ЯҢАЛЫКЛАР

26 март көнне Шәмәрдән мәдәният йорты белгече К.А.Нигъмәтҗанова «Подарок пернатым друзьям» дигән мастер - класс үткәрде. Сыерчыклар ясау-популяр һәм инде традицион гаилә ялы варианты. Моннан тыш, идея кыш көне бик актуаль, кар һәм салкыннар аркасында канатлыларның азык базасы шактый аз була. Чара барышында тиешле кирәк-яракларны сайлап алу һәм чыннан да файда китерә торган функциональ әйбер булдыру мөһим иде. Балалар үз куллары белән төрле материаллардан сыерчыклар ясадылар. Канатлы дусларга оя һәм ашау өчен уңайлы урын табарга булышу мөһим иде!

25 март көнне Шәмәрдән мәдәният йорты хезмәткәрләре соңгы вакытта тагын бер игелекле, изге эшкә кереште - алар матур гомер юлы үтеп, гомер көзенә кергән хезмәт ветераннарының өенә барып, күчмә концерт күрсәтә башладылар. Чираттагы шундый чыгышның берсе - 105 нче яше белән барган Таифә әби Адгамова өендә булды. 10 балалы гаиләдә үсеп, бик яшьли тормыш арбасына җигелгән ул. Ачы сугыш елларының бар авырлыгы да, ачлык дәхшәте дә, хәтта канлы репрессия җилләре дә читләтеп үтми аны. Барын күрә, барына да түзә. Сабыр һәм үтә тырыш Тайфә әби нинди генә хезмәткә алынса да - җиренә җиткереп, башкаларга үрнәк итеп куярлык дәрәжәдә башкарган. Авылда бригадир да булган ул, урман хужалыгында агач та утырткан, мәктәптә идән дә юган, йозләгән балага ашарга да пешергән. Бүген исә, шул елларны искә алып, хатирәләр белән уртаклаша. Кызы Гөлүсә тәрбиясендә яшәп яткан Тайфә әби - бик кунакчыл һәм кече күңелле дә. Мәдәният хезмәткәрләрен ул шатланып каршылады, хәтта безгә кушылып җырлап та алды әле. Үзенә генә атап язылган шигырьне тыңлап, күзләренә яшь тамчылары эленде. Очрашу-күрешүгә  әбинең бергә эшләгән хезмәттәшләре - дәрәҗәле укытучылар - Роза Салиховна, Мәшүдә Шәйхетдинова, Алсу Фазлиевна, Роза  Гаязовналарның да килүләре - бәйрәм өстенә бәйрәм булды. Әлеге күчмә концерт бу елда икенче тапкыр үткәрелде, беренчесе - бөтен гаиләләре белән хезмәт юлларын мәктәп белән бәйләгән данлыклы Госмановлар гаиләсендә булды.

21 март көнне Кукмара муниципаль районында Әтнә, Балтач, Саба, Теләче, Питрәч, Биектау һәм Кукмара муниципаль районнарының мәдәният йортлары мәйданчыкларында «Культурный десант» дигән күчмә семинар-практикум узды. Район мәдәният йорты делегациясе, Саба муниципаль районының Үзәкләштерелгән клуб системасы, Шәмәрдән мәдәният йорты мөдире Г.М. Әхмәтшина зональ республика семинар-практикумында катнаштылар. «Культурный десант»ның максаты – консультация, практик һәм методик ярдәм күрсәтү, шулай ук җирле муниципаль мәдәният учреждениеләре эшчәнлегенең нәтиҗәлелеген бәяләү. Чараны оештыручылар: Татарстан Республикасы Мәдәният министрлыгы, «Татарстан Республикасы мәдәният өлкәсендә инновацияләрне кертү һәм традицияләрне саклау ресурс үзәге» ГБУ, мәдәният өлкәсенең проект офислары. ТР ГБУК «Республика яшүсмерләр китапханәсе» проект офисы буларак эшче төркем составында катнашты: китапханә хезмәткәрләре китапханә белгечләре өчен программа оештырды. Хәзерге шартларда китапханә фондларын формалаштыруның актуаль мәсьәләләре турында фондны формалаштыру һәм әдәбият эшкәртү бүлеге мөдире Елена Владимировна Тихонова сөйләде. Электрон ресурсларны автоматлаштыру һәм үстерү буенча директор урынбасары Наталья Анатольевна Бабиеваның чыгышы ачык чыгышлар һәм мәгълүматларны визуальләштерү тематикасына багышланган иде. Хезмәт күрсәтү бүлеге китапханәчесе Эльвира Рәшид кызы Гужавина тәҗрибә уртаклашу тәртибендә Татарстан республикасының Яшүсмерләр китапханәсе проектлары белән таныштырды. Семинар ярдәмендә мәдәният хезмәткәрләре, шул исәптән китапханә белгечләре, проект офислары вәкилләре һәм күрше районнардагы коллегалары белән аралашу, яңа идеяләр белән тулылану, кирәкле мәгълүмат һәм кызыклы сорауларга җавап алу мөмкинлеге алдылар.

