ЯҢАЛЫКЛАР
5 нче гыйнвар көнне Шәмәрдән авыл мәдәният йорты белгечләре балалар өчен «Новогодние забавы» дип исемләнгән күңел ачу программасы оештырдылар. Әлеге чараның максаты барлык катнашучылар өчен бәйрәм кәефе тудыру иде. Күңелле һәм дәртле уеннар, конкурслар: «Назови подарок», «Мандариновая эстафета», «Меткий стрелок», «Колпачок», «Наряд ёлочку» балаларга зур ләззәт бирде. Чара дәвамында шатлык һәм күңел ачу атмосферасы хөкем сөрде. Соңыннан барлык балаларга бүләкләр тапшырылды.
3 гыйнварда Шәмәрдән мәдәният йорты белгечләре балалар өчен үзәк чыршы янында «Зимняя карусель» дигән кышкы уеннар оештырды. Чараның төп максаты: бәйрәмнең эмоциональ атмосферасын булдыру, төрле яшьтәге балаларны уртак уен эшчәнлегенә тарту иде. Балалар төрле уеннарда һәм конкурсларда актив катнаштылар, бүләкләр алдылар. Чарада күңелле һәм дустанә атмосфера сизелде. Уеннар һәм конкурслар вакытында балалар эмоцияләр һәм онытылмаслык тәэсирләр алдылар, ә ата-аналар кызыклы чара оештырган өчен рәхмәт белдерделәр.
31 декабрьдә Шәмәрдән мәдәният йорты хезмәткәрләре үзәк чыршы янында үзешчән сәнгать белән берлектә «В новогодних ритмах...» дигән күңел ачу программасы үткәрделәр. Төрле хәрәкәтле уеннар һәм күңелле конкурслар үткәрелде, анда һәр катнашучы бүләк ала алды. Чыршы тирәли бергәләп әйлән-бәйлән йөрделәр, шигырьләр сөйләделәр һәм якынлашып килүче Яңа ел белән котладылар. Яңа ел программасы концерт номерлары белән үрелеп барды. Өлкәннәр, бәйрәм кәефен тоеп, кич буе бик күп уңай эмоцияләр һәм күтәренке кәеф алдылар.
30 декабрь көнне Шәмәрдән мәдәният йортында СССР оешу көненә багышланган «Яңа ел хикмәтләре» дигән карнавал төне булды. СССР – кыска вакыт эчендә максималь үсешкә ирешкән ил. Хәзер Советлар Союзы һәм Ватаныбыз турында тарихи хәтерне саклау эшен дәвам итү бик мөһим. Бәйрәм ретро-концерты театральләштерелгән тамашадан башланды һәм җанлы концерт номерлары белән үрелеп барды. «Акварель» халык бию төркеме чыгышы күңелле бүләк булды. Котлау сүзе белән авыл җирлеге башлыгы А. Н.Гәрәев чыгыш ясады. Тамашачылар викторина сорауларына җавап бирделәр һәм һәр катнашучы приз алды. Кич дәвамында залда патриотик күтәрелеш атмосферасы хөкем сөрде. Күп кенә тамашачылар билгеләп үткәнчә, концерт барысына да яхшы кәеф бүләк итте.
28 декабрь көнне Шәмәрдән мәдәният йортында «Үсеш» Шәмәрдән лицееның хезмәткәрләре балалары өчен «Время сказок и чудес» спектакле күрсәтелде. Анда рольләрне мәдәният йорты хезмәткәрләре һәм үзешчән сәнгатьтә катнашычулар башкардылар. Маҗаралы, тылсымлы һәм кызыклы әкият яшь тамашачыларны сөендерде. Балалар кар хуҗасын эзләү өчен юлга чыккан чыршы уенчыкларының маҗараларын күзәттеләр. Аны эзләүдә әкияти персонажларга шактый сынаулар узарга туры килде, әмма балалар ярдәме белән уенчыклар Яңа ел бәйрәменең чын могҗизасын таба алды.
