«Якташ шагыйрьлэр»

18 мартта Саба район мәдәният йортында «Мөнәҗәтләр-күңел көз» конкурсы булып узды. Шәмәрдән мәдәният йорты каршындагы «Тулган ай» фольклор коллективы катнашучысы М.З.Садыйкова конкурста катнашты. Ул 3 нче урын өчен диплом белән бүләкләнде.

17 март көнне Шәмәрдән мәдәният йорты каршында эшләп килүче «Тулган ай» фольклор коллективы Татарстан Республикасы ветераннары арасында «Балкыш» («Сияние») IX Республика үзешчән башкаручылар фестивалендә катнашты. Сәхнәдә Г.Тукайның «Ана догасы» шигыренә язылган фольклор композициясе күрсәтелде, «Тулган ай» фольклор коллективы җитәкчесе Галиева Минҗиһан Әхмәдулла кызы. Режиссер куючы Шәмәрдән мәдәният йорты филиалы мөдире Әхмәтшина Г.М., сәнгать җитәкчесе Шакирова А.А. Фестивальдә катнашучыларның барысына да дипломнар тапшырылды.

16 март көнне Югары Отар балалар йортында тәрбияләнүчеләр Шәмәрдән мәдәният йортында булдылар. Мәдәният йорты-ул бина гына түгел, ә җәмгыятьнең йөрәге, анда сәнгать һәм мәдәният сөендерү һәм чыннан да матур атмосфера тудыру өчен бергә кушыла. Мәдәният йорты хезмәткәрләре һәм «Тулган ай» фольклор коллективының көмеш волонтерлары балаларыбызны ачык йөз белән каршы алдылар, илһамландыргыч атмосфера тудырдылар. Төрле мәдәни программалар, мастер-класслар, концертлар, шул исәптән күргәзмәләр уздырулары турында сөйләделәр. Шулай ук фойеда экскурсия үткәрделәр, анда тәрбияләнүчеләр тимер юл, паровоз макетын ясаучылар турындагы тарихны тыңладылар, үз куллары белән ясалган тарихи һәм милли күргәзмәләрне карадылар. Үткән һәм хәзерге заман балаларыбызга чыннан да кагылды, алар яхшы тәэсир астында калды һәм бик күп уңай хис-кичерешләр алды.