21 нче март көнне Шәмәрдән мәдәният йорты белгече С.М.Фәтхуллина Шәмәрдән авыл модель китапханәсе хезмәткәре Л.Д.Мөхәммәтҗанова белән берлектә балалар өчен Бөтендөнья шигърият көненә багышланган «Стих и я...» дип исемләнгән шигърият сәгате үткәрделәр. Монда алар шигырьләр, фантазия һәм иҗат дөньясына чумдылар. Бу сәгатьтә балаларның матур шигърият дөньясы белән танышу, иҗади потенциалларын һәм илһамын шигырьләр аша ачу өчен зур мөмкинлеге булды. Төрле уеннар һәм күнегүләр аларга үз фикерләрен һәм хисләрен сүз аша белдерергә һәм беренче әдәби шедеврларын булдырырга мөмкинлек бирде. Чара җылы һәм дусларча атмосферада узды.

20 март көнне Шәмәрдән мәдәният йорты каршында эшләп килүче «Тулган ай» фольклор коллективы, Шәмәрдән мәдәният йорты сәнгать җитәкчесе А.А. Шакирова, Шәмәрдән мәдәният йорты хезмәткәре А.Г.Гатауллина Татарстан Республикасы ветераннары арасында «Балкыш» («Сияние») VIII Республика үзешчән башкаручылар фестиваленең зона турында катнаштылар. Фестиваль Кукмара шәһәрендә узган Бөек Ватан сугышында Җиңүнең 80 еллыгына багышланган иде. Сәхнәдә «Хәтфә» татар халык җырына фольклор композициясе күрсәтелде - «Тулган ай» фольклор коллективы җитәкчесе Галиева Минҗихан Әхмәдулла кызы һәм режиссер куючы А.И.Хуҗин. А.А. Шакирова «Изге ядкарь» дигән нәфис сүз белән чыгыш ясады, А.Г. Гатауллина «Гомер уза» җырын башкарды, режиссер-куючы Шәмәрдән мәдәният йорты филиалы мөдире Әхмәтшина Гөлназ Мөнәвир кызы. Фестивальдә катнашучыларның барысы да дипломнар белән бүләкләнде.

20 нче март көнне Шәмәрдән мәдәният йорты белгече «Салават күпере» балалар бакчасының өлкән төркемендә тәрбияләнүче балалары өчен Халыкара урман көненә багышланган «Улыбнись природе» дигән кызыклы танып белү сәгате үткәрде. Бу чара кысаларында балалар урман атмосферасына чумдылар һәм аның уникаль экосистемаларын өйрәнделәр. Видеоматериал һәм китаплар ярдәмендә бу темага күп кенә кызыклы фактлар визуаль рәвештә ачылды. Балаларга уен формасында урманнарны саклау ысуллары һәм табигатьтә үз-үзеңне тоту кагыйдәләре турында төрле биремнәр бирелде. Урманның үсемлекләре һәм хайваннары дөньясы белән танышу, балаларга экология өлкәсендә белемнәрен ныгытырга мөмкинлек бирде. Белем сәгате балалар өчен бу ресурсны сакларга һәм кадерләргә өйрәнү ягыннан зур йогынты ясады. Чара стена газетасын бизәү белән тәмамланды.

