ЯҢАЛЫКЛАР

17 март көнне Шәмәрдән мәдәният йорты белгечләре «Куклы обереги» мастер-классын үткәрәләр. Ата-бабаларның ышанулары буенча, курчаклар кешене бәла-казалардан һәм бәхетсезлекләрдән саклый, өйгә муллык һәм бәхет җәлеп итә, теләгәнен үти алган талисманнар дип саналган. Чара башында алып баручылар курчакларның барлыкка килү тарихын һәм алар ни өчен билгеләнгәнен сөйләделәр. Чарага Шәмәрдәннең лицее укучылары чакырылган иде. Аннары балалар үзләре җепләрдән шундый бөтиләр ясый башладылар. Мастер-класс җылы һәм дуслык шартларында узды, һәр катнашучы үз бөтиен ясады, ул аның йортын ел дәвамында саклаячак.

16 март көнне Әтнә район мәдәният йортында «Созвездие-Йолдызлык-2023» эстрада сәнгатенең XXIII еллык ачык республика телевизион яшьләр фестивале узды. Шәмәрдән мәдәният йорты каршында эшләп килүче «Акварель» халык бию төркеме «Хореография» номинациясендә чыгыш ясады. Шулай ук «Конферанс» номинациясендә Шәмәрдән мәдәният йорты каршындагы сәнгать үзешчәнлегендә катнашучы Шакиров Илназ тәкъдим итте. Фестивальдә Саба һәм Кукмара районнарыннан катнашучылар катнашты. Балалар күптән көтелгән фестивальдә бик теләп катнаштылар.

15 нче март көнне Шәмәрдән мәдәният йорты белгече С.М. Фәтхуллина «Салават күпере» балалар бакчасы балалары өчен саф һавада «На спортивной волне» дип исемләнгән спорт уеннары оештырды. Чара төрле уен элементлары белән эстафета рәвешендә узды: «Кричалки», «Змейка», «Поймай мяч», «Переправа» һәм яз  темасына  табышмаклар чишү белән дәвам итте. Балалар барлык этапларда да актив катнаштылар, җитезлек һәм зирәклек буенча биремнәр үтәделәр. Чарада күңелле һәм дусларча атмосфера сизелде. Балалар саф һавада булган уенардан канәгать калдылар һәм бик күп уңай эмоцияләр алдылар.

14 март көнне Шәмәрдән лицее укучылары өчен IV Республикакүләм Туган тел фестивале узды. Чараны Саба муниципаль районы башлыгы Р.Н.Миңнеханов, КФУның филология һәм мәдәниятара коммуникация институты ачты чит ил студентлары туган телләр буенча мастер-класслар күрсәттеләр. Шәмәрдән мәдәният йорты каршында эшләп килүче «Акварель» халык бию төркеме «Юри гена» татар биюе белән чыгыш ясады. Бүгенге фестивальдә катнашучыларның һәрберсе башка илләрнең мәдәниятенә, сәнгатенә кагылды.

13 нче март көнне Шәмәрдән мәдәният йорты белгече С.М. Фәтхуллина Шәмәрдәннең «Рост» лицееның   2 «Б» сыйныфы укучылары өчен ТР да милли мәдәниятләр һәм традицияләр елына багышланган «Традиции: живая нить» дип исемләнгән әңгәмә үткәрде. Чара башында алып баручы балаларга халык һөнәрләренең күптөрлелеге, туган якның безнең көннәргә кадәр сакланып калган традицияләре турында сөйләде. Укучылар тарихны истә тоту һәм Туган ил мәдәниятен белүнең никадәр мөһим икәнен аңладылар. Чөнки безнең ата-бабаларыбыз моны бу көннәргә кадәр саклаганнар һәм буыннан-буынга тапшырганнар. Алар ярдәмендә без үзебезнең тарихка һәм мәдәнияткә  соклана алабыз, алар анда үз җаннарының бер өлешен һәм туган якка мәхәббәтләрен салганнар.

13 нче март көнне Шәмәрдән мәдәният йорты белгечләре балалар бакчасы балалары өчен «Полный вперед» дип исемләнгән уен программасын үткәрделәр. Чара барышында күңелле һәм дусларча атмосфера торды. Катнашучыларга сынауларда зирәклек, игътибарлылык һәм җитезлек кирәк иде. Балалар шаярту викториналарында бик теләп катнаштылар: «Шутки на полминутки», «Разыграй ситуацию», шулай ук күңелле эстафеталар да оештырылды: «Воздушные кенгуру», «Кто быстрее» һәм башка уеннар. Уен программасы балаларга яхшы кәеф бүләк итте. Программа ахырында актив катнашулары өчен балаларга баллы күчтәнәчләр тапшырылды.

