ЯҢАЛЫКЛАР

10 август көнне Байлар Сабасы бистәсендәге «Гаилә» ял паркында Олы Нырты авыл мәдәният йорты хезмәткәрләре «Сабам минем гүзәл ягым»дип исемләнгән шигърият сәгате үткәрделәр. Мәдәният хезмәткәрләре балалар белән берлектә Саба районы тарихы  буйлап сәяхәт ясадылар. Районыбызның кайсы авылларыннан торуын, аның территориясендә күпме халык яшәвен белделәр, районыбыз символларын искә төшерделәр. Шулай ук «Мин яшәгән район" дигән темага әңгәмә-сәяхәт үткәрделәр, районның истәлекле урыннарын һәм һәйкәлләрен искә төшерделәр. Районның һәм авылыбызның  горурлыгына  ия булган кешеләр турында сөйләделәр. Россиянең төрле почмакларындагы кебек үк, Саба районында да горурланырлык якташлар бар. Балалар безнең район турында шигырьләр сөйләделәр, күңелле җырлар җырладылар .Балаларны Ватаныбызга сакчыл карарга, аны якларга чакырдылар, киләчәк буын: «Бу минем Туган илем, ул минем йортым!» дип горурланырлык булырга тиеш.

Җәй дәвам итә. Без жәйне кызыклы һәм файдалы итәргә тырышабыз. Шушы максат белән, 7 август көнне Олы Нырты һәм Чәбия Чүрчи авыл мәдәният йорты хезмәткәрләре Лесхоз бистәсенә, Н. Миңнеханов исемендәге дендрология бакчасына экскурсия оештырдылар. Дендрология бакчалары-үсемлекләрнең махсус коллекцияләрен булдыру, үсемлек дөньясының күптөрлелеген һәм баету, шулай ук фәнни, укыту һәм агарту эшчәнлеген гамәлгә ашыру керә торган табигать саклау учреждениеләре. Анда без 524 төр агач-куак үсемлекләре һәм җиләк-җимеш культуралары, үлән чималын эшкәртү цехы, тропик һәм субтропик үсемлекләр оранжереясы һәм әкиятләр белән бәйле территорияне, шулай ук урманнарда күрергә мөмкин булган урман җәнлекләре скульптураларын карадык. Экскурсия бик кызыклы булды.

 Җәй - ул  иң күңелле вакыт,аны  якын дуслар белән  рәхәт һәм кызыклы итеп үткәрергә кирәк. 28 июль көнне Олы Нырты авыл мәдәният йорты хезмәткәрләре балалар өчен «Аланлыкта  " дигән конкурслы уеннар  программасы оештырдылар. Балалар төрле хәрәкәтчән уеннарда актив катнаштылар, табышмаклар чиштеләр, "Үрдәкле ", "Үткен күз", "Һава шары белән сикерү" кебек конкурсларда катнаштылар. Чарада катнашучы балалар  яшьтәшләре белән  , вакытны күңелле һәм кызыклы үткәрделәр. Катнашучылар арасында көлү, шау-шу һәм күңел ачу хөкем сөрде. Алар бер-берләренең кәефен күтәрделәр . Бергә- бергә  уйнау, дуслык һәм күңел ачу балаларга бик кызык булды. Туган җиребездә  һәркем бәхетле булып яшәсен иде .

 Балаларның җәйге каникуллары дәвам итә. Без аларның ялын кызыклы һәм файдалы итәргә тырышабыз. Шушы максат белән, 25 июль көнне Олы Нырты авыл мәдәният йорты хезмәткәрләре  коллегаларыбыз белән берлектә , туристик маршрут оештыруда катнаштылар.. Дендрология бакчалары-үсемлекләрнең махсус коллекцияләрен булдыру, үсемлек дөньясының күптөрлелеген һәм баету, шулай ук фәнни, укыту һәм агарту эшчәнлеген гамәлгә ашыру керә торган табигать саклау учреждениеләре. Анда без 524 төр агач-куак үсемлекләре һәм җиләк-җимеш культуралары, үлән чималын эшкәртү цехы, тропик һәм субтропик үсемлекләр оранжереясы һәм әкиятләр белән бәйле территорияне, шулай ук урманнарда күрергә мөмкин булган урман җәнлекләре скульптураларын карадык. Экскурсия бик кызыклы булды.

25 июль көнне Олы Нырты мәдәният йорты  Чабья-Чурчи , Язлы Арташ авыл клубы  хезмәткәрләре белән берлектә «Калатау серләре» туристик маршруты буенча балалар өчен экскурсия оештырдылар. Экскурсия барышында туристлар Өтерняс авылы тарихы, чаңгы трассасы белән таныштылар, анда егетләр бүген роликларда шөгыльләнә, чаңгы сезонына әзерләнә. Аннан соң кунакларны әкият персонажлары һәм гасырлык тарихы булган әкият геройлары каршы алды. Алар белән балалар кызыклы биремнәр үтәделәр, призлар алдылар. Калатау турындагы тарихи фактларны тыңладык. Катнашучыларга умартачылыкның серләрен белү кызыклы булды. Туристлар «Гаилә агачы» мастер - классында да бик теләп катнаштылар, тәмле коймак, бал һәм самовардан чәй белән сыйландылар . Экскурсия бик кызыклы, белемле һәм файдалы булды. Барлык катнашучылар мәдәният бүлеге җитәкчелегенә, оештыручыларга һәм хезмәттәшләребезгә шундый мавыктыргыч, танып белү программасы өчен рәхмәт сүзләрен җиткерделәр.