27 декабрьдә Шәмәрдәннең үзәк мәйданында Яңа ел чыршысы бәйрәмчә ачылды. Чарада Шәмәрдән мәдәният йорты хезмәткәрләре, үзешчән сәнгатьтә катнашучылар белән берлектә, Мичәнбаш йорты мөдире А.Б.Гаврилова катнашты. Тамашачыларга «Яңа ел тылсымнары» театральләштерелгән тамашасы күрсәтелде. Шулай ук җыелган җирле халык һәм кунаклар алдында Саба муниципаль районы Башкарма комитеты җитәкчесе Ишниязов М.Р. һәм авыл җирлеге башлыгы А.Н.Гәрәев котлау сүзләре белән чыгыш ясадылар. Программада оешмаларның иң яхшы чыгышы, Яңа ел чыршысы бизәлеше, йорт яны территориясе бизәлеше өчен бүләкләүләр булды. Чара концерт номерлары, төрле хәрәкәтле уеннар белән үрелеп барды. Бәйрәмне үткәрү турындагы Нигезләмә нигезендә Шәмәрдән модель һәм балалар китапханәләре мөдирләре, «Хөснулла һәм Аллагияр Вәлиуллиннар исемендәге Саба балалар сәнгать мәктәбенең Шәмәрдән филиалы һәм Таиф НК-АЗС вәкилләре белән беррәттән жюри әгъзалары сыйфатында катнаштылар һәм 9 оешманың чыгышларын бәяләделәр.
27 нче декабрь көнне Шәмәрдән авыл мәдәният йорты белгече С.М. Фәтхуллина «Салават күпере» балалар бакчасы балалары өчен «В ожидании нового года» дип исемләнгән күңел ачу программасы оештырды. Чараның максаты: бәйрәм атмосферасың булдыру һәм балаларның иҗади сәләтләрен ачу иде. Күңел ачу программасы башында «Ёлочные кричалки», «Поймай снежок», «Что любит ёлка» дигән тематик уеннар үткәрелде. Күңелле уеннардан соң, балалар бергәләп стена газетасын бизәүгә керештеләр. Балалар кулы белән ясалган стена газетасы барысында да шатлык, күңелле хисләр һәм бәйрәм тойгысы уятты.
26 декабрь көнне Шәмәрдән мәдәният йортында ШЛПУМГ хезмәткәрләре балалары өчен «Время сказок и чудес» спектакле күрсәтелде. Анда рольләрне мәдәният йорты хезмәткәрләре һәм үзешчән сәнгатьтә катнашычулар башкардылар. Маҗаралы, тылсымлы һәм кызыклы әкият яшь тамашачыларны сөендерде. Балалар кар хуҗасын эзләү өчен юлга чыккан чыршы уенчыкларының маҗараларын күзәттеләр. Аны эзләүдә әкияти персонажларга шактый сынаулар узарга туры килде, әмма балалар ярдәме белән уенчыклар Яңа ел бәйрәменең чын могҗизасын таба алды.
31 августта Шәмәрдән авылының Җиңү паркында Татарстан Республикасы көненә багышланган «Татарстан дигән Ватаным бар» бәйрәм концерты узды. Тантаналы чара Шәмәрдән мәдәният йорты һәм «Акварель» халык бию төркеме тарафыннан «Матушка земля» прологы белән башланып китте. Котлау сүзе белән Шәмәрдән авыл җирлеге башлыгы А.К.Вәлиев чыгыш ясады. Кичә Шәмәрдән мәдәният йорты каршында эшләп килүче үзешчәннәре, «Тулган ай» фольклор коллективы, Шәмәрдән модель китапханәсе хезмәткәре Л.Д. Мөхәммәтҗанова, Эзмә мәдәният йорты мөдире Зөлфәт Саматов катнашында матур концерт номерлары белән дәвам итте. Шулай ук Казан шәһәреннән чакырылган артистлар концерт номерлары белән Family Band кавер төркеме –чыгыш ясады.