9 март көнне Шәмәрдән мәдәният йорты каршында эшләп килүче «Тулган ай» фольклор коллективы «Балкыш» социаль-тернәкләндерү үзәгендә «Ә җырларым һаман яшь килеш» хәйрия концерты үткәрде. Концерт программасы якты һәм бай булды. Программа халык җырлары, матур шигырьләр һәм «Аптека» скетчы белән үрелеп барды. Җырлар төрле телләрдә яңгырады. Ахырда ял итүчеләр әлеге чараны оештыручыларга рәхмәт белдерделәр.

7 март көнне Шәмәрдән лицее үз хезмәткәрләре өчен Халыкара хатын-кызлар көненә багышланган «Весенний романс» дигән бәйрәм концерты оештырды. Шәмәрдән мәдәният йорты белгече С.М.Фәтхуллина «Если в сердце живет любовь»  дигән җыр белән чыгыш ясады. Тавыш режиссеры А.И.Усманов музыкаль озатуда катнашты. Чара барышында матур җырлар, заманча биюләр һәм барлык сөйкемле ханымнар адресына котлаулар яңгырады. Концерт программасы ахырында лицей директоры тантаналы рәвештә барлык катнашучыларны котлады һәм мәдәният йорты хезмәткәрләрен уңышлы хезмәттәшлек һәм үсеп килүче буынны үстерүгә зур өлеш керткәннәре өчен рәхмәт хатлары белән бүләкләде.

6 март көнне Шәмәрдән мәдәният йорты хезмәткәрләре «23+8» бәйрәм концерты оештырдылар. Чара гадәти булмаган форматта узды, берьюлы ике бәйрәм – Ватанны саклаучылар көне һәм Халыкара хатын-кызлар көне билгеләп үтелде. Концертны мәдәният йорты хезмәткәрләре, «Акварель» халык бию коллективы, Шәмәрдән мәдәният йорты каршында эшләп килүче «Тулган ай» фольклор коллективы һәм «Хөснулла һәм Аллагияр Вәлиуллиннар исемендәге Саба балалар сәнгать мәктәбе» Шәмәрдән филиалы катнашучылары әзерләде. Котлау сүзе белән авыл җирлеге башлыгы Гәрәев Айдар Наил улы чыгыш ясады. Концертның беренче минутларыннан ук яхшы атмосфера барлыкка килде. Концерт программасы җанлы җырлар, хәрәкәтле шигырьләр, халык һәм заманча биюләр белән үрелеп барды. Сәхнәдән тормышыбызны җылы, матур һәм кайгыртучанлык белән тутыручыларга адресланган рәхмәт сүзләре, котлаулар һәм теләкләр яңгырады. Ватанны саклаучылар көне – ул барлык ир-атлар, яраткан, якыннарын һәм Ватаннарын яклау өчен теләсә кайсы минутта сафка басарга әзер торучыларның бәйрәме. Бәйрәм кунаклары шатлык, мәхәббәт һәм язгы кәеф белән тулыланды.

6 нчы март көнне Шәмәрдән авыл мәдәният йорты белгече С.М.Фәтхуллина «Теремок» балалар бакчасы балалары өчен Халыкара хатын-кызлар көненә багышланган «Я подарю улыбку маме» дигән рәсем конкурсы оештырды. Конкурс башында алып баручы балаларны чараның шартлары белән таныштырды һәм кызларны якынлашып килүче 8 Март бәйрәме белән котлады. Аннары балалар сынлы эшчәнлеккә керештеләр. Яраткан әниләр һәм әбиләр адресына иң изге теләкләрен балалар рәсемнәре ярдәмендә җиткерергә тырыштылар. Бала өчен иң кулай ысул — үз хисләрен белдерү, сүзләрдән кала-рәсем ясау. Алар бит рәсемнәрен үз куллары белән ясап, хисләрен  салалар. Конкурс ахырында балалар бергәләп матур итеп стена газетасын рәсмиләштерделәр. Яхшы эшләре өчен чарада катнашучы барлык балаларга татлы күчтәнәчләр      тапшырылды.