23 июль көнне Олы Нырты мәдәният йортында яшьләр һәм яшүсмерләр өчен «Бильярд уены»үткәрелде. Бильярд-ул спорт кына түгел, ул мавыктыргыч интеллектуаль уен. Ул җитезлекне, хәрәкәтләрне координацияләүне һәм тактик фикерләүне үстерә. Уен барышында балалар үзләренең осталыкларын һәм җитезлекләрен күрсәттеләр, һәркем көндәшләрен җиңәргә теләде, ә Җанатарлар дусларын хуплады. Чара кызыклы һәм мавыктыргыч узды. Яшьләрнең бу спорт төре белән кызыксынуын югалтмавы шатлыклы, чөнки төгәллек, нык кул, Яхшы күз үлчәүчәнлек, стратегик фикерләү һәрвакыт бәядә булды һәм булачак та.

Балаларның җәйге каникуллары дәвам итә. Һәм без аларның ялын кызыклы һәм файдалы итәргә тырышабыз. Шул максаттан, 24 июль конне Олы Нырты мәдәният йорты хезмәткәрләре балалар өчен Лесхоз бистәсенә экскурсия оештырды. Балалар белән бергә балалар мәйданчыгында булдылар, анда балалар бик әйбәт вакыт үткәрә алдылар. Кызлар карусельләрдә әйләнделәр, ә малайлар спорт комплексында үзләренең осталыкларын күрсәттеләр. Экскурсия бик кызыклы булды.

Олы Нырты мәдәният йорты хезмәткәрләре 23 июль конне «Туган як сукмагы буйлап» экологик сәгать-экскурсия үткәрделәр. Чара барышында укучылар табигать, урман, чишмәләр матурлыгы, үсемлекләр һәм хайваннар дөньясы — Туган якның байлыгы турындагы белемнәрен киңәйттеләр. Мәдәният йорты хезмәткәре ярдәмендә балалар аланда үз-үзләрен тоту кагыйдәләрен искә төшерделәр. Аннары балалар хайваннар турындагы табышмакларны, «аланда нәрсә үсә?» дигән викторина сорауларын чиштеләр. Балаларның туган як табигате, Татарстанның Кызыл китабы, табигатьтә үз - үзеңне тоту кагыйдәләре турында белемнәрен ныгыттылар; табигатьнең кыйммәтсезлегенә ышаныч формалаштырдылар һәм аны саклау кирәклегенә нәтиҗә ясадылар; табигать алдында җаваплылык хисе тәрбияләү, кызыксыну һәм мәхәббәт-балачактан ук бурыч!

16 июльдә Олы Нырты мәдәният йортында «Биибез»исемле балалар дискотекасы узды. Дискотека-иң гаҗәеп һәм искиткеч бәйрәм! Ә балалар өчен дискотека-шатлык, көлү һәм бию ! Бу бик күңелле һәм искиткеч кәеф! Балалар рәхәтләнеп бииләр, төрле хәрәкәтләр ясап  заманча  хитлар астында яндыралар. Бер генә бәйрәмне дә биюсез күз алдына китереп булмый. Бу чарада катнашучыларны  рамкалардан тулысынча азат итә һәм ял иттерә . Ә менә бию өчен мәдәният йортына балалар дискотекасына килү җитә! Ритмик музыка һәм ялкынлы көйләр балаларга  тулы ирекне тоярга ярдәм итте; ә ата-аналар бу вакытта өй эшләрен башкара яки балаларына кушыла һәм биюгә керешә ала!

16 июль көнне Олы – Нырты мәдәният йорты хезмәткәрләре, балалар белән бергә, Кукмара районының Ятмас – Дусай авылында урнашкан “ Күз” чишмәсенә сәяхәткә бардылар. Шундый матур табигатле урында урнашкан чишмәнең суын балалар эчеп  карадылар, үзләре белән дә алдылар. Үзенең шифалы суы белән дан тоткан “ Күз” чишмәсе янында балалар рәхәтләнеп ял иттеләр. Элеге чишмэнең суы сусауны гына басып калмый,ә күз авыруларына шифа да бирә. Чынлапта ,  күз чишмәсе суы белән юынсаң күрү сәләте яхшыра, күз авыруларына шифа була. Әлеге сихәтле су берәүлэргэ күз операциясеннән котылырга ярдәм итсә, икенчеләрнең эчке органнарына сихәт бирэ. Суга бал кушып эчү тагында файдалы- йокысызлыктан , кан  басымыннан , йорәк авыруларыннан менә дигэн чара.