19 март көнне Шәмәрдән мәдәният йорты белгече сәламәтлек мөмкинлекләре чикләнгән катнашучы белән «Ты наш друг, родной язык!» дигән шәхси шөгыль үткәрде. Бу шәхси шөгыльнең төп максаты баланы китаплар, энциклопедияләр һәм сүзлекләр дөньясына чуму, шулай ук аның уку күнекмәләрен үстерү, текстны аңлау һәм сүзлек запасын киңәйтү булды. Балага танышу өчен төрле китаплар, энциклопедияләр һәм сүзлекләр тәкъдим ителде. Һәр басманың төп төшенчәләре һәм үзенчәлекләре аңлатылды. Бала китап битләрен үзе өйрәнде, иллюстрацияләргә, исемнәргә һәм текстка игътибар итте. Материал белән танышканнан соң китапларның эчтәлеге турында телдән фикер алышу үткәрелде. Бала үз тәэсирләре һәм укыганнары турында фикерләре белән уртаклашты.

15 март көнне район мәдәният йортында В.Г. Тимирясов исемендәге Казан инновацион университеты дипломнарын тапшыру тантанасы булды. Котлау сүзе белән Саба муниципаль районы мәдәният бүлеге башлыгы Р.Ф. Заһидуллин, бизнес-белем бирү һәм цифрлы технологияләр институты директоры Мөхәммәтханова Неля Илдус кызы, куратор, бизнес-белем бирү һәм цифрлы технологияләр институтының укыту-методик бүлеге җитәкчесе Луконина Фирүзә Дамир кызы чыгыш ясадылар. Саба муниципаль районы мәдәният бүлегенең 15 хезмәткәре «Мәдәният өлкәсендә менеджмент» программасы буенча һөнәри өстәмә укулар үттеләр.

13 нче март көнне Шәмәрдән мәдәният йорты белгече С.М.Фәтхуллина Шәмәрдән лицееның 4 нче «В» сыйныфында укучы балалары өчен Россия Федерациясендә гаилә елына багышланган «Проблемы современной семьи» дип исемләнгән тематик сәгать үткәрде. Чара хәзерге гаиләнең мөһим аспектлары, аның проблемалары һәм кыйммәтләре турында фикер алышудан башланып китте. Шулай ук гаилә мөнәсәбәтләренә, үзара аңлашуга һәм гаилә эчендәге бурычларга кагылышлы темалар да күтәрелде. Ачык дискуссиядә балалар гаилә кыйммәтләренә үз фикерләре һәм карашлары белән уртаклаштылар, шулай ук алар өчен уен формасында төрле кызыклы биремнәр оештырылган иде. Тематик сәгать гаилә традицияләре һәм кыйммәтләре турында җылы әңгәмә белән тәмамланды.

13 март көнне Габдулла Тукай исемендәге Татар дәүләт филармониясендә татар киносының йөз еллыгына багышланган тантаналы чара узды. Бәйрәмдә СНГ илләре киностудияләре җитәкчеләре, республика кино тармагы ветераннары, режиссерлар, продюсерлар һәм Татарстан кино учреждениеләре хезмәткәрләре, шулай ук Мәскәүдән һәм Россиянең башка төбәкләреннән «Татаркино» дуслары һәм партнерлары катнашты. Тантанага чакырылган кунак-Саба районы мәдәният хезмәткәрләре делегациясе, аның җитәкчесе - «Саба ЦСКС» (РДК) МБУ директоры А.Н.Гүзәлов. Юбилей котлаулар, бүләкләр тапшырулар, «Таткино» һәм «Татаркино» кинематография берләшмәсе төшергән хроникаль кадрлар күрсәтү белән үрелеп барды. Чын профессионаллар: «La Primavera» Казан камера оркестры, театр һәм кино йолдызлары, ТРның атказанган һәм халык артистлары башкарган музыкаль номерлар тантананың матур бизәге булды. Шәмәрдән мәдәният йорты белгечләре истәлекле матур һәм эчтәлекле юбилей чарасында катнаштылар.