары белән бергәләп күңелле сәяхәттә булдылар. Балалар  бик күп якты һәм уңай хис-кичерешләр алдылар.

15 сентябрь көнне Олы Нырты, Язлы Арташ, Чабья-Чурчи һәм Урта Нырты авыл мәдәният йортлары хезмәткәрләре клуб формированиеләре әгъзалары белән «Туган Ягым-яшел бишек»дигән экскурсия оештырдылар. Безнең Саба районы сюрпризлар белән тулы.

Мингер-чиста буалар челтәре, су баса торган болыннар, катнаш урманнар, хыслы утыртмалар һәм җиләк-җимеш бакчалары булган уникаль урын. «Мингер СПА» ял базасында булдык, Урман сукмагы буйлап йөрдек, ул Мингер авылы яр буена матур күренеш ача. Моннан ачык калкулыкта, хыслы урман белән капланган текә яр буенда урнашкан" Сөембикә" манарасы күренеп тора. Манара ерактан ук күренә.

Сәфәр танып белү һәм мавыктыргыч булды. Һичшиксез, бу урынга барып, барысын да үз күзләрең белән күрергә кирәк.

Сентябрь-чын көз инде ул. Ул һава торышының көтелмәгән үзгәрешләре белән дан тота. Ләкин ай башын еш кына алтын көз дип атыйлар, һәм бу очраклы түгел. Агачлар, бәйрәмчә сары матур күлмәкләрен кигәннәр. Зәңгәр күктә кояш балкыганда алар бигрәк тә гүзәл. 13 сентябрь көнне Олы Нырты мәдәният йорты «Миләшкәй» балалар бакчасында тәрбияләнүчеләр өчен «Алтын көз»рәсем конкурсы үткәрде. Чара балаларны сурәтләү эшчәнлеге чаралары аша табигать матурлыгын күрергә өйрәтү, табигать матурлыгын образлы кабул итү һәм аны төс, форма, композиция ярдәмендә тапшыру сәләтен үстерүне дәвам итү максатында үткәрелде. Балаларның эшләре бик ачык, чын мәгънәсендә оригиналь килеп чыкты. Аларга карап җылы һава һәм йомшак көзге кояш турында хыялланасы килә.

Изгелек - ул кешенең барлык кешеләргә, бөтен кешелеккә бәхет бирергә омтылышы. 6 сентябрьдә Олы Нырты мәдәният йорты хезмәткәрләре «әдәплелек һәм яхшылык патшалыгында» дигән танып белү программасы нәкъ менә шушы проблемага багышланган иде. Әлеге чараның максаты җәмгыятьтә үз-үзеңне тотуның һәм бер-берсе белән аралашуның этик нормаларын формалаштырудан гыйбарәт. Танып-белү программасы барышында кунаклар мәдәният йорты хезмәткәрләре белән бергә мөһим әхлакый кыйммәтләр турында уйландылар. Җыелышта катнашучылар арасында үз үрнәкләре белән иң мөһим Сыйфатны – Игелеклелекне һәм риясыз ярдәмне күрсәтүче кешеләр бар. Сабитова Әлфия апа-авылыбызның актив волонтеры. Ул үз командасы белән свода катнашучыларга бик зур ярдәм күрсәтте инде: бер килограмм татлы сый җибәрде. Чара вакытында Гомәров Фәнис иң яхшы кешелек сыйфатларына багышланган шигырьләрен укыды.